Números 11:18 - CHUYA QELLQA La Biblia en Quechua de Ayacucho 2012

¹⁸ Llaqtata kamachiy paqarin chuyanchakunankupaq, chaynapi aychata mikunankupaq. Paykunatam uyarirqani: “Maypiraq aycha mikunanchikpaq”, nispa waqasqankuta. Uyarirqanitaqmi “Egipto nacionpiqa allinmi kakurqanchik”, nisqankutapas. Chaynaqa, ñoqam paykunaman mikunankupaq aychata qosaq.

Quechua Ayacucho Bible 1987

¹⁸ Runakunatayá kamachiy ñoqapaq paqarin sapaqchakunankupaq chaynapi aychata mikunankupaq. Paykunatam uyarirqani: “Amalaya aycha kanman mikunanchikpaq” nispa waqasqankuta. Uyarirqanitaqmi “Egipto nacionpim allinqa kakurqanchik” nisqankutapas. Chaynaqa ñoqam paykunaman aychata qosaq mikunankupaq.

Chuya Qellqa 1992

¹⁸ Llaqtata kamachiy paqarin chuyanchakunankupaq, chaynapi aychata mikunankupaq. Paykunatam uyarirqani: “Maypiraq aycha mikunanchikpaq”, nispa waqasqankuta. Uyarirqanitaqmi “Egipto nacionpiqa allinmi kakurqanchik”, nisqankutapas. Chaynaqa, ñoqam paykunaman mikunankupaq aychata qosaq.

Números 11:18 Iomraidhean Croise

Génesis 35:2

Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

Jobwan Sutichasqa Libro 20:13

allinpaq hapispan manaña millakuptinpas simin ukupiña waqaychaptinpas,

Jobwan Sutichasqa Libro 20:23

Wiksanta huntachichkaptinmi piñakuyninta Dios kachaykunqa, parata hinam piñakuyninta kachaykunqa.

Éxodo 16:8

Moisesqa nirqataqmi: Tardemanmi Tayta Dios aychata qosunkichik mikunaykichikpaq, paqarin tutapaytañataqmi saksanaykichikkama tantata qosunkichik. Tayta Diosmi uyarirun paypa contranpi rimasqaykichikta. Ñoqaykuqa, ¿pitaq kaniku? Rimasqaykichikqa manam ñoqaykupa contraykupichu, aswanqa Tayta Diospa contranpim, nispa.

Éxodo 19:10

Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Éxodo 19:15

Runakunatam Moisés nirqa: Mincha punchawpaqmi allichakunkichik, chay punchawpaqqa amam warmikichikwanpas puñunkichikchu, nispa.

Éxodo 19:22

Ñoqaman asuykamuq sacerdotekunapas chuyanchakuchunku, yanqañataqmi paykunatapas wañurachiyman, nispa.

Números 11:1

Huk punchawmi Israelpa miray-ninkuna sasachakuykunapi kaspanku Tayta Diospa contranpi rimarqaku. Chaymi pay anchallataña piñakuruspan campamentopa muyuriqninta ninawan kañarurqa.

Números 11:19

Paykunaqa manam huk punchawllachu, iskay punchawllachu, pichqa punchawllachu, chunka punchawllachu nitaq iskay chunka punchawllachu mikunqaku.

Hechos 7:39

Ichaqa ñawpaq taytanchikkunam payta mana kasurqakuchu, hinaspam qepanchakuruspanku Egipto nacionman kutikuyta munaspanku

Josué 7:13

Hatarispayki runakunata chuyanchay hinaspa paqarinpaq chuyanchakamunankupaq kamachiy. Ñoqa Tayta Diosmi, Israelpa Diosninmi kaynata nini: Chinkachisqa kananpaq ñakasqa kaqkunam Israel ukupi kachkan. Chaykuna chawpikichikmanta chinkachisqa kanankamam enemigoykichikta mana venceyta atinkichikchu.

Jueces 21:2

Ichaqa Bet-el llaqtapi huñunakuruspankum Tayta Diospa qayllanpi tukuylla punchaw sinchita waqaspanku nirqaku: