Nehemías 9:6 - CHUYA QELLQA La Biblia en Quechua de Ayacucho 2012

⁶ Qam sapallaykim Diosqa kanki, cielokunatapas, chaskakunatapas, cielokunapa hawanpi kaqkunatapas, qanmi ruwarqanki; kay pachatawan chaypi kaqkunatapas, lamar qochakunatawan chaypi kaqkunatapas, qanmi ruwarqanki, qanmi tukuy chaykunata kawsachinki, chaymi hanaq pachapi kaqkuna yupaychasunki.

Quechua Ayacucho Bible 1987

⁶ Qam sapallaykim kanki Tayta Diosqa, qanmi rurarqanki cielokunatapas, cielokunapa hawanpi kaqkunatapas, llapallan lucerokunatapas, qamtaqmi rurarqanki kay pachatawan llapallan chaypi kaqkunatapas chaynataq lamar qochakunatawan lliw chaypi kaqkunatapas, qamtaqmi llapallan chaykunataqa kawsachinki chaymi hanaq pachapi angelkunapas adorasunki.

Chuya Qellqa 1992

⁶ Qam sapallaykim Diosqa kanki, cielokunatapas, chaskakunatapas, cielokunapa hawanpi kaqkunatapas, qanmi ruwarqanki; kay pachatawan chaypi kaqkunatapas, lamar qochakunatawan chaypi kaqkunatapas, qanmi ruwarqanki, qanmi tukuy chaykunata kawsachinki, chaymi hanaq pachapi kaqkuna yupaychasunki.

Nehemías 9:6 Iomraidhean Croise

Génesis 1:1

Tukuy imapa qallariyninpiqa Diosmi unancharqa hanaq pachatawan kay pachata.

Génesis 1:9

Chaymantam Dios nirqa: Cielopa ukunpi yakukuna huk hawaqllaman huñunakuptin chaki allpa rikurichun, nispa. Hinaptinmi chayna karqa.

Génesis 2:1

Chaynatam cielopas kay pachapas hinaspa chaypi tukuy ima kaqkunapas unanchay tukusqa karqa.

Génesis 32:2

Chaymi Jacobqa paykunata rikuruspan nirqa: Diospa campamentonmi kayqa, nispa. Hinaspam chay lugarta Mahanaimwan suticharqa.

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

1~Reyes 8:27

Ichaqa Dios Taytalláy, ¿cheqaptachu kay pachapi qam yachawaq? Cielokunapas hatu-hatun kachkaspapas manam kamasunkimanchu, chaynaqa ¿imaynataq kay wasi ruwasqaypiqa yachawaq?

2~Reyes 19:15

Tayta Diospa qayllanpi kaynata mañakurqa: Querubinkunapa chawpinpi yachaq Israelpa Tukuy Atiyniyuq Diosnin, qamllam kanki kay pachapi llapallan nacionkunapi munaychakuq Diosqa. Qanmi ruwarqanki hanaq pachatapas hinaspa kay pachatapas.

2~Reyes 19:19

Dios Taytalláy mañakuykim, qamlla Dios kasqaykita kay pachapi llapallan nacionkuna reqsinankupaq rey Senaqueribmanta salvaykullawayku, nispa.

Nehemías 9:5

Chay-mantam levitakunamanta Josueywan Cadmiel, Bani, Hasabnías, Serebías, Hodías, Seba-nías hinaspa Petaías, kaynata nirqaku: Hatarispa wiñaymanta wiñaykama yupaychasqanchik Tayta Diosta hatun-chaychik. Dios Taytallayku, tukuy imamantapas aswanqa sutikiyá hatunchasqa kachun.

Isaías 37:16

Querubinkunapa chawpinpi yachaq Israelpa Tukuy Atiyniyuq Diosnin, qamllam kanki llapallan nacionkunapi munaychakuqqa. Qanmi ruwarqanki hanaq pachatapas chaynataq kay pachatapas.

Isaías 37:20

Kunanyá Dios Taytallayku, qamlla Dios kasqaykita kay pachapi llapallan nacionkuna reqsinankupaq rey Senaqueribpa makinmanta libraykuwayku, nispa.

Isaías 43:10

Tayta Diosmi kaynata nin: Qamkunam testigoykuna kankichik, serviwanaykichikpaq akllakusqaykunam kankichik, reqsiwaspaykichik ñoqapi hapipakunaykichikpaq, ñoqalla Dios kasqayta yachanaykichikpaq. Ñoqamanta huk diosqa manam haykapipas kanqachu.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 45:12

Kay pachatapas runankunatapas ñoqam unancharqani, atiyniywanmi hanaq pachatapas mastarirqani, chaskakunapas rikurinankupaqmi kamachirqani.

Jeremías 32:17

¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Ezequiel 20:11

Chaypim kamachikuyniykunata qospay decretoykunata yachachirqani, pipas ruwayman churaspa kawsananpaq.

Jonás 1:9

Hinaptinmi Jonás willakurqa: Ñoqaqa hebreo castam kani, lamar qochatapas chaynataq allpa pachatapas unanchaq Tayta Diostam yupaychani, nispan.

Juan 10:30

Taytaywanqa hukllam kaniku.

Hechos 4:24

Chayta uyariykuspam llapallanku huk sonqolla Diosta mañakuspa nirqaku: Señorniyku, qanmi unancharqanki hanaq pachata, kay pachata, lamar qochata chaynataq chaykunapi tukuy imakunatapas.

Deuteronomio 10:14

Amayá qonqaychikchu, hanaq pachapas, chaypi tukuy ima kaqkunapas, kay pachapas hinaspa chaypi tukuy ima kaqkunapas yupaychasqanchik Señornikichik Tayta Diospam.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

Deuteronomio 6:4

Israel, uyariy: ¡Señorniki Tayta Diosqa sapallan Diosmi!

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

Hebreos 1:6

Piwi Churinta kay pachaman kachamuspanmi nirqa: Diospa llapallan angelninkunaqa pay-tayá yupaychachunku, nispa.

Apocalipsis 14:7

Hatunmanta qaparispanmi nirqa: Diostayá manchakuywan qapaqchaychik, juzganan horam chayaramunña, hanaq pachatapas kay pachatapas, lamar qochatapas hinaspa pukyukunatapas unanchaqtayá yupaychaychik, nispa.

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.