Nehemías 6:6 - CHUYA QELLQA La Biblia en Quechua de Ayacucho 2012

⁶ Chay cartam kaynata nisqa: Nacionkunapi runakunam rimachkanku, Gesempas hina chaynallatam nin, qamtaqsi judiokunawan kuska rey Artajerjespa contranpi hoqarikuyta tanteachkanki, chaypaqtaqsi murallatapas kaqmanta hatarichichkankichik. Paykunapa reynin karuyta munaspaykitaqsi

Quechua Ayacucho Bible 1987

⁶ Chay cartam kaynata nisqa: Huklaw nacionniyoq runakunam rimachkanku, Gesempas hina chaynallatam nin qamsi judiokunapiwan hoqarikuyta piensachkanki chaysi murallatapas perqachichkanki, ninkutaqmi paykunapa reynin karuy munasqaykitapas.

Chuya Qellqa 1992

⁶ Chay cartam kaynata nisqa: Nacionkunapi runakunam rimachkanku, Gesempas hina chaynallatam nin, qamtaqsi judiokunawan kuska rey Artajerjespa contranpi hoqarikuyta tanteachkanki, chaypaqtaqsi murallatapas kaqmanta hatarichichkankichik. Paykunapa reynin karuyta munaspaykitaqsi

Nehemías 6:6 Iomraidhean Croise

Esdras 4:12

Reynillayku, kaytam willamuykiku: Babilonia nacionmanta ñoqaykupa kasqaykuman kutichimusqayki judiokunam Jerusalenman chayaramuspanku kay mana allin hinaspa mana kasukuq llaqtata kaqmanta hatarichichkanku. Cimientonkunata churaruspankum murallankunatapas hatarichichkanku.

Esdras 4:15

chaynapi ñawpaq taytaykikunamanta rimaq librokunapi maskachinaykipaq, chay librokunapim tarinki kay runakunaqa mana kasukuq llaqta kasqanta, reykunatapas chaynataq wakin llaqtakunapas sasachakuyman churaq kasqanta; paykunaqa ñawpaq tiempomantaraqmi hoqarikuq runakuna karqaku, chayraykum kay llaqtaqa purmachisqa karqa.

Nehemías 2:19

Ichaqa Horón llaqtayuq Sanbalatwan Arabia lawmanta kaq Gesem hinaspa Amón llaqtapi kamachikuq Tobiasmi chayta yacharuspanku, kaynata nispa asipayawarqaku: ¿Imatataq kayta ruwachkankichik? ¿Reypa contranpichu hoqarikuchkankichik? nispanku.

Nehemías 6:13

Paykunam pagarurqaku manchachiwananpaq hinaspa huchallichiwananpaq, chaynapi ñoqamanta mana allinkunata rimaspanku penqayman churawanankupaq.

Nehemías 6:5

Pichqa kaq kutipim Sanbalatqa criadontaña kachamuwarqa mana wichqasqa cartata apachimuwaspan.

Nehemías 6:7

profetakunatapas churarunki, chaynapi Jerusalén llaqtapi reypaq churasuspayki “Judá nacionpiqa kachkanñam reyqa” ninankupaq. Chay rimaykunataqa rey Artajerjesmanmi willaykunmanku, chaynaqa hamuypuni rimanakunanchikpaq, nispa.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Mateo 5:11

Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

Lucas 23:2

Hinaspankum Jesusta acusaspa nirqaku: Kay runatam tariramuniku nacionniykupi chaqwa hatarichichkaqta, hinaspanmi “ñoqam Reypas, Cristopas kani” nispan Cesarman impuesto paganaykutapas harkakuchkan, nispanku.

Juan 19:13

Chaynata niptinkum Jesusta hawaman pusachimuspan sentencianan cortepi Pilato tiyaykurqa. Chay sitiopa sutinmi karqa Empedrado, hebreopiñataq Gábata.

Romanos 3:8

Chayna kaptinqa, ¿imanasqataq mana allin kaqkunata mana ruwanchikchu allin kaqkuna hamunanpaq? Chaynata nispankum yanqamanta achkaq cargochawanku. Paykunam ninku: “Pablom chaynata yachachichkan” nispanku; chayna runakunaqa condenasqayá kachunku.

2~Corintios 6:8

Hukpim alabasqa kaniku, hukpiñataqmi cheqnisqa, hukpim ñoqaykumanta allinta rimanku, hukpiñataqmi mana allinta, cheqapta rimachkaptiykupas llullakuqpaqmi hapiwanku.

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.