Números 1:53 - CHUYA QELLQA La Biblia en Quechua de Ayacucho 2012

⁵³ Leví ayllum ichaqa santuariopa muyuriqninpi samanqa, chaynapim Israel ayllukunapa contranpi ñoqa Tayta Dios mana piñakusaqchu. Chaynaqa, Leví ayllukunam ñoqaman asuykamuwananku carpata nanachikunankupaq, nispa.

Quechua Ayacucho Bible 1987

⁵³ Leviy aylluqa samanqa Chunkantin Kamachikuyniy waqaychana karpapa muyuriqninpim, chaynapim ñoqa Tayta Diosqa mana piñakusaqchu Israel casta runakunapa contranpiqa. Chaynaqa Leviy ayllu runakunamá nanachikunqaku Chunkantin Kamachikuyniy waqaychana karpamantaqa.

Chuya Qellqa 1992

⁵³ Leví ayllum ichaqa santuariopa muyuriqninpi samanqa, chaynapim Israel ayllukunapa contranpi ñoqa Tayta Dios mana piñakusaqchu. Chaynaqa, Leví ayllukunam ñoqaman asuykamuwananku carpata nanachikunankupaq, nispa.

Números 1:53 Iomraidhean Croise

1~Crónicas 23:32

Paykunam Tayta Diosman asuykuna carpatapas chaynataq santuariotapas nanachikurqaku. Chaykunatam Tayta Diospa templonpi ruwarqaku ayllunku Aaronpa mirayninkunapa kamachisqanman hina.

2~Crónicas 13:10

Ñoqaykupa Diosniykuqa Tayta Diosmi, paytaqa manam saqerqanikuchu. Tayta Diospa serviqnin sacerdotekunapas kachkan Aaronpa mirayninkunam, yanapaqninkunapas kachkan levitakunam.

2~Crónicas 13:11

Paykunam sapa tutapayta, sapa tardeykuyta, Tayta Diospaq lliw kañana sacrificiota hinaspa miski asnaq inciensokunata ofrecenku; ofrecenkutaqmi qorimanta mesapi patanasqa tantakunatapas, sapa tardentaqmi qorimanta candelabropi mecherokunatapas ratachinku. Ñoqaykuqa Tayta Diospa kamachikuynintam kasukuniku, qamkunam ichaqa qepanchakurunkichik.

Jeremías 23:15

Chay profetakunapa contranpim Tukuy Atiyniyuq Tayta Dios kaynata nini: Chay profetakunamanmi qatqe ajenjota mikuchisaq, venenoyuq yakutam tomachisaq. Jerusalenpi profetakunamantam millakuypaq kaqkuna lloqsimurqa, hinaspam lliw nacionman cheqerirqa, nispa.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Levítico 10:6

Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Números 1:50

Paykunatam churanki ñoqaman asuykamuwananku carpata, servicionkunata chaynataq tukuy imankunatapas nanachikunankupaq. Paykunam yachanay carpata hinaspa llapallan servicionkunata apanqaku, carpapa muyuriqninpitaqmi samanqakupas.

Números 1:54

Chaynatam Israelpa mirayninkuna, Moisesman Tayta Diospa kamachisqanman hina ruwarqaku.

Números 16:46

Moisesmi Aaronta nirqa: Altarmanta sansata qontichinaman churaspa inciensota hinaspayki chaylla runakunapa kasqanman kallpaspa huchankuta pampachananpaq Tayta Diosta mañakamuy. Tayta Diosmi sinchita piñakurun, chaymi runakuna wañuyta qallaykunkuña, nispa.

Números 16:9

Diosman asuykuna carpapi servikuspa Tayta Diospa qayllanpi Israelpa mirayninkunata servinaykichikpaqmi paykunamanta akllasurqankichik. ¿Chaytachu qamkuna yanqapaq hapinkichik?

Números 17:7

Hinaptinmi chay tawnakunata Moisés churarqa Tayta Diosman asuykuna carpa ukupi kaq Arcapa ñawpaqninman.

Números 2:17

Paykunapa qepantañataqmi otaq chay tawa campamentopa chawpintañataqmi ñoqaman asuykamuwanaykichik carpata aparikuspa Leví ayllu rinqa. Samasqankuman hinam sapakama banderankuman hina rinqaku.

Números 3:23

Gersonpa ayllunkunam Diosman asuykuna carpapa qepanpi otaq intipa seqaykunan lawninpi samarqaku.

Números 3:29

Coatpa mirayninkunam Diosman asuykuna carpapa sur lawninpi otaq alleq lawninpi samarqaku.

Números 3:35

Meraripa mirayninkunapa kamachiqninmi karqa Abihailpa churin Zuriel. Paykunam Diosman asuyku-na carpapa norte lawninpi otaq ichoq lawninpi samarqaku.

Números 3:38

Santuariopa ñawpaqninpim otaq intipa qespimunan lawninpim Moisés, Aarón hinaspa churinkuna samarqaku. Paykunam carpata Israelpa mirayninkunapa rantinpi nanachikurqaku. Mana sacerdote kachkaspa pipas santuarioman asuykuqqa wañuchisqam kanan karqa.

Números 31:30

Israelpa mirayninkunaman tupaqninmantam, runamanta, vacamanta, asnomanta, ovejamanta hinaspa ima animalmantapas, sapa pichqa chunkamanta hukta rakispa Leví ayllukunaman qonki, paykunaqa yachanay carpatam nanachikunku, nispa.

Números 31:47

Israelpa mirayninkunaman rakisqankumantam sapa pichqa chunkamanta hukta Moisés chaskirqa, sipaskunamanta kaptin otaq animalkunamanta kaptinpas. Chay rakisqankunatam Tayta Diospa yachanan carpata nanachikuq Leví ayllukunaman qorqa. Chaynataqa ruwarqa imaynam Tayta Diospa kamachisqanman hina.

Números 8:19

Ñoqam Leví ayllukunata Israelpa mirayninkunamanta regalota hina Aaronman chaynataq churinkunaman qoni. Paykunataqa qoni Israelpa mirayninkunapa rantinpi asuykuwanaykichik carpapi serviwanankupaqmi. Chaynata ruwaptinkum Israelpa mirayninkunapa huchanta pampachasaq. Chaynapim Israelpa mirayninkunaqa santuarioyman mana asuykunqakuchu, chaynapi peste onqoy paykuna ukupi mana kananpaq, nispa.

2~Timoteo 4:2

Diospa pala-brantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinas-pa tukuy pacienciawan yachaykachiy.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.