Nehemías 5:9 - CHUYA QELLQA La Biblia en Quechua de Ayacucho 2012

⁹ kaynata nirqani: Manam allinchu chay ruwasqaykichikqa. Qamkunaqa Diosninchiktayá respetaychik, chaynapi enemigonchik nacionkuna ama burlakuwananchikpaq.

Quechua Ayacucho Bible 1987

⁹ nirqani: —Manam allinchu chay rurasqaykichikqa. ¿Manachum respetankichik Diosninchikta chaynapi enemigonchik nacionkuna ama burlakuwananchikpaq?

Chuya Qellqa 1992

⁹ kaynata nirqani: Manam allinchu chay ruwasqaykichikqa. Qamkunaqa Diosninchiktayá respetaychik, chaynapi enemigonchik nacionkuna ama burlakuwananchikpaq.

Nehemías 5:9 Iomraidhean Croise

Génesis 20:11

Hinaptinmi Abraham nirqa: Arí kaytam piensarqani: “Kaypiqa manam Diosta manchakunkuchu, hinaspachá warmiyrayku wañurachiwanqaku” nispay.

Génesis 42:18

Kimsa punchawmantam paykunata José nirqa: Ñoqaqa Diostam kasukuni, kawsakuyta munaspaqa kaynata ruwaychik:

2~Samuel 12:14

Chaywanpas mana allin ruwasqaykiwan Tayta Diosta qepanchasqaykimantam naceq churikipas wañunqa, nispa.

Nehemías 4:4

Chaymi kaynata mañakurqani: Diosnillayku, asipayawasqankuta uyariy, kikinkumanyá kamikuyninkuta kutichiy, enemigonkupa makinman wichispayá huklaw nacionman preso apasqa kachunku.

Nehemías 5:10

Ñoqapas, aylluykunapas chaynataq criadoykunapas qollqetawan trigotam prestarqaniku, chaynaqa amañayá ima prestasqanchiktapas mañasunñachu.

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Proverbios 16:29

Mana allin runaqa kuyanakuqmasintapas pantachinmi, hinaspam mana allin ñanninta pusan.

Proverbios 17:26

Mana huchayuq runata sentenciayqa manam allinchu, allin kawsakuq runata azoteypas manam allinchu.

Proverbios 18:5

Manam allinchu mana allin ruwaqman sayapakuspa mana huchayuqta sentenciaruyqa.

Proverbios 19:2

Mana sumaqta tantearispa imapas ruwayqa manam allinchu, hawanpi-ukunpi imatapas ruwayqa pantachikunmi.

Proverbios 24:23

Kaykunapas yachayniyuqkunapa rimarisqankunam: Juzgadopi hukkaqllanman sayapakuruyqa manam allinchu.

Ezequiel 36:20

Maylaw nacionmanña rispapas ñoqapa chuya sutiytam penqayman churarqaku. Runakunam kaynata niqku: “Kay runakunaqa Tayta Diospa runankuna kachkaspapas nacionninkumantam lloqsiramunku”, nispanku.

Levítico 25:36

Chay wakcha runamanqa amam imatapas mirayniyuqpaqqa qonkichu, aswanqa ñoqa Diosnikitam respetawanki. Chay aylluykiqa wasikipim yachanqa.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.

Romanos 2:24

Chuya Qellqaqa allintam nin: “Qamkunapa huchaykichikmantam mana judío kaqkuna Diosta kaminku”, nispa.

1~Timoteo 5:14

Chaymi ñoqaqa munayman kallpanpiraq kaq viudakunaqa huktawan casarakuspanku wawayuq kanankuta, wasinkupi ocupakunankuta, chaynapi enemigowan ama kamichikunankupaq.

Tito 2:5

allin yuyay-manayniyuq kayta, chuya sonqo kayta, wasinkupi imapas allin ruwakuyta, allin runa kayta hinaspa qosanku kasukuyta, chaynapi ama pipas Diospa palabranpa contranpi rimanankupaq.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Samuel 2:24

Churillaykuna amayá kaykunataqa ruwaychikchu, llaqtantin runakunam qamkunamanta mana allinta rimanku.