Números 13:17 - CHUYA QELLQA La Biblia en Quechua de Ayacucho 2012

¹⁷ Canaán allpata imaynam kasqanta qawamunankupaq kachaspanmi paykunata Moisés nirqa: Kaymantam Neguev lawman rinkichik, hinaspañam orqoman qespinkichik.

Quechua Ayacucho Bible 1987

¹⁷ Canaan allpata wateqamunankupaq Moises kachaspanmi paykunata nirqa: —Kaymantam rinkichik Neguev lawman hinaspañam pasankichik orqo lawman.

Chuya Qellqa 1992

¹⁷ Canaán allpata imaynam kasqanta qawamunankupaq kachaspanmi paykunata Moisés nirqa: Kaymantam Neguev lawman rinkichik, hinaspañam orqoman qespinkichik.

Números 13:17 Iomraidhean Croise

Génesis 12:9

Abrammi chay sitiomanta lloqsispan kaypi chaypi samastin Neguev lawman chayarurqa.

Génesis 13:1

Abrammi warmintin llapa imanta aparikuspan Egiptomanta Neguev lawman kutimurqa, paywantaqmi sobrinon Lotpas kutimurqa.

Génesis 13:17

Hatarispayki kay allpata patan-patan muyumuy, kay allpatam qosqayki, nispa.

Génesis 13:3

Neguev lawmantam allimanta kutirqa ñawpaq yachasqan Bet-elkama. Chay sitioqa tarikurqa Bet-elmanta Haiman rinapim.

Génesis 14:10

Sidim qechwaqa brea qochakunawan huntam tarikurqa, chaymi Sodomapa reyninwan Gomorrapa reynin lluptichkaspanku chayman wichiykurqaku, wakiqninñataqmi orqokunaman lluptirqaku.

Números 13:18

Imaynam allpa kasqantam qawamunkichik, chaypi yachaq runakunapas kallpasapachu icha manachu, paykunaqa asllachu icha achkachu kanku,

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Números 14:40

Chaymi paqarinnintin tutapayta hatarispanku orqoman rirqaku hinaspa nirqaku: Kaypiñam kachkanchik chaynaqa Tayta Diospa prometewasqanchik allpaman hakuchik. Cheqaptapunipas huchallikurunchikmi, nispanku.

Deuteronomio 1:44

Ichaqa chay orqopi yachaq amorreokunam lloqsiramuspanku Seir orqopi vencerusurqankichik, hinaspam Horma llaqtakama wayliskuna hinaraq qatisurqankichik.

Josué 10:40

Josueymi puchukarachirqa orqokuna lawpi, Neguev lawkunapi, qechwa lawkunapi chaynataq waqtakunapi llaqtakunatapas. Runankutapas reyninkutapas mana puchuykuspam lliwta wañuchirqa. Chaynataqa ruwarqa Israelpa yupaychasqan Tayta Diospa kamachisqanman hinam.

Josué 15:3

chaymantam sur lawman Acrabim wichayta hoqarikuspan Zin chunniqninta Cades-barneapa sur lawninman chayarqa; hinaspam Hezrón lawninta rispan Adarkama wicharirqa, chaymantam Carca lawman muyumurqa.

Josué 2:1

Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa: Jericó llaqtatawan muyuriqninpi allpakunata qawaramuychik, nispa. Chaymi rispanku Rahab sutiyuq chuchumika warmipa wasinman chayaruspanku chaypi samarurqaku.

Jueces 1:15

Acsañataqmi nirqa: Neguev allpata qoykuwachkaspaykiqa ama hina kaspayá pukyukunatapas qoykuway, nispa. Chaymi hanay lawpi pukyukunatawan uray lawpi pukyukunata Caleb qoykurqa.

Jueces 1:19

Judá ayllukunam Tayta Dios yanapaptin orqokunapi yachaqkunata qarqorurqaku. Qechwapi yachaqkunatam ichaqa mana qarqoyta atirqakuchu, guerrapaq carretanku fierromanta kasqanrayku.

Jueces 1:9

chayman-tam orqokunapi, Neguev lawpi chayna-taq waqtakunapi yachaq cananeokunapa contranpi peleaq rirqaku.