Nehemías 8:9 - CHUYA QELLQA La Biblia en Quechua de Ayacucho 2012

⁹ Hinaptinmi Diospa kamachikuyninta uyarispanku llapa runakuna waqakurqaku, chaymi gobernador Nehemiaswan sacerdote Esdras hinaspa levitakuna, llapa runakunata kaynata nirqaku: Amayá llakikuychikchu nitaq waqay-chikchu, kunanqa yupaychasqanchik Tayta Diospaq sapaqchasqa punchawmi, nispanku.

Quechua Ayacucho Bible 1987

⁹ Prefecto Nehemiasmi, Diospa yachachikuynin yachachiq sacerdote Esdraspiwan hinaspa runakuna entiendechiq Leviy castakunapiwan llapallan runakunata nirqaku: —Yupaychasqanchik Tayta Diospaq sapaqchasqa punchawmi kunanqa, amayá llakikuychikchu nitaq waqaychikchu —nispa. Chaynataqa nirqaku llapallan runakuna Diospa yachachikuyninkunata uyarispa waqasqankuraykum.

Chuya Qellqa 1992

⁹ Hinaptinmi Diospa kamachikuyninta uyarispanku llapa runakuna waqakurqaku, chaymi gobernador Nehemiaswan sacerdote Esdras hinaspa levitakuna, llapa runakunata kaynata nirqaku: Amayá llakikuychikchu nitaq waqaychikchu, kunanqa yupaychasqanchik Tayta Diospaq sapaqchasqa punchawmi, nispanku.

Nehemías 8:9 Iomraidhean Croise

2~Reyes 22:11

Kamachikuy libropa imam nisqanta uyariykuspanmi reyqa pachanku-nata llikipakurqa.

2~Reyes 22:19

kay llaqtatapas chaynataq runankunatapas ñakasqa kaspanku chinkachisqa kanankupaq rimasqayta uyariykuspayki sonqoykipi llakikuspa ñoqapa qayllaypi uchuychakuspayki pachaykikunatapas llikipaspa waqasqaykiraykum ñoqapas uyariykuyki.

2~Crónicas 15:3

Unay tiempom Israel runakunaqa mana cheqap Diosniyuq, mana sacerdotepa yachachisqan hinaspa mana kamachikuyniyuq karqaku.

2~Crónicas 30:22

Chaymi tukuy sonqowan Tayta Diosta serviq levitakunata sumaq rimaykunawan rey Ezequías kallpancharqa. Qanchis punchawmi fiestapi wañu-chisqanku animalkunata mikurqaku, Dioswan allinlla kasqankumanta ofrendatapas ofrecespankum ñawpaq taytankupa yupaychasqan Tayta Diosman graciasta qorqaku.

2~Crónicas 34:19

Maypacham Diospa leyninta rey uyariykuspanmi pachankunata llikiparqa.

2~Crónicas 34:21

Rispaykichikyá Tayta Diosta tapumuychik ñoqamanta, Israel nacionpi chaynataq Judá nacionpi puchuq runakunapaqpas, kay tarisqanku libropa imam nisqanmanta; kay libroman hinaqa ñawpaq taytaykichikkuna mana kasukusqankuraykum Tayta Diospa piñakuynin contranchikpi mancharikuyllapaqña kachkan, nispa.

2~Crónicas 35:3

Israel runakunata yachachiq levitakunatapas otaq Tayta Diospaq sapaqchasqa kaqkunatapas kaynatam nirqa: Tayta Diospa Arcanta Israelpa reynin Davidpa churin Salomonpa ruwachisqan temploman churamuychik, chaynapi amaña hombronaykichikpaq. Kunanqa Tayta Diostawan Israel llaqtantañayá serviychik.

Esdras 2:63

Chayraykum paykunata kamachikuqkuna nirqaku: Amam mikunkichikraqchu Diospaq sapaqchasqa mikuykunataqa, Urimtawan Tumimta choqaspa Tayta Diosta sacerdote tapunankama, nispanku.

