Números 13:22 - CHUYA QELLQA La Biblia en Quechua de Ayacucho 2012

²² Neguev lawman rispankum Hebrón llaqtakama chayarurqaku. Chaypim yacharqaku Ahimán, Sesai hinaspa Talmai; paykunaqa karqaku Anacpa mirayninkunam. Hebrón llaqtaqa hatarichisqa karqa Egipto nacionpi Zoán llaqtapa qanchis wata ñawpaqnintaraqmi.

Quechua Ayacucho Bible 1987

²² Neguev lawman chayaruspankum rirqaku Hebron llaqtakama. Chaypim kachkasqa Anacpa mirayninmanta kaq Ahiman, Sesai hinaspa Talmai sutiyoq runakuna. Chay Hebron llaqtaqa hatarichisqa karqa Egipto nacionpi Zoan llaqtapa qanchis wata ñawpaqnintaraqmi.

Chuya Qellqa 1992

²² Neguev lawman rispankum Hebrón llaqtakama chayarurqaku. Chaypim yacharqaku Ahimán, Sesai hinaspa Talmai; paykunaqa karqaku Anacpa mirayninkunam. Hebrón llaqtaqa hatarichisqa karqa Egipto nacionpi Zoán llaqtapa qanchis wata ñawpaqnintaraqmi.

Números 13:22 Iomraidhean Croise

Génesis 13:18

Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Génesis 23:2

Payqa Quiriat-arba llaqtapim wañukurqa, chay llaqtapa huknin sutinmi Hebrón. Hebronqa tarikun Canaán allpapim. Sara wañukuptinmi Abraham llumpayta waqarqa.

2~Samuel 2:1

Chaykuna pasaruptinmi Tayta Diosta David tapurqa: ¿Yaqachu Judá lawpi hukkaqnin llaqtaman riyman? nispa. Chaymi Tayta Dios nirqa: Riy, nispa. Huktawanmi David tapurqa: ¿Mayqan llaqtamantaq risaq? nispa. Tayta Diosñataqmi nirqa: Hebrón llaqtamanmi, nispa.

2~Samuel 2:11

Davidmi qanchis wata soqta killan, Hebrón llaqtamanta Judá runakunata kamachirqa.

2~Samuel 21:16

Chaymi hatunkaray runakunapa mirayninmanta kaq Isbi-benob Davidta wañurachiyta munarqa. Chay runapa lanzanpa broncemanta puntanmi kimsa kilo masninta llasarqa, weqawninpipas musoq espadatam aparqa.

Isaías 19:11

Zoán llaqtapi kamachikuqkunaqa llumpay roqrukunam. Rey Faraonpa yachaysapa consejeronkunapas mana pasaqtam consejanqaku. Ninkuraqmi: Yachayniyuqmi ñoqaykuqa kaniku, ñoqaykuqa ñawpaq reykunapa castanmi kaniku, nisparaq.

Isaías 19:13

Zoán llaqtapi kamachikuqkunaqa roqrukamam, Menfis llaqtapi kamachikuqkunaqa lliwmi engañarachikunku. Ayllunkupi kamachikuqkunaqa, Egipto nacionta pantayman apaqkunam.

Isaías 30:4

Kamachiqnikikuna Zoán llaqtapi kaptinpas, kachasqaykichik runakuna Hanes llaqtaman chayaruptinpas,

Números 13:17

Canaán allpata imaynam kasqanta qawamunankupaq kachaspanmi paykunata Moisés nirqa: Kaymantam Neguev lawman rinkichik, hinaspañam orqoman qespinkichik.

Números 13:28

Ichaqa chay allpapi yachaq runakunam kallpasapakuna kasqaku, llaqtankupas hatun murallayuqkamam kasqa, hatunkaray Anacpa churinkunatapas chaypim rikuramuniku.

Números 13:33

Anacpa miraynin hatunkaray runakunatapas rikuramunikum, paykunapa qayllanpiqa aqaruway hinallam karqaniku, chayna sayayllatataqmi paykunapas qawawarqaku, nispanku.

Deuteronomio 9:2

yachasqaykichikpi hinapas chay llaqtakunapa runankunaqa anaceokuna hina hatunkaray runakunam, uyarirqankichiktaqmi: “¿Anacpa mirayninkunawanqa pitaqsi peleanman?” nisqankutapas.

Josué 10:36

Eglonmantam Josueyqa tropankunawan rispanku Hebrón llaqtata atacarurqaku.

Josué 21:13

Sacerdote Aaronpa mirayninkunamanmi Hebrón llaqtatawan echaderonkunata qoykurqaku. Hebronqa karqa amparakuna llaqtam. Qoykurqakutaqmi kay llaqtakunatapas: Libna,

Jueces 1:10

Ñawpaqta “Quiriat-arba” nispa sutichasqanku Hebrón llaqtamanpas yaykuruspankum cananeokunapa contranpi peleaspa, Sesaita, Ahimanta hinaspa Talmaita wañurachirqaku.

1~Samuel 30:31

Hebrón llaqtaman hinaspa runankunawan purisqanku llaqtakunamanpas.