Números 12:2 - CHUYA QELLQA La Biblia en Quechua de Ayacucho 2012

² Paykunam nirqaku: ¿Moisesnintakamallachu Tayta Diosqa rimarqa? ¿Ñoqanchiktakamapas manachum rimarqa? nispanku. Chayna rimapakusqankutam Tayta Dios uyarirurqa.

Quechua Ayacucho Bible 1987

² Paykunamá nirqaku: —¿Tayta Diosqa Moisesnintakamallachu rimarqa? ¿Manachum rimarqa ñoqanchiktakamapas? —nispa. Hinaptinmi Tayta Dios paykunata uyarirurqa.

Chuya Qellqa 1992

² Paykunam nirqaku: ¿Moisesnintakamallachu Tayta Diosqa rimarqa? ¿Ñoqanchiktakamapas manachum rimarqa? nispanku. Chayna rimapakusqankutam Tayta Dios uyarirurqa.

Números 12:2 Iomraidhean Croise

Génesis 29:33

Huktawan wiksayakuruspanmi qari wawata wachakurqa, hinaspam nirqa: Despreciasqa kasqayta Tayta Dios uyarispanmi kay wawaytawan qoykuwan, nispa. Hinaspam Simeonwan suticharqa.

2~Samuel 11:27

Lutokusqan tiempo pasaruptinmi Uriaspa viudanta palacionman David pusachimurqa. Chaymi warminña kaspan Davidpa qari churinta wachakurqa. Ichaqa Davidpa ruwarusqanqa manam Tayta Diospa munasqanman hinachu karqa.

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

Éxodo 4:14

Hinaptinmi Moisespaq Tayta Dios llumpayta piñakuspan nirqa: Ñoqaqa reqsinim Leví ayllumanta wawqeki Aaronta, paymi rimanqa. Paymi taripamusuchkanki, qawaykususpaykim sonqonpi kusikunqa.

Éxodo 4:30

Chaymi Aarón paykunaman willarqa Tayta Diospa tukuy ima Moisesman nimusqanta, runakunapa rikusqantataqmi señalkunatapas ruwarqa.

Éxodo 5:1

Moiseswan Aaronmi Faraonpa qayllanman yaykuspanku nirqaku: Israelpa yupaychasqan Tayta Diosmi nin: “Llaqtayta kachariy chunniqman rinankupaq, hinaspa fiestata ñoqapaq ruwamunankupaq”, nispa.

Éxodo 7:10

Moiseswan Aaronmi, Faraonpa qayllanman yaykuspanku Tayta Diospa kamachisqanman hina ruwarqaku. Chaymi Faraonpa hinaspa serviqninkunapa ñawpaqninman tawnanta Aarón wischuykuptin maqta uruman tikrakururqa.

Proverbios 13:10

Hatun tukuq runaqa peleollatam hatarichin, yachaymi ichaqa uchuychakuqkunawan tarikun.

Isaías 37:4

Ichapas Tayta Dios uyarirqa Asiria reypa kamachimusqan runapa Tayta Diosta kamisqanta, allincha kanman chay rimasqanmanta Tayta Dios puchukachiptinqa. Chaynaqa, Diostayá puchuq kaqkunapaq mañakuy, nispa.

Miqueas 6:4

Egiptomantam qamtaqa hurqomurqayki, esclavo kasqaykimantam libramurqayki. Pusamusunaykipaqmi Moisesta, Aaronta hinaspa Mariata kachamurqani.

Números 11:1

Huk punchawmi Israelpa miray-ninkuna sasachakuykunapi kaspanku Tayta Diospa contranpi rimarqaku. Chaymi pay anchallataña piñakuruspan campamentopa muyuriqninta ninawan kañarurqa.

Números 11:29

Chaymi Moisés nirqa: ¿Imamantataq envidiakunki? Amalaya llapallan runankunaman Espiritunta Tayta Dios qoykunman, chaynapi llapallankuña profetizanankupaq, nispa.

Números 12:3

Moisesqa llapallan runakunamantapas llumpay uchuychakuqmi karqa.

Números 16:3

Paykunam huñunakuruspanku Moisespa hinaspa Aaronpa contranpi kaynata nirqaku: ¡Qamkunapa munaychakuynikichikqa kaykamallayá kachun! Diosqa kay runakunataqa llapallantam sapaqcharqa, Tayta Diospas llapanchikwanmi kachkan. ¿Chaynaqa, imanasqataq qamkunalla Tayta Diospa llaqtanpi munaychakuchkankichik? nispanku.

Romanos 12:10

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

Romanos 12:3

Yachachinaypaq Dios churaykuwas-qanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyay-manaspayá sapakama tanteaychik, imaynam sapakamaman Diospa iñiy qosusqaykichikman hina.

Filipenses 2:14

Lliwtayá ruwaychik ama kaminakuspa nitaq kutipanakuspa,

Filipenses 2:3

Amayá cheqnikuspaqa nitaq hatun tukuspaqa imatapas ruwaychikchu, aswanqa uchuychakuspayá kikikichikmantapas aswan allinpaqraq wakinkunata hapiychik.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.