Nehemías 9:8 - CHUYA QELLQA La Biblia en Quechua de Ayacucho 2012

⁸ Qanmi allin sonqoyuq kasqanta qawaykurqanki, chaymi paywan huk pactota ruwarqanki, Canaán, Het, Amor, Ferez, Jebús hinaspa Gerges runakunapa allpanta, Abrahampa mirayninman qonaykipaq. ¡Huklla rimaq kasqaykiraykum imam nisqaykita cumplirqanki!

Quechua Ayacucho Bible 1987

⁸ Qanmi qawaykurqanki payqa qampi hapipakuq allin qari kasqanta chaymi paywan huk contratota rurarqanki, chay contratopim prometekurqanki Canaan casta runakunapa, Het casta runakunapa, Amor casta runakunapa, Ferez casta runakunapa, Jebus casta runakunapa hinaspa Gerges casta runakunapa allpanta Abrahampa mirayninman qonaykipaq. ¡Chay prometekusqaykitaqa Taytáy, cumplirqankim!

Chuya Qellqa 1992

⁸ Qanmi allin sonqoyuq kasqanta qawaykurqanki, chaymi paywan huk pactota ruwarqanki, Canaán, Het, Amor, Ferez, Jebús hinaspa Gerges runakunapa allpanta, Abrahampa mirayninman qonaykipaq. ¡Huklla rimaq kasqaykiraykum imam nisqaykita cumplirqanki!

Nehemías 9:8 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 15:6

Tayta Diosman iñisqanraykum Abramqa mana huchayuqpaqña chaskisqa karqa.

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

2~Samuel 22:31

Diospa ñanninqa mana pantayniyuqmi, Diospa promesankunaqa hapipakunapaqmi, paypi hapipakuqkunataqa waqaychanmi.

1~Crónicas 1:14

Canaanmanta miramuqkunam karqa jebuseokuna, amorreokuna, gergeseokuna,

1~Crónicas 16:16

Abrahamwan pacto ruwasqantaqa manam qonqanchu, Isaacman jurasqanmantaqa manam qonqanchu.

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Nehemías 9:33

Chaywanpas Diosnillayku, tukuy imapas pasawasqankumantaqa mana huchayuqmi kanki, qamqa imatapas allintam ruwarqanki, ñoqaykum ichaqa mana allinkunata ruwarqaniku.

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Ezequiel 33:24

Runapa churin, Israel nacionpi kaq purmasqa llaqtakunapi yachaqkunam kaynata nichkanku: “Abrahamqa sapallan kachkaspanpas kay allpatam hapikuykurqa, ñoqanchikqa paymantaqa achkam kachkanchik, hinaspaqa aswanraqchiki kay allpataqa hapikuykusun”, nispanku.

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Hechos 13:22

Saulta rey kayninmanta wischuruspanñataqmi Davidta akllarqa, paymantam Dios nirqa: “Isaipa churin Davidtam tariruni, payqa sonqoyman tupaqmi, paymi tukuy ima munasqayta ruwanqa”, nispa.

Deuteronomio 26:3

Chaypim servikuq sacerdoteman asuykuspa ninkichik: “Señorniki Tayta Diospa qayllanpim kunan niki ñawpaq taytanchikkunaman prometesqan allpapiñam kachkani”, nispa.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Hebreos 11:17

Iñiyllawanmi Abrahampas, pruebasqa kaspan churin Isaacta Diosman ofrecerqa. Promesakuna chaskiq Abrahammi sapallan piwi churinta Diosman ofrecerqa.

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

Josué 11:23

Josueymi llapallan allpata hapikuykurqa, Moisesman Tayta Diospa nisqa-nman hina. Chay allpatam Israelpa mirayninkunaman herencianku kananpaq sapa aylluman tupaqninta qorqa. Chaymantapunim chay allpapiqa manaña guerra karqachu.

Josué 11:3

hinaspa intipa qespimunan hinaspa seqaykunan lawpi kaq cananeokunamanpas. Paykunam karqaku amorreokuna, heteokuna, ferezeokuna, orqokunapi kaq jebuseokuna chaynataq Hermón orqopa waqtan Mizpa lawpi kaq heveokuna.

Josué 23:14

Ñoqaqa wañukusaqñam. Chaynaqa, tukuy sonqoykichikwan chaynataq tukuy vidaykichikwanyá yachaychik, Señorninchik Tayta Diosqa lliw pro-metesusqaykichiktam cumplirun, prometekusqankunaqa manam chullallapas mana cumplisqaqa karqachu.

Josué 9:1

Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.