Números 12:8 - CHUYA QELLQA La Biblia en Quechua de Ayacucho 2012

⁸ Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa, ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Quechua Ayacucho Bible 1987

⁸ Paywanqa imam kaqtam uyapura rimani, manam rikchanachiykunawanchu, chaynaqa ñoqa Tayta Diosta rikuwachkaptinqa ¿imanasqamá manaqa manchakurqankichikchu serviqniy Moisespa contranpi rimaytaqa? —nispa.

Chuya Qellqa 1992

⁸ Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Números 12:8 Iomraidhean Croise

Génesis 32:30

Chaynapim Jacobqa chay lugarta Penielwan suticharqa, kaynata nispa: Diosta rikuruchkaspaypas kawsachkaniraqmi, nispa.

Éxodo 19:19

Cornetam aswan kallpawan qaparirqa, chaymi Tayta Diosta Moisés rimapayaptin rayo hina qaparillawanña contestamurqa.

Éxodo 20:4

Amam imaman rikchakuq idolotapas ruwakunkichu, hanaq pachapi kaqman, kay pachapi kaqman, allpa ukupi kaqman nitaq yakupi kaqman rikcha-kuqtapas.

Éxodo 33:11

Tayta Diosqa lado-ladollam Moiseswan rimaq, imaynam pipas runamasinwan rimachkaq hina. Chaymantam Moisesqa campamentoman kutiq. Yanapaqnin Nunpa churin joven Josueymi ichaqa carpamanta mana asuriqchu.

Éxodo 33:19

Chaymi Tayta Dios nirqa: “Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq.

Éxodo 33:23

Hinaptinmi makiyta suchuriykachiptiy wasayta rikunki, uyaytam ichaqa mana rikunkichu, nispa.

Éxodo 34:30

Aaronwan Israelpa mirayninkunañataqmi Moisespa uyanta kancharichkaqta qawaykuspanku, mancharikuymanta mana asuykuyta atirqakuchu.

Proverbios 1:6

yachaywan rimaykunapa nisqanta entiendenanpaq, yachayniyuqkunapa rimasqanta entiendenanpaq.

Isaías 40:18

¿Piwantaq Tayta Diosta rikchanachiwaqchik? ¿Imaman rikchakuqtataq payta ruwawaqchik?

Isaías 46:5

¿Piman rikchakuqpaqtaq hapiwankichik? ¿Pimantaq tupachiwankichikman? ¿Yaqachu pipas ñoqaman rikchakuq kanman?

Ezequiel 17:2

Runapa churin, Israelpa mirayninkunaman kay rikchanachiyta nimuy.

Ezequiel 20:49

Hinaptinmi ñoqa nirqani: Dios Taytalláy, runakunaqa rikchanachiykunallata rimaqpaqmi hapiwanku, nispay.

Oseas 12:13

Tayta Diosmi huk profetantakama Israelta Egipto nacionmanta hurqomurqa, huk profetantakamam paykunata Tayta Dios waqaycharqa.

Números 14:14

kay allpapi yachaqkunaman willaykunqaku. Paykunapas yachankum runaykikunawan kasqaykitaqa chaynataq uya-uyapura paykunawan rimasqaykitapas. Yachankutaqmi paykunapa hawan-pi puyuyki sayasqantapas chaynataq punchawpi sayaq puyupi hinaspa tutan-ñataq sayaq ninapi ñawpaqninkuta risqaykitapas.

Números 7:89

Diosman asuykuna carpamanmi Moisés yaykurqa Dioswan rimananpaq, hinaptinmi chunkantin kamachikuykuna waqaychana Arcapa tapanmanta otaq querubinkunapa chawpinmanta Moisesta Tayta Dios rimapayamuq. Chaynatam Moiseswan Tayta Dios rimaq.

Mateo 13:35

Chaynapi profetapa kayna nisqan cumplikunanpaq: Rikchanachiykunawanmi rimarisaq, kay pachata Dios unanchasqanmantapuni pakasqa kaqkunatam rimasaq, nispa.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 15:15

Manañam serviqniykuna nisqaykichikñachu, sirvienteqa manam yachanchu patronninpa ruwasqankunataqa. Qamkunaqa amistadniyñam kankichik, chaymi Taytapa niwasqankunata yachachirqaykichik.

Juan 15:24

Sichum paykuna ukupi mana pipapas ruwas-qanta mana ruwaptiyqa manam huchayuqchu kanmanku karqa, ichaqa chay ruwasqaykunata rikuchkaspankupas cheqniwankuraqmi, cheqninkutaqmi Taytaytapas.

1~Corintios 13:12

Kunanqa espejopi hinam chinka-chinkallata qawachkanchik, ichaqa huk punchawmi imam kaqta rikusunchik. Kunanqa reqsini wakillantam, chay punchawmi ichaqa tukuy imata reqsisaq imaynam ñoqata Dios reqsiwasqanta hina.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

Deuteronomio 18:15

Señornikichik Tayta Diosmi qamkunamanta ñoqa hina profetata hata-richinqa, hinaptinmi payta kasunkichik.

Deuteronomio 34:10

Israelpa mirayninkunapiqa manañam haykapipas Diospa profetan Moisés hinaqa karqachu. Paywanqa Tayta Diospas uyapuram rimarqa.

Deuteronomio 4:15

Horeb orqopi rupachkaq nina ukumanta Tayta Diospa rimapayamususqaykichik punchawpiqa manam ima rikchaytapas rikurqankichikchu. Chaynaqa, huchaman urmanaykichikmanta waqaychakuychik, yanqañataq qariman otaq warmiman rikchakuq idolokunata ruwaspa huchallikuwaqchik.

Deuteronomio 5:8

Amam ima idolotapas ruwakunkichu, nitaq hanaq pachapi kaqman, kay pachapi kaqman, allpa ukupi kaqman hinaspa yakupi kaqman rikchakuqtapas.

Colosenses 1:15

Mana rikuy atina Diospa rikchayninqa Cristom, llapa imakunapas manaraq unanchasqa kachkaptinqa payqa karqañam.

1~Tesalonicenses 4:8

Chaynaqa, kay yachachisqayta wischupakuqqa, manam runatachu wischupakun aswanqa Chuya Espíritu qosuqnikichik Diostam.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

Hebreos 1:1

Ñawpaq tiempokunapim profetankunatakama achka kutita hinaspa tukuy imaymanapi ñawpaq taytanchikkunaman Dios rimapayarqa.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

2~Pedro 2:10

Diosqa aswanraqmi castiganqa aychanpa munasqanpi hinaspa qanra vidapi puriqkunataqa, paykunaqa hatun tukusparaqmi atiyniyuqkunatapas desprecianku, nitaqmi manchakunkuchu hanaq pachapi atiyniyuqkunatapas.

Judas 1:8

Chaynataqmi chay mana allin runakunapas musqoyllankuman hapipakuspanku cuerponkutapas huchawanraq qanrachanku, Señorpa atiynintapas kutipakunkum, hanaq pachapi atiyniyuqkunatapas insultankum.