Esdras 7:11

Israelpa yupaychasqan Tayta Diospa kamachikuyninkunata decretonkunata allinta yachaq sacerdote Esdrasmanmi rey Artajerjes huk cartata qorqa, chay cartapa copianmi kay:

Nehemías 10:1

Chay sellasqa documento firmaq runakunam kaykuna: Hacaliaspa churin gobernador Nehemías, Sedequías,

Nehemías 12:26

Paykunam gobernador Nehemiaspa, yachachikuq sacerdote Esdraspa hinaspa Josueypa churin Joiacimpa tiemponpi kawsarqaku. Josueyqa karqa Josadacpa churinmi.

Nehemías 7:65

Chayraykum paykunata gobernador kamachirqa, Diospaq sapaqchasqa kaqkunata amaraq mikunankupaq, Urimtawan Tumimta choqaspa sacerdote tapunankama.

Nehemías 7:70

Ayllukunapi kamachikuqkunamantam wakiqninku, obrapaq ofrendakunata qorqaku. Gobernadorpas templopi qori-qollqe waqaychaqmanmi qorqa pusaq kilo qorita, pichqa chunka tazonkunata, sacerdotekunapa pachankunatapas pichqa pachakta.

Nehemías 8:2

Qanchis kaq killapa qallariynin punchawpim, qarikuna, warmikuna hinaspa warmakunamanta yuyayniyuq kaqkuna huñunasqa kachkaptinku, kamachikuy librota sacerdote Esdras apamurqa.

Eclesiastés 3:4

Kanmi tiempo waqanapaq kantaqmi asinapaqpas, kanmi tiempo lutokunapaq kantaqmi tusunapaqpas.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Malaquías 2:13

Chaywanpas qamkunaqa chayna runamantapas mastaraqmi ruwanki-chik: Qamkunaqa Diospa altarnintapas weqekichikwan nuyuchispam qaparis-paraq waqankichik. Chaynataqa ruwan-kichik ofrenda apamusqaykichikta Tukuy Atiyniyuq Tayta Dios manaña chaskisuptikichikmi.

Romanos 3:20

Leyman hinaqa manam pipas Diospa qayllanpiqa mana huchayuqqa kanmanchu, leyqa huchayuq kasqanchiktam reqsichiwanchik.

Romanos 7:9

Ñawpaqtaqa manam leyman hinachu kawsarqani. Ley rikuriramuptinmi ichaqa hucha kawsarirurqa, ñoqañataqmi wañururqani.

Deuteronomio 12:12

Hinaspam Señornikichik Tayta Diospa qayllanpi churikichikkunawan, serviqnikichikkunawan, llaq-taykichikpi yachaq levitakunapiwan fiestata ruwankichik, levitakunaqa manam qamkuna hinachu chakrakunata chaskinqaku.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Deuteronomio 16:11

Señornikichik Tayta Diospa qayllanpim hatun fiestata ruwaspa churikichikkunawan, criadoykichikkunawan, criadaykichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan hinaspa viudakunawan kuska kusikunkichik. Chaytaqa Señornikichik Tayta Diospa akllasqan sitiopim ruwankichik.

Deuteronomio 26:14

Sapaqchasqay diezmokunamantaqa, ima llakipiña kaspaypas chaynataq qanman mana asuykamunaypaq hina kaspaypas manam mikukurqanichu, manataqmi wañuqkunamanpas ofrecerqanichu. Yupaychasqay Dios Taytalláy, tukuy kamachiwasqaykita kasukuspaymi ruwarqani.

Santiago 4:9

Llakikuychik, waqakuy-chik hinaspa qaparkachaychik. Asi-kuynikichiktapas waqakuymanñayá tikraychik, kusikuynikichiktapas llakikuymanñayá tikraychik.