Nehemías 7:1 - CHUYA QELLQA La Biblia en Quechua de Ayacucho 2012

¹ Llaqtapa murallan qespiruptinmi punkunkunatapas churarurqaniku, hinaspam punkukuna nanachikuqkunata, takiqkunata chaynataq levitakunatapas churarqaniku.

Quechua Ayacucho Bible 1987

¹ Muralla qespiruptinmi punkunkunata churarqani, churasqataqmi karqa punkukunawan cuentallikuqkunapas, takiqkunapas chaynataq Leviy casta runakunapas.

Chuya Qellqa 1992

¹ Llaqtapa murallan qespiruptinmi punkunkunatapas churarurqaniku, hinaspam punkukuna nanachikuqkunata, takiqkunata chaynataq levitakunatapas churarqaniku.

Nehemías 7:1 Iomraidhean Croise

2~Reyes 7:10

Chayaruspankum llaqtapa punkun waqaychaqkunata kaynata qayayka-charqaku: Siria nacionniyuq tropakunapa campamentonmanmi rirqaniku chaymi mana ima runapas kanchu, nitaqmi rimasqankupas uyarikunchu. Caballokunawan asnokunallam watarayachkan. Carpankupas imam kaqllam kachkanku, nispanku.

2~Crónicas 31:2

Chaykunapa qepantam rey Ezequiasqa, levitakunatawan sacerdotekunata churarqa, muyuyninpi sapakama imam ruwayninkupi servikunankupaq, lliw kañana sacrificiota, Dioswan allinlla kasqankumanta ofrendakunata ofrecespanku graciasta qospanku Tayta Diosta templopa pationpi yupaychanankupaq.

Esdras 3:8

Jerusalén llaqtaman chayamusqankumanta iskay wata qepatam, chay watapa iskay kaq killanpi, Salatielpa churin Zorobabelwan Josadacpa churin sacerdote Josué, Tayta Diospa templon hatarichiyta qallaykurqaku. Paykunatam yanaparqaku llapa sacerdotekuna, levitakuna hinaspa Babiloniamanta lliw kutimuqkuna. Llam-kaqkunata kamachinanpaqñataqmi churarqaku levitakunata iskay chunka watayuqmanta hanayman.

Nehemías 10:39

Israelpa mirayninkunawan llapa levitakunapas, trigomanta, vinomanta hinaspa aceitemanta ofrendakunatam Diosniykupa templonpi almacenkunaman chaypi waqaychanankupaq apanqaku. Chay almacenkunapim Diospaq sapaqchasqa serviciokuna kachkan, chaypitaqmi sacerdotekunawan punku nanachikuqkuna hinaspa takiqkunapas kachkanku. Chaynatam Diosniykupa templonta mana saqenaykupaq prometekurqaniku.

Nehemías 11:3

Kaykunam preso apasqa kasqankumanta kutimuqkunapa kamachiqninkuna, paykunam Jerusalenpi yacharqaku. Judá nacionpi kaq wakin llaqtakunapiñataqmi Israel runakunawan, sacerdotekuna, levitakuna, templopi servikuqkuna hinaspa Salomonpa serviqninkunapa mirayninkuna, sapakama llaqtankupi yacharqaku.

Nehemías 12:24

Levitakunapa kamachiqninkunam karqaku: Hasabías, Serebías, Jesúa, Cadmiel. Paykunapa chimpanpiñataqmi karqaku castankuna, chaynapi muyuyninpi Tayta Diosta yupaychaspa payman graciasta qonankupaq. Chaynatam kamachikurqa Diospa serviqnin David.

Nehemías 6:1

Sanbalatwan, Tobías, Arabia lawmanta kaq Gesem hinaspa wakin enemigoykum, Jerusalén llaqtapa murallankuna hatarichiy tukusqaykutawan chaynataq uchkunkunapas wichqasqaña kasqanta yacharurqaku. Punkunkunatam ichaqa manaraq churarqanikuchu.

Nehemías 6:15

Muralla ruwaytam tukururqaniku Elul killapa iskay chunka pichqayuq punchawninpi. Chay obratam pichqa chunka iskayniyuq punchawpi qespirachirqaniku.

Nehemías 6:19

Ñoqapa ñawpaqniypipas allinllatañam Tobiasmantaqa rimaqku, ima rimasqaytapas paymanmi willaqku, Tobiasñataqmi manchachiwananpaq cartakunata apachimuwaq.