Nehemías 5:13 - CHUYA QELLQA La Biblia en Quechua de Ayacucho 2012

¹³ Pachaytapas taspispaymi kaynata nirqani: Pipas kay juramentota mana cumpliq runakunataqa, Diosyá kaynata taspichun, hinaspayá llapa imanta qechuspa wasinmanta hinaspa llamkayninmantapas qarqochun, nispay. Hinaptinmi llapallanku nirqaku: ¡Amén! nispanku. Chaymi Tayta Diosta yupaychaspanku chayman hina ruwarqaku.

Quechua Ayacucho Bible 1987

¹³ Pachaytapas taspispaymi kaynata nirqani: —Pipas kay juramento mana cumpliqkunatayá wasinkumantawan llamkayninkumanta Dios kaynata taspichun hinaspa llapa imantapas qechuchun —nispa. Lliw huñunasqa runakunañataqmi nirqaku: —¡Chaynayá kachun! —nispa. Tayta Diosta alabaspamá chayman hina rurarqaku.

Chuya Qellqa 1992

¹³ Pachaytapas taspispaymi kaynata nirqani: Pipas kay juramentota mana cumpliq runakunataqa, Diosyá kaynata taspichun, hinaspayá llapa imanta qechuspa wasinmanta hinaspa llamkayninmantapas qarqochun, nispay. Hinaptinmi llapallanku nirqaku: ¡Amén! nispanku. Chaymi Tayta Diosta yupaychaspanku chayman hina ruwarqaku.

Nehemías 5:13 Iomraidhean Croise

2~Reyes 23:3

Hinaspam reyqa pilarpa waqtanpi sayaykuspan Tayta Diospa qayllanpi contratota ruwarqa. Chayman hinam prometekurqa Tayta Diosta qatinanpaq, kamachikuyninkunatapas, yachachikuyninkunatapas, decretonkunatapas tukuy sonqonwan hinaspa tukuy vidanwan kasukunanpaq, prometekurqataqmi Diospa pacto ruwasqan libropa nisqanta cumplinanpaqpas. Chaypi kaq llapallan runakunapas chaynata ruwanankupaqmi prometekurqaku.

1~Crónicas 16:36

Israelpa yupaychasqan Tayta Diosyá wiñaymanta wiñaykama yupaychasqa kachun, nispan. Llapa runakunañataqmi ¡Amén! nispanku Tayta Diosta yupaycharqaku.

Nehemías 8:6

Hinaptinmi Tukuy Atiyniyuq Tayta Diosta sacerdote Esdras yupaycharqa. Llapa runakunañataqmi makinkuta hoqarispanku nirqaku: ¡Amén, Amén! nispanku. Hinaspankum pampakama kumuykuspanku Tayta Diosta hatuncharqaku.

Proverbios 28:4

Kamachikuyta qepanchaqkunaqa mana allin ruwaqkunatam alaban, kamachikuyta kasukuqkunam ichaqa mana allin ruwaqkunapa contranpi churakunku.

Eclesiastés 5:5

Prometekuruspa mana cumplinaykimantaqa mana prometekuymi aswan allinqa.

Números 5:22

Ñakay apamuq yakuta tomaruptikim castigo qanman chayasunki”, nispa. Hinaptinmi chay warmiñataq ninqa: “Nisqaykiman hinayá kachun”, nispa.

Mateo 10:14

Sichum pipas mana chaskisuptikichikqa chaynataq willakusqaykichiktapas mana uyarisuptikichikqa, chay wasimanta otaq chay llaqtamanta lloqsiychik hinaspa usutaykichikpi allpatapas taspiychik.

Hechos 13:51

Chaymi Pablowan Bernabeyqa qarqosqa kasqankuta qawachikunankupaq usutankupi allpata taspirqaku, hinaspankum Iconio llaqtaman pasakurqaku.

Hechos 18:6

Chay judiokunam ichaqa Pablopa contranpi hatarispanku imaymanata rimarqaku, hinaptinmi Pabloñataq pachantapas taspispanraq nirqa: Wiñaypaq wañuyman wichispaqa kikikichikmi huchayuq kankichik, manam ñoqachu. Kunanmantaqa mana judío kaqkunamanñam willakuq risaq, nispa.

1~Corintios 14:16

Sichum espirituman hina mana yachasqayki rimaypi Diosta yupaychaptikiqa mana entiendeq runaqa manam atinmanchu qanwan kuska gracias qoyta, imam nisqaykita mana entiendesqanrayku.

1~Samuel 15:28

Hinaptinmi Saulta Samuel nirqa: Kaynatam Tayta Dios llikirun Israel nacionpi munaychakuynikita, qechurususpaykim qoykun qanmantaqa aswan allin runamanña.