Nehemías 5:5 - CHUYA QELLQA La Biblia en Quechua de Ayacucho 2012

⁵ Ichaqa ñoqaykupas paykunapas chay castallam kaniku, churiykupas paykunapa churinku hinallam. Chaywanpas ñoqaykum warmi churiykuta qari churiykuta serviqninku kananpaq paykunaman qorqaniku, chaynapim wakin warmi churiykuqa criadankuña kachkankupas, manam imayna kutichikuytapas atinikuchu, chakraykupas hinaspa uvas chakraykupas hukpa makinpiña kasqanrayku, nispanku.

Quechua Ayacucho Bible 1987

⁵ Judiomasinchikkunawanqa ayllupuram kanchik, churinchikpas churinku hinam, paykunapa sirvientenña kananpaqmi qorqaniku qari churiykutawan warmi churiykutapas. Wakin warmi churiykuqa sirvientañam kachkankupas, manataqmi harkakunaykupaq ima ruraytapas atinikuchu chakraykupas hinaspa huertaykupas hukpa makinpiña kasqanrayku —nispa.

Chuya Qellqa 1992

⁵ Ichaqa ñoqaykupas paykunapas chay castallam kaniku, churiykupas paykunapa churinku hinallam. Chaywanpas ñoqaykum warmi churiykuta qari churiykuta serviqninku kananpaq paykunaman qorqaniku, chaynapim wakin warmi churiykuqa criadankuña kachkankupas, manam imayna kutichikuytapas atinikuchu, chakraykupas hinaspa uvas chakraykupas hukpa makinpiña kasqanrayku, nispanku.

Nehemías 5:5 Iomraidhean Croise

Génesis 29:14

Chaymi Labán nirqa: Cheqaptapunipas qamqa aylluymi kanki, nispa. Huk killaña Labanwan Jacob yachachkaptinmi

Génesis 37:27

Ama wañu-chisunchikchu, aswanqa Ismael runa-kunaman rantikurusunchik, wawqenchikqa aychanchikmi, nispa. Chaymi wawqenkunapas allinmi nirqaku.

2~Reyes 4:1

Hukkaqnin profetapa viudanmi Eliseoman rispan nirqa: Yachasqaykipi hinapas qosayqa wañukunñam, payqa Tayta Diosta kasukuq runam karqa. Ichaqa manukusqayku runam hamuruwaspan iskaynin qari wawaykunata criadon kanankupaq pusayta munachkan, nispa.

Proverbios 22:7

Apuqa wakchakunapim munaychakun, prestakuqñataqmi prestaqninpa criadon rikurirun.

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Isaías 58:7

yarqasqa runata mikuykachiymi, mana wasiyuqta wasikipi samaykachiymi, mana pachayuqta pachaykachiymi, runamasikita tukuy imapi yanapaykuymi.

Mateo 18:25

Mana pagayta atiptinmi, reyñataq kamachikurqa, chay debeqninta, warmintinta, churinkunatawan hinaspa tukuy imankunatawan kuskata esclavopaq rantikamunankupaq, chaynapi debesqanta pagananpaq.