Números 13:20 - CHUYA QELLQA La Biblia en Quechua de Ayacucho 2012

²⁰ Chay allpaqa kawsaykunapa qespinanchu icha manachu, sachayuqkunachu icha manachu. Kallpanchakuspam chay allpapa rurunta apamunkichik, nispa. Chay wateqamusqanku punchawkunaqa uvaspa punta rurunkuna rikurimunan tiempom karqa.

Quechua Ayacucho Bible 1987

²⁰ Chay allpaqa ¿kawsaykunapa qespinanchu icha manachu? ¿sachayoqkunachu icha manachu? Kallpanchakuspayá apamuychik chay allpapa rurunta —nispa. Chay wateqamusqanku punchawkunaqa karqa uvaspa punta rurunkuna rikurimuq tiempom.

Chuya Qellqa 1992

²⁰ Chay allpaqa kawsaykunapa qespinanchu icha manachu, sachayuqkunachu icha manachu. Kallpanchakuspam chay allpapa rurunta apamunkichik, nispa. Chay wateqamusqanku punchawkunaqa uvaspa punta rurunkuna rikurimunan tiempom karqa.

Números 13:20 Iomraidhean Croise

1~Crónicas 22:11

Chaynaqa, churilláy Tayta Diosyá qanwan kachun, nisusqaykiman hina Tayta Diospa wasinta ruwanaykipaq.

Nehemías 9:25

Hapikuykurqakutaqmi murallasqa llaqtakunatapas, tukuy imapa qespinan allpakunatapas, tukuy imayuq wasikunatapas, toqosqa pozokunatapas, uvas chakrakunatapas, olivos sachakunatapas, tukuy rikchaq fruta sachakunatapas. Saksanankukama mikuspankum wirayarqaku, tukuy ima qosqaykitam mikuspa kusikurqaku.

Nehemías 9:35

Paykunaqa kay nacionpi munaychakuchkaspankupas, tukuy ima allin kaqkunata paykunaman qochkaptikipas, tukuy imapa qespinan hatu-hatun allpata qochkaptikipas, manam qamtaqa yupaychasurqankichu, nitaqmi mana allin ruwayninkutapas saqerqakuchu.

Ezequiel 34:14

Suma-sumaq pastokunapi michiptiymi kanchankupas kanqa Israel law orqonkunapi; chaypim sumaq kanchakunapi samaspanku Israel orqokunapi wiñaq sumaq pastokunata mikunqaku.

Daniel 11:24

Tukuy imapa kasqanpi hawka kawsakuq llaqtakunamanpas yaykuruspanmi taytanpa chaynataq ñawpaq taytankunapa mana ruwasqankunata ruwanqa. Soldadonkunamanmi aypunqa guerrawan tukuy ima qechusqanta, aypunqataqmi qori-qollqe salteasqankunatapas. Payqa murallasqa llaqtakunata atacananpaqmi tanteanqa, chaywanpas chay tanteasqanqa manam unaypaqchu kanqa.

Miqueas 7:1

¡Ay, imallapiraq rikukuni! Cosecharuptinku pallapakuq hinam rikuriruni, uvasta pallaparuptinku, mikuykuyta munaspa chulla rurullatapas mana tariq hinam rikuriruni.

Números 13:19

imaynataq yachasqanku allpakuna, allinchu icha manachu; yachasqanku llaqtakunaqa campamentokunallachu icha murallasqa llaqtakunachu.

Deuteronomio 1:24

Paykunam orqonta rispanku Escol wayqokama chayarurqaku. Chaymanta pasaspankum lliw allpata qawamurqaku.

Deuteronomio 1:25

Qawamuspam chay allpapa rurunkunatapas apamurqaku, hinaspam kaynata willawarqanchik: “Señorninchik Tayta Diospa qowananchik allpaqa allinmi kasqa”, nispanku.

Deuteronomio 31:23

Nunpa churin Josueyta kamachispanmi Tayta Dios kaynata nirqa: Kallpanchakuspa qarinchakuy, qanmi jurasqay allpaman Israelpa mirayninkunata pusanki, ñoqam qanwan kasaq, nispa.

Hebreos 13:6

Chaynaqa, confianzawanmi ninan-chik: “Señormi ñoqapa yanapawaqniyqa manam manchakusaqchu, runapa imapas ruwawanantaqa manam manchakusaqchu”, nispanchik.

Josué 1:6

Qarinchakuspayá kallpanchakuy. Qanmi ñawpaq taytankuman prometesqay allpata kay runakunaman herencianku kananpaq partenki.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Josué 2:1

Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa: Jericó llaqtatawan muyuriqninpi allpakunata qawaramuychik, nispa. Chaymi rispanku Rahab sutiyuq chuchumika warmipa wasinman chayaruspanku chaypi samarurqaku.

Josué 2:3

Reyñataqmi Rahabta kaynata nichi-murqa: Wasikiman chayamuq runakunata hurqomuy, chay runakunaqa allpanchik wateqaqmi hamurunku, nispa.