Números 11:23 - CHUYA QELLQA La Biblia en Quechua de Ayacucho 2012

²³ Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

Quechua Ayacucho Bible 1987

²³ Hinaptinmi Tayta Diosñataq Moisesta nirqa: —¿Piensankichu pisilla atiyniyoq kasqayta? Kunanmi yachanki nisqaykunaqa cumplikunqachus icha manachus —nispa.

Chuya Qellqa 1992

²³ Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

Números 11:23 Iomraidhean Croise

Génesis 18:14

¿Kanmanchu Diospaq imapas mana ruway atinan? Wataman kunan hinatam huktawan watukamusqayki, chaypaqqa Sarapas wawayuqñam kanqa, nispa.

2~Reyes 4:43

Chaymi criadon nirqa: ¿Imanispataq pachak runakunaman kaychallata qoykusaq? nispa. Eliseoñataqmi nirqa: Runakunaman mikunanpaq qoy, Tayta Diosmi nin: “Mikuptinkupas puchunqaraqmi” nispa.

2~Reyes 7:2

Chaymi profeta Eliseota reypa yana-paqnin nirqa: Hanaq pachapa ventanankunataña Tay-ta Dios kichaykuptinpas manam chay nisqaykiqa cumplikunmanchu, nispa. Hinaptinmi Eliseo nirqa: Qamqa rikunkim ichaqa manam mikun-kichu, nispa.

Éxodo 6:1

Chaymi Moisesta Tayta Dios nirqa: Kunanmi Faraonta imam ruwasqayta qawanki, atiyniywan ñakarichiptiyñam kacharisunkichikqa, hinaspam nacionninmanta kikin qarqosunkichik, nispa.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 59:1

Tayta Diospa atiyninqa manam pisirunchu mana salvawananchikpaq hinaqa, rinrinpas manam upayarunchu manaña uyarinanpaq hinaqa.

Jeremías 14:9

¿Imanasqataq muspaypi runa hina rikurirunki? ¿Imanasqataq allin qari kachkaspa mana ima ruway atiq rikurirunki? Chaywanpas Dios Taytallayku, qamqa ñoqaykuwanmi kachkanki, lliwmi yachanku llaqtayki kasqaykutaqa, amayá saqerullawaykuchu.

Jeremías 32:17

¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Jeremías 32:27

Ñoqaqa llapallan runakunapa yupay-chanan Tayta Diosmi kani. ¿Yaqachu ñoqapaq imapas mana ruway atinay kanman?

Ezequiel 12:25

Ñoqa Tayta Diosqa kikiypunim rimasaq, imam rimasqayqa chayllam cumplikunqa. Mana kasukuq runakuna ñawikichikwanmi rikunkichik; imam rimasqaytaqa ruwasaqpunim. Ñoqa Tayta Diosmi chaynata nini.

Ezequiel 24:14

Ñoqa Tayta Diosmi chaynata nini, hinaptinqa chaynapunim kanqa. Mana qepaman kutirispam chaynata ruwasaq. Mana llakipayarispam cumplisaq, imaynam kawsasqaykimantawan imam ruwasqaykimantam castigasqayki. Ñoqa Tayta Diosmi chaynata nini.

Daniel 6:20

Chayaruspanmi llakillawanña Danielta qayarqa: Kawsaq Diospa serviqnin Daniel, mana samaspa servisqayki Diosniki, ¿yaqachu leonkunamanta libraykusunki? nispan.

Miqueas 2:7

Jacob castakuna, qamkunam kaynata tanteanakunkichik: ¿Tayta Diospa espiritunchu pisiparun? ¿Kaykunachu ruwayninkuna? ¿Manachum Tayta Diosqa allin ruwaq runata yanapaykun? nispaykichik.

Números 11:22

¿Maypitaq nana-nanaq ovejakuna, vacakuna kachkan, chaynapi nakaspay llapallanman mikuchinapaq? Lamar qochapi challwakunapas manam paykunamanqa haypanmanchu, nispa.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Mateo 19:26

Jesusñataqmi paykunata qawarispan nirqa: Runakunapaqqa kayqa mana ruway atinanmi, Diospaqmi ichaqa atinallan, nispa.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Lucas 1:37

Diospaqqa manam imapas sasachu, nispa.