Números 1:51 - CHUYA QELLQA La Biblia en Quechua de Ayacucho 2012

⁵¹ Carpata apanaykichik kaptinqa, Leví ayllukunam paskanqaku hinaspa sayachinqakupas. Pipas mana Leví ayllumanta kachkaspan carpaman asuykuqqa wañuchisqam kanqa.

Quechua Ayacucho Bible 1987

⁵¹ Lloqsinaykichikña kaptinqa Leviy casta runakunam chay karpata paskanqaku, samaruptikichikñataqmi hina paykunataq chay karpata huktawan sayachinqaku. Pipas Leviy ayllumanta mana kachkaspan karpaman asuykuq runaqa wañuchisqam kanqa.

Chuya Qellqa 1992

⁵¹ Carpata apanaykichik kaptinqa, Leví ayllukunam paskanqaku hinaspa sayachinqakupas. Pipas mana Leví ayllumanta kachkaspan carpaman asuykuqqa wañuchisqam kanqa.

Números 1:51 Iomraidhean Croise

2~Samuel 6:7

Hinaptinmi Uzapaq Tayta Dios llumpayta piñakururqa mana manchakuspa ruwasqanrayku. Chaymi Uza chayllapi wañururqa.

Números 10:11

Iskay kaq watamanña yaykuchkaptinkum, chay watapa iskay kaq killapa iskay chunka kaq punchawninpi, Tayta Diosman asuykuna carpapa hawanmanta puyu hoqarikururqa.

Números 16:40

chayta qawaspa Israelpa mirayninkuna yuyarispanku pipas mana Aaronpa mirayninmanta kaspaqa Tayta Diosman inciensota ama ofrecenanpaq, chaynapi Coreywan runankuna hina mana wañurunankupaq. Chaymi Eleazar ruwarqa imaynam Moisesman Tayta Diospa kamachisqanman hina.

Números 17:13

Tayta Diospa yachanan carpaman asuykuq runa wañuptinqa, llapallaykum wañurusaqku, nispanku.

Números 17:5

Akllasqay runapa tawnanta ikllirachiptiymi ñoqapa qayllaypi Israelpa mirayninkuna manaña contraykichikpi rimanqakuñachu, nispa.

Números 18:22

Israelpa mirayninkunamanta wakin runakunaqa amam carpamanqa asuykunqakuchu. Yaykuspankuqa huchallikuruspam wañurunmanku.

Números 18:3

Paykunaqa kamachisqaykita ruwaspankum carpapi serviwanqaku, santuariopi serviciokunamanwan altarmanmi ichaqa ama asuykunqakuchu, chaynapi qamkunawan kuska ama wañurunankupaq.

Números 18:4

Paykunam yanapasunki ñoqaman asuykuwanaykichik carpapi tukuy ima ruwanaykikunapi. Leví ayllumanta mana kaspaqa amam asuykamusunkichikchu.

Números 18:7

Altarpi ruwanakunatawan “Chuyay-chuyay” lugarpi ruwanakunatam ichaqa qanwan churikikunalla ruwankichik. Sacerdote kaynikichikqa qamkunallapaqmi, chay llamkaytam qamkunaman qoykichik. Pipas mana sacerdote kachkaspa ruwanaykichikta ruwaqqa wañuchisqam kanqa, nispa.

Números 3:10

Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.

Números 3:38

Santuariopa ñawpaqninpim otaq intipa qespimunan lawninpim Moisés, Aarón hinaspa churinkuna samarqaku. Paykunam carpata Israelpa mirayninkunapa rantinpi nanachikurqaku. Mana sacerdote kachkaspa pipas santuarioman asuykuqqa wañuchisqam kanan karqa.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.