Nehemías 9:16 - CHUYA QELLQA La Biblia en Quechua de Ayacucho 2012

¹⁶ Paykunawan ñawpaq taytaykum ichaqa hatun tukuq rumi sonqo runakuna karqaku, chayraykum kamachikuynikikunata mana kasukurqakuchu.

Quechua Ayacucho Bible 1987

¹⁶ —Ichaqa paykunam otaq abueloykum karqaku hatun tukuq rumi sonqo runakuna, chayraykum qampa kamachikuynikikunata mana kasukurqakuchu.

Chuya Qellqa 1992

¹⁶ Paykunawan ñawpaq taytaykum ichaqa hatun tukuq rumi sonqo runakuna karqaku, chayraykum kamachikuynikikunata mana kasukurqakuchu.

Nehemías 9:16 Iomraidhean Croise

2~Reyes 17:14

Paykunam ichaqa mana kasukurqakuchu, aswanqa Tayta Diospi mana hapipakuq ñawpaq taytanku hinam rumi sonqo karqaku.

2~Crónicas 29:6

Taytanchikkunam yupaychasqanchik Tayta Diosta qepanchaspanku, paypa qayllanpi millakuypaq kaqkunata ruwarqaku; Tayta Diosta mana kasukuspankum santuariontapas mana qawayta munaspanku qepancharurqaku.

2~Crónicas 30:8

Chaynaqa, amayá ñawpaq taytay-kichikkuna hina rumi sonqoqa kaychikchu. Tayta Diosman kutirikuspayá chuyanchasqan santuarionman hamuspa yupaychasqanchik Tayta Diosta serviychik, hinaptinqa piñakuyninmi qamkunamanta asurinqa.

2~Crónicas 36:13

Rey Nabucodonosormi Sedequiasta Diospa sutinpi jurachirqa payta kasunanpaq, ichaqa Sedequiasmi paypa contranpi hatarirurqa. Sonqonta rumiyarachispanmi Israelpa yupaychasqan Tayta Diosmanpas mana kutirikurqachu.

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Nehemías 9:29

Kamachikuynikikunaman kutirikunankupaqmi anyarqanki, paykunam ichaqa hatun tukuspanku kamachikuynikikunata mana kasukurqakuchu, yachachikuynikikunapa contranpi huchallikuspam sarutyarqaku, chay yachachikuykunaqa kawsaytam qon pipas kasukuqninmanqa, mana kasukuq hinaspa rumi sonqo kaspankum mana kasukurqakuchu.

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Éxodo 32:9

Huktawanmi Moisesta Tayta Dios nirqa: Kay runakunata qawaspaymi yacharuni cheqaptapuni rumi sonqo kasqankuta.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 48:18

Sichum kamachikuyniykunata uyariptikiqa, hawkayaynikipas mayu hinaraqmi kanman karqa, allin ruwaynikipas lamar qochapa olankuna hinaraqmi kanman karqa.

Isaías 48:4

Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Jeremías 19:15

Israelpa yupaychasqan Tukuy Atiyniyuq Tayta Diosmi kaynata nin: Sonqoykichikta rumiyarachispa nisqaykunata mana kasukusqaykichikraykum, kay llaqtapa chaynataq muyuriqninpi llaqtakunapa contranpi rimasqay sasachakuykunata kachamusaq, nispa.

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 7:26

Qamkunam ichaqa mana uyariwarqankichikchu, nitaqmi kasuwar-qankichikchu. Aswanqa sonqoykichikta rumiyarachispam taytaykichikkunamantapas astawanraq tukuy mana allinkunata ruwarqankichik.

Ezequiel 5:6

Jerusalenmi ichaqa kamachikuyniykunata chaynataq decretoykunatapas mana kasukurqachu. Payqa lliw nacionkunamantapas chaynataq muyuriqninpi llaqtakunamantapas aswan mana allinraqmi rikurirurqa, kamachikuyniykunatapas qepancharuspanmi mana decretoykunaman hinachu kawsarqa, nispa.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

Deuteronomio 31:27

Ñoqaqa yachanim qamkunaqa mana kasukuq hinaspa rumi sonqo runakuna kasqaykichikta. Qamkunawanraq kachkaptiypas Tayta Diosta mana kasukuspaqa, imaynaraq wañukuptiy kankichik.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Deuteronomio 9:13

Tayta Diosqa niwarqataqmi: “Kunan-mi qawani kay runakunaqa ancha rumi sonqo kasqankuta.

Deuteronomio 9:27

Serviqniki Abrahamta, Isaacta hinaspa Jacobta yuyarispa kay runakunapa rumi sonqo kayninkuta, mana allin ruwayninkuta, huchallikuyninkuta ama kaqpaqpas hapiychu.

Deuteronomio 9:6

Señornikichik Tayta Diosqa manam allin ruwaq runakuna kasqaykichikraykuchu chay allpataqa qosunkichik. Qamkunaqa rumi sonqo runakunam kankichik.

Hebreos 3:13

Aswanqa huknikichikmanta-huknichikkamayá sapa punchaw kallpanchanakuychik, chaynapi manaraq Qellqapa “kunan” nisqan tukuruchkaptin, mayqannikichiktapas hucha engañaptin sonqoykichik ama rumiyarunanpaq.

Hebreos 3:15

Chuya Qellqam kaynata nin: Sichum kunan Diospa nisqanta uyarichkaspaykichikqa, amayá sonqoykichikta rumiyarachiychikchu, imaynam piñachiwasqanku punchawpi hinaqa.