Nehemías 6:1 - CHUYA QELLQA La Biblia en Quechua de Ayacucho 2012

¹ Sanbalatwan, Tobías, Arabia lawmanta kaq Gesem hinaspa wakin enemigoykum, Jerusalén llaqtapa murallankuna hatarichiy tukusqaykutawan chaynataq uchkunkunapas wichqasqaña kasqanta yacharurqaku. Punkunkunatam ichaqa manaraq churarqanikuchu.

Quechua Ayacucho Bible 1987

¹ Sanbalatmi Tobiaspiwan Arabia lawmanta kaq Gesem sutiyoq runapiwan, wakin enemigoyku runakunapiwan yacharurqaku muralla perqasqayta chaynataq chaypiqa murallapa raqranpas manaña kasqanta. Chay tiempokamaqa manaraqmi punkukunatapas churarqanichu.

Chuya Qellqa 1992

¹ Sanbalatwan, Tobías, Arabia lawmanta kaq Gesem hinaspa wakin enemigoykum, Jerusalén llaqtapa murallankuna hatarichiy tukusqaykutawan chaynataq uchkunkunapas wichqasqaña kasqanta yacharurqaku. Punkunkunatam ichaqa manaraq churarqanikuchu.

Nehemías 6:1 Iomraidhean Croise

Nehemías 13:4

Ñawpaqtam, Diospa templonpi almacén cuartokunata nanachikuq sacerdote Eliasib aylluchakururqa Tobiaswan,

Nehemías 2:10

Ichaqa Horón llaq-tayuq Sanbalatwan Amón llaqtapi kamachikuq Tobiasmi yacharuspanku, Israelpa mirayninkunapa allinninpaq risqaymanta sinchita piñakururqaku.

Nehemías 2:19

Ichaqa Horón llaqtayuq Sanbalatwan Arabia lawmanta kaq Gesem hinaspa Amón llaqtapi kamachikuq Tobiasmi chayta yacharuspanku, kaynata nispa asipayawarqaku: ¿Imatataq kayta ruwachkankichik? ¿Reypa contranpichu hoqarikuchkankichik? nispanku.

Nehemías 3:1

Sumo sacerdote Eliasibmi sacer-dotemasinkunapiwan hatarispan-ku Ovejawan sutichasqa punkuta hatarichirqaku. Vigankunatawan punkun-kunata churaspankum perqankunatapas Pachakwan sutichasqa torremanta qallaykuspa Hamea sutiyuq torrekama ruwarqaku, hinaspam Tayta Diospaq sapaqcharqaku.

Nehemías 3:3

Challwawan sutichasqa punkutam ruwarqaku Senaapa mirayninkuna. Vigankunatawan punkunkunata churaspankum cerrojonkunatawan rejillankunatapas churarqaku.

Nehemías 3:6

Jesaná sutiyuq punkutam otaq Mawkawan sutichasqa punkutam allicharqaku Paseahpa churin Joiadawan Besodiaspa churin Mesulam; vigankunatawan punkunkunata churaspankum, cerrojonkunatawan rejillankunatapas churarqaku.

Nehemías 4:1

Jerusalenpa murallan hatarichis-qaykuta Sanbalat uyariruspanmi llumpayta piñakururqa, hinaspam ñoqayku judiokunamanta burlakuspan,

Nehemías 7:1

Llaqtapa murallan qespiruptinmi punkunkunatapas churarurqaniku, hinaspam punkukuna nanachikuqkunata, takiqkunata chaynataq levitakunatapas churarqaniku.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.