Números 11:1 - CHUYA QELLQA La Biblia en Quechua de Ayacucho 2012

¹ Huk punchawmi Israelpa miray-ninkuna sasachakuykunapi kaspanku Tayta Diospa contranpi rimarqaku. Chaymi pay anchallataña piñakuruspan campamentopa muyuriqninta ninawan kañarurqa.

Quechua Ayacucho Bible 1987

¹ Huk punchawmi Israelpa mirayninkuna sasachakuykunapi kaspanku Tayta Diospa contranpi rimarqaku. Chaymi pay uyariruspan anchallataña piñakurqa hinaspam campamentopa muyuriqninta kañarurqa ninata rikuriykachimuspan.

Chuya Qellqa 1992

¹ Huk punchawmi Israelpa mirayninkuna sasachakuykunapi kaspanku Tayta Diospa contranpi rimarqaku. Chaymi pay anchallataña piñakuruspan campamentopa muyuriqninta ninawan kañarurqa.

Números 11:1 Iomraidhean Croise

Génesis 38:10

Onanpa chay ruwasqanmi Diospaq mana allinchu karqa, chaymi paytapas wañurachirqa.

2~Samuel 11:27

Lutokusqan tiempo pasaruptinmi Uriaspa viudanta palacionman David pusachimurqa. Chaymi warminña kaspan Davidpa qari churinta wachakurqa. Ichaqa Davidpa ruwarusqanqa manam Tayta Diospa munasqanman hinachu karqa.

2~Reyes 1:12

Chaymi Elías nirqa: Sichum Diospa profetan kaptiyqa, hanaq pachamanta nina uraykamuspayá qamtawan pichqa chunka runaykikunata rupasunkichik, nispa. Hinaptinmi hanaq pachamanta nina uraykamuspan chay capitantawan pichqa chunka runankunata ruparurqa.

Jobwan Sutichasqa Libro 1:16

Manaraqpas chay runa willakuyta tukuchkaptinmi huk runapas chayaramuspan nirqa: Rayo wichiykamuspanmi llapa ovejakunatawan llapa michiqkunata kañarun. Ñoqallañam lluptiramuni qanman willanaypaq, nispa.

Éxodo 16:7

Paqarin tutapaytañataqmi Tayta Diospa atiyninta qawankichik, paymi contranpi rimasqaykichikta uyarirun. Ñoqaykuqa, ¿pitaq kaniku contraykupi rimanaykichikpaqqa? nispanku.

Éxodo 16:9

Hinaptinmi Aaronta Moisés nirqa: Israelpa mirayninkunata huñunaspa niy: “Tayta Diospa qayllanman asuykamuychik, paymi contranpi rimasqaykichikta uyarirun”, nispa.

Isaías 10:17

Israelpa achkiqnin Tayta Diosmi lenwachkaq ninaman tikrakunqa, huk punchawllapi ruparuspam nacionpi tukuy rikchaq kichkakunatawan qorakunatapas chinkarachinqa.

Isaías 30:33

Asiriapaqwan reyninpaqmi ñawpaqmantaraq ancho-ancho hinaspa uku-uku toqo allichasqa kachkan, achkallaña yantawan ratachisqa kunununuq ninam kachkan, Tayta Diospa samayninmi azufreyuq mayu hina chaypi rupanqa.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Lamentaciones 3:39

¿Imanasqataq runa quejakun huchapi kawsachkaspaqa?

Ezequiel 20:36

Imaynam Egipto nacionpa chunniqninpi ñawpaq taytaykichikkunata juzgarqani, chaynam qamkunatapas juzgasqaykichik. Ñoqa Tayta Diosmi chaynata nini.

Levítico 10:2

Chaymi Tayta Diospa qayllanmanta lenwachkaq nina lloqsiramuspan paykunata ruparurqa, chaynapim Tayta Diospa qayllanpi wañururqaku.

Nahúm 1:5

Orqokunapas qayllanpiqa katkatatanmi, moqokunapas qayllanpiqa chullurunmi. Allpa pachapas, hawanpi kaqkunapas paypa qayllanpiqa mancharikunmi.

