Números 11:4 - CHUYA QELLQA La Biblia en Quechua de Ayacucho 2012

⁴ Israelpa mirayninkunamanmi huklaw llaqtayuq runakuna hukllawakaramurqa. Paykunam wiksanku huntachiyllapi yuyaymanaqku. Chaymi Israelpa mirayninkunapas paykunata qatipakuspa kaynata nispa waqarqaku: ¡Maypiraq aycha mikuykunanchi-kpaq!

Quechua Ayacucho Bible 1987

⁴ Israelpa mirayninkunawanmi karqaku tukuy rikchaq runakuna. Paykunam imapas munasqanku mikuykuyta anchallataña munarqaku. Hinaptinmi Israelpa mirayninkunapas paykunawan kuska waqarqaku kaynata nispa: —Amalaya aycha karunman mikuykunanchikpaq.

Chuya Qellqa 1992

⁴ Israelpa mirayninkunamanmi huklaw llaqtayuq runakuna hukllawakaramurqa. Paykunam wiksanku huntachiyllapi yuyaymanaqku. Chaymi Israelpa mirayninkunapas paykunata qatipakuspa kaynata nispa waqarqaku: ¡Maypiraq aycha mikuykunanchikpaq!

Números 11:4 Iomraidhean Croise

Nehemías 13:3

Chay leesqanku kamachikuypa imam nisqanta uyariykuspankum Israel runakunamanta llapallan huklaw llaqtayuqkunata rakirqaku.

Éxodo 12:38

Paykunawantaqmi lloqsirqa nana-nanaq tukuy rikchaq runakunapas chaynataq achka-achka ovejakunawan vacakunapas.

Éxodo 16:12

Ñoqam uyarirqani Israelpa mirayninkunapa rimasqanta, paykunata niy: “Chisinkuytam aychata mikunkichik, tutapaytañataqmi tantawan saksankichik, chaynapim yachankichik ñoqaqa Tayta Dios kasqayta”, nispa.

Éxodo 16:3

Hinaspam nirqaku: Allinchá kanman karqa Egipto na-cionpi Tayta Dios wañurachiwaptin-kuqa, chay nacionpiqa aychayuq man-kakunapa ladonpim tiyarqaniku, tantatapas saksanaykukamam mikuq kaniku; kunanñataqmi kay chunniqman pusaramuwankiku yarqaymanta wañuchiwanaykikupaq, nispanku.

Jeremías 42:14

“Manam kay allpapiqa yachaymankuchu, aswanqa Egiptomanmi risaqku. Chaypiqa manañam guerrata rikusaqkuchu, guerrapaq trompetapa waqasqantapas manañam uyarisaqkuchu, nitaqmi yarqaymantapas ñakarisaqkuñachu” nispaykichik,

Números 11:18

Llaqtata kamachiy paqarin chuyanchakunankupaq, chaynapi aychata mikunankupaq. Paykunatam uyarirqani: “Maypiraq aycha mikunanchikpaq”, nispa waqasqankuta. Uyarirqanitaqmi “Egipto nacionpiqa allinmi kakurqanchik”, nisqankutapas. Chaynaqa, ñoqam paykunaman mikunankupaq aychata qosaq.

Números 14:1

Hinaptinmi Israelpa mirayninkuna qaparispanku tukuy tuta waqarqaku.

Números 14:22

Egiptopipas, chunniqpipas atiyniytawan señal ruwasqaykunata rikuchkaspanku, achka kuti-kamaña pruebaman churawaqniykunaqa chaynataq kamachikuyniykunatapas mana kasukuqkunaqa,

Números 16:13

¿Yanqapaqchu rikchakapusunki tukuy imapapas kanan Egipto nacionmanta pusaramuwaspaykiku kay chunniqpi wañurachiwaynikiku? ¿Kamachikuq hinachu ñoqaykupi munaychakuyta munanki?

Romanos 13:14

Aswanqa Señorninchik Jesucristowan pachallikuychik, aychapa munaynintapas amaña ruwaychikchu.

1~Corintios 10:6

Chaykunaqa pasakurqa ñoqanchikpaq huk ejemplo hina kananpaqmi, chaynapi paykunapa mana allin munapayasqanta hina ñoqanchikpas mana munapayananchikpaq.

1~Corintios 15:33

Amayá engañachikuychikchu, mana allin rimaykunaqa allin kawsakuytam pierdechin.

Deuteronomio 9:22

Tabera lawpipas, Masah lawpipas hinaspa Kibrot-hataava lawpipas Tayta Diostaqa piñachirqankichikmi.