Nehemías 5:12 - CHUYA QELLQA La Biblia en Quechua de Ayacucho 2012

¹² Hinaptinmi paykuna nirqaku: Niwasqaykikuman hinam ruwasaqku, lliwta kutichipuspaykum manaña imatapas mañasaqkuñachu, nispanku. Chaymi sacerdotekunata qayachispay, paykunapa qayllanpi jurachiptiy chaynata ruwanankupaq prometekurqaku.

Quechua Ayacucho Bible 1987

¹² Paykunañataqmi niwarqaku: —Kutichipusaqkum, manañam imatapas mañasaqkuchu, nisqaykiman hinamá rurasaqkuqa —nispa. Chayman hinamá sacerdotekunata qayaspay juramentachirqani.

Chuya Qellqa 1992

¹² Hinaptinmi paykuna nirqaku: Niwasqaykikuman hinam ruwasaqku, lliwta kutichipuspaykum manaña imatapas mañasaqkuñachu, nispanku. Chaymi sacerdotekunata qayachispay, paykunapa qayllanpi jurachiptiy chaynata ruwanankupaq prometekurqaku.

Nehemías 5:12 Iomraidhean Croise

Esdras 10:12

Chaymi llapallan huñunasqa runakuna qaparispa nirqaku: ¡Nisqaykiman hinayá ruwasqa kachun!

Esdras 10:5

Chaymi Esdrasqa hatarispan sacerdotekunapa kamachiqninkunata, levitakunata hinaspa Israel runakunata jurachirqa nisqankuman hina ruwanankupaq, hinaptinmi llapanku jurarqaku.

Nehemías 10:29

wawqenkunaman chaynataq kamachiqninkunaman hukllawakuspanku tukuy sonqonkuwan jurarqaku. Moisesnintakama Tayta Diospa qosqan kamachikuykunaman hina kawsanankupaq. Prometekurqakutaqmi Tayta Diospa kamachikuyninkunata, reglamentonkunata hinaspa decretonkunata cumplinankupaqpas.

Nehemías 10:30

Llapallaykutaqmi prometekurqaniku, warmi churiykutapas hichpaykupi kaq nacionkunapi qarikunawanqa mana casarachinaykupaq, nitaq qari churiykutapas warmi churinkunawanqa mana casarachinaykupaq.

Nehemías 10:31

Prometekurqanikutaqmi hichpaykupi kaq nacionkunamanta samana punchawpi otaq fiesta punchawkunapi pipas imataña rantikunankupaq apamuptinkupas mana rantinaykupaq. Chaynallataq Sapa qanchis watamanta chakraykuta samachinaykupaq hinaspa debewaqniykutapas pampachanaykupaq.

Nehemías 13:25

Chaymi paykunawan atipanakuspay ñakaykurqani, paykunamantam wakinta azoterqani, chukchankutapas chutaparqani, hinaspam Diosrayku jurachispay kaynata nirqani: Amam warmi churikichikkunatapas nitaq qari churinkunatapas paykunapa churinkunawanqa casarachinkichikchu, nitaqmi kikikichikpas chaynataqa ruwankichikchu.

Nehemías 5:11

Chaynaqa, kunanyá chakrankuta, uvas chakrankuta, olivos chakrankuta hinaspa wasinkutapas kutiykachipuychik. Trigomanta, vinomanta, aceitemanta hinaspa qollqepa miraynin debesusqaykichiktapas amaña mañaychikñachu, nispa.

Mateo 26:63

Jesusmi ichaqa upallalla karqa. Chaymi sumo sacerdote nirqa: Kawsaq Diospa sutinpim tapuyki: ¿Qamchu Diospa Churin Cristo kanki? nispa.

Lucas 19:8

Zaqueoñataqmi sayariykuspan Señorta nirqa: Señor, kapuqniykunatam partenta wakchakunaman qosaq, sichum engañaspay pimantapas suwakusqaytañataqmi tawa kuti mirayniyuqta kutichipusaq, nispa.