Habacuc 3:5

Paypa ñawpaqnintam wañuy hamuchkan, qepantañataqmi peste hamuchkan.

Números 10:33

Tayta Diospa orqonmantam kimsa punchaw puriyta rirqaku. Chay kimsan punchawmi Tayta Diospa Arcan ñawpaqninkuta rirqa, samanankupaq sitiota maskastin.

Números 11:18

Llaqtata kamachiy paqarin chuyanchakunankupaq, chaynapi aychata mikunankupaq. Paykunatam uyarirqani: “Maypiraq aycha mikunanchikpaq”, nispa waqasqankuta. Uyarirqanitaqmi “Egipto nacionpiqa allinmi kakurqanchik”, nisqankutapas. Chaynaqa, ñoqam paykunaman mikunankupaq aychata qosaq.

Números 12:2

Paykunam nirqaku: ¿Moisesnintakamallachu Tayta Diosqa rimarqa? ¿Ñoqanchiktakamapas manachum rimarqa? nispanku. Chayna rimapakusqankutam Tayta Dios uyarirurqa.

Números 14:2

Llapallankum Moisespa hinaspa Aaronpa contranpi rimaspa kaynata nirqaku: Amalaya Egipto nacionpi otaq kay chunniqpipas wañuruchwan karqa.

Números 14:22

Egiptopipas, chunniqpipas atiyniytawan señal ruwasqaykunata rikuchkaspanku, achka kuti-kamaña pruebaman churawaqniykunaqa chaynataq kamachikuyniykunatapas mana kasukuqkunaqa,

Números 14:27

Kay Israelpa mana allin miraynin-kunapa contraypi rimasqanta, ¿haykapikamataq uyarisaq? Contraypi mana allinkuna rimasqankutam uyariruni.

Números 14:28

Chaynaqa, ñoqa Tayta Dios juraspa nisqayta kaynata nimuy: Imam pasasunaykichikpaq rimasqaykichikta hinam ñoqa qamkunawan ruwasaq.

Números 16:11

¿Pitaq Aaronqa karqa paypa contranpi rimanaykichikpaq? Qamqa llapallan hamuqmasikikunawanmi Tayta Diospa contranpi hatarirunkichik, nispa.

Números 16:35

Tayta Diospa qayllanmanta nina rikuriramuspanñataqmi chay incienso qontichiq iskay pachak pichqa chunka runakunata ruparurqa.

Números 17:5

Akllasqay runapa tawnanta ikllirachiptiymi ñoqapa qayllaypi Israelpa mirayninkuna manaña contraykichikpi rimanqakuñachu, nispa.

Números 21:5

Hinaspam Diospa contranpi chaynataq Moisespa contranpi rimaspa nirqaku: ¿Imapaqtaq Egipto nacionmanta hurqomuwarqankiku kay chunniqpi wañunaykupaq? Mikuypas yakupas manam kanchu. Maná sutiyuq mikuytapas amirunikuñam, nispanku.

1~Corintios 10:10

Paykunamanta wakiqninku hinaqa amataqyá Diospa contranpiqa rimaychikchu, chayraykum paykunataqa wañuchiq ángel wañurachirqa.

Deuteronomio 25:18

paykunaqa Tayta Diostapas mana manchakuspankum qepaykichik hamuq pisipasqakunata chaynataq hukmanyasqakunata hayparamuspanku wañuchirqaku.

Deuteronomio 32:22

Piñakuyniymi nina hinaraq ruparinqa, uku pachapa ukunkamaraqmi chayarunqa; allpatapas kawsaynintintam tukurunqa, orqokunapa sapintam kañarunqa.

Deuteronomio 9:22

Tabera lawpipas, Masah lawpipas hinaspa Kibrot-hataava lawpipas Tayta Diostaqa piñachirqankichikmi.

Hebreos 12:29

Diosninchikqa rupaq nina hina rupaspa tukukuqmi.

Santiago 5:4

Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik.

Judas 1:16

Paykunaqa runamasinpa qepan-pim rimanku, quejakuspallam purinku, kikillankupa munasqankuman hinam purinku, hatun tukuspankuraqmi rimankupas, hinaspam runakunata alabanku imatapas paykunamanta chaskirunankurayku.