Números 13:29 - CHUYA QELLQA La Biblia en Quechua de Ayacucho 2012

²⁹ Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Quechua Ayacucho Bible 1987

²⁹ Amalec casta runakunam Neguev lawpiqa yachasqaku, orqo lawpiñataqmi yachasqaku Het casta runakuna, Jebus casta runakuna hinaspa Amor casta runakuna. Lamar qochapa hichpanpiñataqmi yachasqaku Canaan casta runakuna, hina paykunataqmi yachasqa Jordan Mayu lawpipas —nispa.

Chuya Qellqa 1992

²⁹ Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Números 13:29 Iomraidhean Croise

Génesis 14:7

Chaymanta kutiramuspankum chayarurqaku En-mispat llaqtakama (chaypa huknin sutinmi Cades) hinaspankum Amalec runakunapa allpanta hapikuykurqaku chaynallataq Hazezon-tamar llaqtapi yachaq Amor casta runakunapa allpantapas.

Nehemías 9:8

Qanmi allin sonqoyuq kasqanta qawaykurqanki, chaymi paywan huk pactota ruwarqanki, Canaán, Het, Amor, Ferez, Jebús hinaspa Gerges runakunapa allpanta, Abrahampa mirayninman qonaykipaq. ¡Huklla rimaq kasqaykiraykum imam nisqaykita cumplirqanki!

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Números 13:17

Canaán allpata imaynam kasqanta qawamunankupaq kachaspanmi paykunata Moisés nirqa: Kaymantam Neguev lawman rinkichik, hinaspañam orqoman qespinkichik.

Números 13:30

Calebñataqmi, runakunata upallachispan Moisespa qayllanpi nirqa: Rispanchik chay allpata hapimusunchik, chaypi yachaq runakunataqa vencesunchikmi, nispa.

Números 14:25

Amalec runakunawan cananeokunam chay qechwapiqa yachachkanku, chaynaqa kutiychik hinaspa chunniqninta paqarin punchaw kutiychik Puka lamar qocha lawman, nispa.

Números 14:43

Amalecitakunawan cananeokunam ñawpaqnikichikpi kachkanku peleaspa wañuchisunaykichikpaq. Tayta Diosta manaña qatisqaykichikraykum payqa mana yanapasunkichikñachu, nispa.

Números 14:45

Hinaptinmi orqopi yachaq amalecitakunawan cananeokuna lloqsiramuspanku chay orqoman riq runakunata pasaypaqta venceramurqaku hinaspam Horma lawkama qatiramurqaku.

Números 24:20

Amalec runakunapa allpan lawman Balaam qawarispanmi kaynata profetizarqa: Amalec nacionqa wakin nacionkunamantapas ancha reqsisqam, ichaqa tuñichisqa kaspam wiñaypaq purmanqa, nispa.

Deuteronomio 20:17

Heteokunata, amorreokunata, cananeokunata, ferezeokunata, heveokunata chaynataq jebuseokunatapas pasaypaqtam chinkachinkichik; Señornikichik Tayta Diospa kamachisusqaykichikman hinam chaynataqa ruwankichik,

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Josué 10:5

Chaymi amorreokunapa pichqa reyninkuna huñunakuruspanku Gabaón llaqtata atacanankupaq muyuriqninpi churakururqaku. Paykunaqa karqaku Jerusalenpa, Hebronpa, Jarmutpa, La-quispa chaynataq Eglonpa reyninkunam.

Josué 10:6

Gabaonpi yachaqkunañataqmi, Gilgalpi kachkaptin Josueyman kaynata willachimurqaku: Ama saqeruwaykuchu, chaylla hamuspa kay serviqnikikunata yanapaykuwayku hinaspa salvaykuwayku. Orqo lawkunapi yachaq amorreokunapa llapa reyninkunam atacawanankupaq huñunakurunku, nispanku.

Josué 3:10

Kunanmi kawsaq Diospa ñoqanchikwan kasqanta yachankichik. Paymi qayllaykichikmanta cananeokunata, heteokunata, heveokunata, ferezeokunata, amorreokunata chaynataq jebuseokunatapas qarqonqa.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Josué 9:1

Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.

Jueces 3:5

Chaynapim Israelpa mirayninkunaqa cananeokunawan, he-teokunawan, amorreokunawan, ferezeokunawan, heveokunawan hinaspa jebuseokunawan yacharqaku.

Jueces 6:3

Israelpa mirayninkuna tarpuptinkum, madianitakuna, amalecitakuna chaynataq intipa qespimunan lawmanta kaqkunapas paykunapa contranpi hamuqku.

1~Samuel 14:48

Tropakunata huñuruspanmi, Amalec runakunata vencerurqa, chaynatam payqa Israel runakunata suwaqninkunamanta librarqa.

1~Samuel 27:8

Siclag llaqtamantam runankunawan David lloqsiq Gesur castakunapa, Gezer castakunapa chaynataq Amalec castakunapa tukuy imanku apakuq. Kay casta runakunam ñawpaqmantaraq yacharqaku Shur lawmanta qallaykuspa Egipto nacionkama.

1~Samuel 30:1

Kimsa punchawninmanmi runan-kunapiwan Davidqa Siclag llaqtaman chayarurqaku, hinaspam tariykurqaku Amalec runakuna Neguev lawman yaykuruspanku Siclag llaqtata kañaykusqankuta.

1~Samuel 7:14

Israel runakunamanmi kutiykurqa filisteokunapa qechusqan llaqtakuna, Ecrón llaqtamanta Gat llaqtakama; chaynapim Israel runakunaqa allpankuta kutiykachikurqaku, chaymi filisteokunaqa manaña munaychakurqakuñachu. Chaynataqmi Israel runakunaqa Amorreo runakunawanpas hawkayaypiña kawsakurqaku.