Nehemías 9:13 - CHUYA QELLQA La Biblia en Quechua de Ayacucho 2012

¹³ Sinaí orqopa hawanmanmi uraykamurqanki, hanaq pachamantam paykunata rimapayamurqanki, reglamentoykikunatawan yachachikuynikikunatam qorqanki, estatutoykikunatawan allin kamachikuykunatam qorqanki.

Quechua Ayacucho Bible 1987

¹³ —Sinai Orqopa hawanman uraykamuspam altomanta rimapayamurqanki, paykunamanmi qorqanki allin reglamentokunata, cheqap yachachikuykunata, decretokunata hinaspa sumaq kamachikuykunata.

Chuya Qellqa 1992

¹³ Sinaí orqopa hawanmanmi uraykamurqanki, hanaq pachamantam paykunata rimapayamurqanki, reglamentoykikunatawan yachachikuynikikunatam qorqanki, estatutoykikunatawan allin kamachikuykunatam qorqanki.

Nehemías 9:13 Iomraidhean Croise

2~Reyes 17:37

Tukuy tiempoyá qellqaspa qosqay decretokunata, reglamentokunata, yachachikuykunata chaynataq kama-chikuykunatapas kasukuychik; idolokunataqa amam yupaychankichikchu.

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Éxodo 16:23

Chaymi paykunata Moisés nirqa: Kaymi Tayta Diospa nisqan: “Paqarinmi ñoqa Tayta Diospaq sapaqchasqa samana punchaw. Yanunayki-chiktapas kunan yanuychik, timpuchinaykichiktapas kunan timpuchiy-chik, puchuqtañataq paqarinpaq waqay-chaychik”, nispa.

Éxodo 19:11

hinaspa mincha punchawpaq allichakuchunku; mincha punchawtam Sinaí orqopa hawanman, llapallan runakuna qawachkaptin ñoqa Tayta Dios uraykamusaq.

Éxodo 20:1

Diosmi tukuy kaykunata rimarispan nirqa:

Éxodo 20:22

Israelpa mirayninkunaman ninanpaqmi Moisesta Tayta Dios kaynata nirqa: Qamkunaqa yachankichikñam cielomanta qamkunawan rimasqayta.

Isaías 64:1

Amalaya cielokunata llikispa uraykamuptiki, orqokunapas qayllaykipi katkatataspa chullurinmanraq,

Isaías 64:3

Mana suyasqayku manchakuypaq kaqkunata ruwaspayki kay pachaman uraykamuptikim, orqokunapas qayllaykipi katkatatarqa.

Habacuc 3:3

Temán lawmantam Diosqa hamuchkan, Parán orqomantam Chuya Diosqa hamuchkan. Kanchariyninpas cielokunatam huntaykun, kay pachapas payta yupaychaywanmi huntasqa.

Romanos 7:16

Chaynaqa, mana munasqay kaqta ruwaspaymi nini: “Leyqa allinmi”, nispay.

Deuteronomio 33:2

Tayta Diosmi Sinaí orqomanta hamurqa, Seir orqomantam inti hina achkirimurqa, Parán orqomantam kancharimurqa, waranqantin-waranqantin chuyakunapa chawpintam hamurqa, yachachikuyninkunatam rupachkaq ninata hina apamurqa.

Deuteronomio 4:33

¿Ima llaqtataq qamkuna hina, Tayta Diospa ratachkaq ninapa chawpinmanta rimapayamusqanta uyarichkaspa mana wañururqachu?

Deuteronomio 4:36

Hanaq pachamantam yachachisunaykichikpaq rimapayamusurqankichik, kay pachapiñataqmi rupachkaq ninata qawachisurqankichik, hinaptinmi chay ninapa ukunmanta rimamusqanta uyarirqankichik.

Deuteronomio 4:8

¿May-qan hatun nacionpa kamachikuyninwan yachachikuynintaq kanman qamkunaman kunan yachachisqay kamachikuykunawan yachachikuykuna hinaqa?

Deuteronomio 5:4

Tayta Diosqa kikinpunim orqopi rupachkaq nina ukumanta rimapayawarqanchik.