Números 10:9 - CHUYA QELLQA La Biblia en Quechua de Ayacucho 2012

⁹ Nacionnikichikpi kachkaptikichik ñakarichisuqnikichik enemigo contraykichikpi hamuptinqa guerraman lloqsinaykichikpaqmi trompetakunata tocankichik, chaynapim ñoqa Tayta Diosqa mana qonqarusqaykichikchu, hinaspam enemigoykichikmanta librasqaykichik.

Quechua Ayacucho Bible 1987

⁹ —Nacionnikichikpi kachkaptikichik ñakarichisuqnikichik enemigo contraykichikpi hamuptinqa peleaq lloqsispaykichikmi cornetillakunata guerrapaq hina tocankichik chaynapim yupaychasqaykichik ñoqa Tayta Diosqa mana qonqarusqaykichikchu hinaspam enemigoykichikmantapas salvasqaykichik.

Chuya Qellqa 1992

⁹ Nacionnikichikpi kachkaptikichik ñakarichisuqnikichik enemigo contraykichikpi hamuptinqa guerraman lloqsinaykichikpaqmi trompetakunata tocankichik, chaynapim ñoqa Tayta Diosqa mana qonqarusqaykichikchu, hinaspam enemigoykichikmanta librasqaykichik.

Números 10:9 Iomraidhean Croise

Génesis 8:1

Diosmi qawarirqa Noeyta chaynallataq paywan kuska arcapi kaq llapallan animalkunatapas, hinaspam kay pachata sinchi wayrawan pukuchimurqa, chaymi yakukuna asllayayta qallaykurqa.

2~Crónicas 13:12

Chaynaqa, yachaychikyá, Diosniykuqa kamachiqniyku hinam ñoqaykuwan kachkan, trompeta tocaq sacerdotekunapas ñoqaykuwantaqmi kachkan qamkunapa contraykichikpi tocanankupaq. Chaynaqa, Israelpa mirayninkuna, ñawpaq taytaykichikpa Diosninpa contranpiqa amayá peleaychikchu, manam imaynata ruwaspapas venceyta atiwaqchikchu, nispa.

2~Crónicas 13:14

Judá soldadokuna qepankuta qawarikuspankum musyakururqaku ñawpaqninkumantawan qepankumanta soldadokuna atacamusqanta, chaymi Tayta Diosta mañakurqaku, sacerdotekunañataqmi trompetata tocarqaku.

Isaías 18:3

Kay pacha muyuriqpi kawsaq runakuna, orqokunapi banderata sayachiptinkum qawankichik, trompetata tocaptinkum uyarinkichik.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Jeremías 4:21

¿Haykapikamataq banderata qawasaq? ¿Haykapikamataq trompeta waqaqta uyarisaq?

Jeremías 4:5

Judá nacionpiwan Jerusalén llaqtapi kaqkunaman willamuychik, trompetata tocaspa lliw nacionpi kallpawan kaynata qaparimuychik: ¡Hamuychik, murallasqa llaqtakunaman huñunakusunchik! nispaykichik.

Jeremías 49:2

Ñoqa Tayta Diosmi kaynata nini: Hamuchkanmi punchawkuna Amón nacionpi kaq Rabá llaqtapi guerrapaq qapariykunata uyarichinaypaq; pasaypaq tuñichisqam kanqa, llaqtankunapas kañasqam kanqa, Israelmi llaqtankunata kaqllamanta kutichikunqa. Ñoqa Tayta Diosmi chaynata nini.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Jeremías 6:17

Tayta Diosmi llaqta waqaychaqkunata churaspan runankunata nirqa: Trompeta waqamuptin uyarinaykichikpaqmi uyan-uyanlla kankichik, nispa. Paykunam ichaqa nirqaku: Manam ñoqaykuqa uyarisaqkuchu, nispanku.

Ezequiel 7:14

Guerraman rinankupaqmi trompetata tocaspa tukuy imata alistanqaku, ichaqa manam pipas riq kanqachu, ñoqapa piñakuyniymi paykunapa hawanpi kachkan.

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Sofonías 1:16

Chay punchawpiqa trompetam uyarikunqa, murallasqa hatun torreyuq llaqtakunapa contranpim guerrapaq qaparinqaku.

Números 31:6

Moisesmi sapa ayllumanta waranqa runakunata guerraman kacharqa. Sacerdote Eleazarpa churin Fineespas santuariopa servicionkunata hinaspa tocanapaq trompetakunata aparikuspam rirqa.

1~Corintios 14:8

Guerrapaq hina trompetata mana tocamuptinqa manam pipas alistakunmanchu guerraman rinanpaq.

Deuteronomio 20:1

Sichum guerrapi peleaq lloqsispaykichik, enemigoykichikpa caballonkunata, carretankunata chaynataq tropankunata qamkunamantapas aswan achka-achka kasqanta qawaykuspaykichikqa amam manchakunkichikchu. Egipto nacionmanta hurqomusuqninchik Señornikichik Tayta Diosmi yanapasunaykichikpaq qamkunawan kachkan.

Josué 6:5

Cornetata unay waqaqta uyariykuspaykichikmi, llapallaykichik tukuy kallpaykichikwan qaparinkichik, hinaptinmi llaqtapa muyuriqninpi perqakuna tuñiykunqa. Chayñam llaqtaman sapakama mana imata manchakuspa yaykunkichik, nispa.

Jueces 10:12

sidoniokunapas, amalecitakunapas chaynataq madianitakunapas ñakarichisurqankichikmi. Ñakarichisqa kaspa qayakuwaptikichikmi paykunamanta librarqaykichik.

Jueces 10:8

Paykunam Jordán mayupa chimpan amorreokunapa allpanpi tarikuq Galaadpi yachaq Israelpa mirayninkunata chunka pusaqniyuq wata ñakarichirqaku.

Jueces 2:18

Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.

Jueces 3:27

Chayman chayaruspanmi Efraín law orqokunapi trompetata tocaykurqa, hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa ñawpaqninta rispan

Jueces 6:34

Hinaptinmi Tayta Diospa Espiritun Gedeonta huntaykuptin trompetata tocarqa, chaymi Abiezer castakuna payman hukllawakuykurqaku.

Jueces 6:9

Egipto runakunamantam libramur-qaykichik, librarqaykichiktaqmi ñakari-chisuqnikichik runakunamantapas, qayllaykichikmanta chay nacionkuna-ta qarqoruspaymi allpankutapas qam-kunamanña qorqaykichik.

1~Samuel 10:18

Chaypim Israelpa mirayninkunata Samuel nirqa: Israelpa yupaychasqan Tayta Diosmi kaynata nin: “Israel runakuna, ñoqam Egiptomanta hurqomurqaykichik, qamkunataqa huklaw nacionkunapa munaychakusqanmantam libramurqaykichik”, nispa.