Nehemías 9:1 - CHUYA QELLQA La Biblia en Quechua de Ayacucho 2012

¹ Hina chay killapa iskay chunka tawayuq punchawninpim, Israelpa mirayninkuna huñunakurqaku ayunanankupaq, hinaspam qachqa pachawan churakuspanku umankumanpas allpawan machqekurqaku.

Quechua Ayacucho Bible 1987

¹ Hina chay killapa iskay chunka tawayoq punchawninpim huñunakurqaku Israelpa mirayninkuna ayunaspanku, lutokuspanku hinaspa umankumanpas allpawan polvokuspanku.

Chuya Qellqa 1992

¹ Hina chay killapa iskay chunka tawayuq punchawninpim, Israelpa mirayninkuna huñunakurqaku ayunanankupaq, hinaspam qachqa pachawan churakuspanku umankumanpas allpawan machqekurqaku.

Nehemías 9:1 Iomraidhean Croise

2~Samuel 1:2

Hinaptinmi kimsa kaq punchawpi, Saulpa campamentonmanta huk runa llumpay llakisqa hamururqa, pachankunapas llikipasqa hinaspa allpallaña umayuq. Davidpa kasqanman chayaramuspanmi qayllanpi pampakama kumuykurqa.

2~Crónicas 20:3

Chaymi Josafatqa mancharikuspan Tayta Diosta mañakurqa yanapananpaq, Judá nacionpi llapallan runakunamanmi willachirqa ayunanankupaq.

2~Crónicas 7:10

Qanchis kaq killapa iskay chunka kimsayuq punchawninpim, runakunata rey aviarurqa wasinkuman kutikunankupaq. Paykunam kusisqa ripukurqaku Davidpaqpas, Salomonpaqpas chaynataq Israelpa mirayninkunapaqpas Tayta Dios allinkunata ruwasqanrayku.

Esdras 8:21

Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Esdras 8:23

Chayraykum ayunaspayku Diosniy-kuta mañakuptiyku uyariykuwarqaku.

Nehemías 8:2

Qanchis kaq killapa qallariynin punchawpim, qarikuna, warmikuna hinaspa warmakunamanta yuyayniyuq kaqkuna huñunasqa kachkaptinku, kamachikuy librota sacerdote Esdras apamurqa.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Ester 4:3

Reypa kamachisqan decreto sapa provinciakunaman chayaruptinmi, llapa judiokuna hatun llakikuypi, ayunopi, waqakuypi karqaku, achkaqmi qachqa pachawan churakuykuspa uchpapi puñurqaku.

Jobwan Sutichasqa Libro 2:12

Paykunam karullamantaraq qawarispanku Jobtaqa mana reqsiytapas atirqakuchu, chaymi qaparispa waqarqaku, pachankutapas llikikuspankum allpatapas umankuman machqekurqaku.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Levítico 23:39

Qanchis kaq killapa chunka pichqayuq punchawninpim, cosechaykichiktapas lliw huñuruspaña, ñoqa Tayta Diospaq hatun fiestata qanchis punchawpuni ruwankichik, punta kaq punchawmi samana punchaw kanqa, pusaq kaq punchawpas samana punchawtaqmi kanqa.

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.

Apocalipsis 11:3

Ñoqañataqmi iskay testigoykunata kachasaq, chaynapi qachqa pachawan hinakuykuspanku waranqa iskay pachak soqta chunka punchaw ñoqamanta willakamunankupaq, nispa.

Jueces 20:26

Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

1~Samuel 4:12

Ichaqa Benjamín ayllumanta guerrapi peleaq runam kallpaspan chay punchawlla Silo llaqtaman chayarurqa, pachanpas llikipasqa hinaspa umanpas allpallaña.

1~Samuel 7:6

Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.