Nehemías 8:1 - CHUYA QELLQA La Biblia en Quechua de Ayacucho 2012

¹ Chaykunapa qepantam huk runa hinalla llapallanku huñunakamurqaku Yakuwan sutichasqa pukyupa ñawpaqnin plazaman. Hinaspankum sacerdote Esdrasta nirqaku Israelpa mirayninkunaman Moisesnintakama Tayta Diospa qosqan kamachikuy librota apamunanpaq.

Quechua Ayacucho Bible 1987

¹ Llapa runakunam huk runa hinalla huñunakamurqaku Yakuman Lloqsina Zaguanpa ñawpaqninpi kaq plazapi chaymi Diospa yachachikuynin yachachiq Esdrasman nirqaku Moisespa qellqasqan yachachikuy librota apamunanpaq, chay yachachikuytam Tayta Dios kamachirqa Israel runankunaman.

Chuya Qellqa 1992

¹ Chaykunapa qepantam huk runa hinalla llapallanku huñunakamurqaku Yakuwan sutichasqa pukyupa ñawpaqnin plazaman. Hinaspankum sacerdote Esdrasta nirqaku Israelpa mirayninkunaman Moisesnintakama Tayta Diospa qosqan kamachikuy librota apamunanpaq.

Nehemías 8:1 Iomraidhean Croise

2~Reyes 23:2

Hinaspam reyqa Tayta Diospa tem-plonman rirqa, Judá nacionniyuq runa-kunawan, Jerusalén llaqtapi yachaq-kunawan, sacerdotekunawan, profeta-kunawan, llapallan llaqtakunapi yachaq-kunawan, rirqakutaqmi taksapas hatun-pas. Paykunapa qayllanpim reyqa leerqa, templopi tarisqanku Tayta Diospa pacto ruwasqan librota.

2~Crónicas 34:15

Chaymi secretario Safanman Hilcías kaynata willarqa: Tayta Diospa templonpim kamachikuy librota tariruni, nispa. Hinaspanmi Safanman qoykurqa.

2~Crónicas 34:30

Chaymantam reywan kuska Judá nacionpi yachaqkuna, Jerusalenpi yachaqkuna, sacerdotekuna, levitakuna hinaspa llapallan runakuna taksapas hatunpas Tayta Diospa templonman rirqaku; paykunapa qayllanpim reyqa leerqa, templopi tarisqanku Tayta Diospa pacto ruwasqan librota.

Esdras 7:1

Chaykuna pasaruptinmi, Persia nacionpa reynin Artajerjes munaychakuchkaptin, Babiloniamanta Seraiaspa churin Esdras kutimurqa. Seraiasqa karqa Azariaspa churinmi, Azariasñataqmi Hilciaspa,

Esdras 7:10

Esdrasmi sonqonta kicharirqa Tayta Diospa kamachikuyninta sumaqta yachananpaq, ruwayman churananpaq hinaspa Israelpa mirayninkunaman yachachinanpaq.

Esdras 7:11

Israelpa yupaychasqan Tayta Diospa kamachikuyninkunata decretonkunata allinta yachaq sacerdote Esdrasmanmi rey Artajerjes huk cartata qorqa, chay cartapa copianmi kay:

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Nehemías 12:26

Paykunam gobernador Nehemiaspa, yachachikuq sacerdote Esdraspa hinaspa Josueypa churin Joiacimpa tiemponpi kawsarqaku. Josueyqa karqa Josadacpa churinmi.

Nehemías 12:37

Pukyuwan sutichasqa punkuman chayaruspankum, “Davidpa Llaqtanwan” sutichasqanku llaqtapa gradasninta muralla hawantakama wichayman seqarqaku, hinaspam Davidpa palacionpa hichpanta rispa Yakuwan sutichasqa punkuman chayarqaku. Chay punkuqa kachkan llaqtapa intipa qespimunan lawninpim.

Nehemías 3:26

Qatiqnintam allicharqaku templopi servikuqkunamanta Ofelpi yachaqkuna, paykunam allicharqaku intipa qespimunan lawninta Yakuwan sutichasqa punkukama hinaspa hawa lawman lloqsiq torrekama.

Nehemías 8:16

Hinaptinmi llapa runakunaqa ris-panku kallmakunata apamurqaku, hinas-pam wasinkupa qatankunapi, wasipa pationkunapi, Diospa templonpa pationkunapi, Yakuwan sutichasqa punkupa ñawpaqnin plazapi chaynataq Efrainpa punkun plazapipas sapakama ramadakurqaku.

Nehemías 8:3

Hinaspanmi achikyaqmanta chawpi punchawkama librota leerqa, yakuwan sutichasqa punkupa ñawpaqnin plazapi, chaymi llapallan huñunasqa runakuna Diospa kamachikuyninta tukuy sonqonkuwan uyarirqaku.

Isaías 8:20

¡Manam chaynataqa ruwanaychikchu! Aswanqa Diospa yachachikuynintayá tapukuychik, Diospa kamachikuynintayá tapukuychik. Chaykunaman hina mana rimaspankuqa tutayayllapiraqmi kachkanku.

Levítico 9:5

Chaymi paykuna Moisespa kamachisqanman hina aparqaku Tayta Diosman asuykuna carpapa punkunman; hinaspam Israelpa mirayninkuna chaypi huñunakuruspanku Tayta Diospa qayllanpi sayarqaku.

Malaquías 4:4

Serviqniy Moisesman Horeb orqopi kamachikuyniykuna qosqaytayá yuyariychik. Chaykunam karqa kama-chikuyniykunawan yachachikuyniy-kuna Israel castakuna kasukunan-kupaq.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Mateo 23:2

Diospa leynin yachachiqkunawan fariseokunaqa Moisespa kamachikuyninkunatam allinta reqsinku.

Mateo 23:34

Chayraykum profetakunata, yachayniyuqkunata hinaspa yachachikuqkunata kachamusqaykichik; wakintam wañu-chinkichik, wakintam chakatankichik, wakintañataqmi sinagogakunapi azotenkichik hinaspam llaqtan-llaqtan qatikachankichik.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Jueces 20:8

Hinaptinmi llapallanku, huk runa hinalla hatarispanku nirqaku: Manam mayqanninchikpas carpanchikmanqa nitaq wasinchikmanpas kutisunchu.