Nehemías 4:7 - CHUYA QELLQA La Biblia en Quechua de Ayacucho 2012

⁷ Ichaqa Sanbalat, Tobías, Arabia lawmanta kaqkuna, Amón lawmanta kaqkuna hinaspa Asdod lawmanta kaqkunam, Jerusalén llaqtapa murallankuna allichasqaykuta chaynataq raqrankunatapas wichqasqaykuta uyariruspanku sinchillataña piñakururqaku.

Quechua Ayacucho Bible 1987

⁷ Astawanqa Sanbalatpiwan Tobiasmi, Arabia lawmanta kaqkunapiwan chaynataq Amon castamanta kaqkunapiwan hinaspa Asdod llaqtamanta kaqkunapiwan Jerusalen llaqtapa murallankuna allichasqaykuta chaynataq raqrankunatapas tapasqaykuta uyariruspanku sinchillataña piñakururqaku.

Chuya Qellqa 1992

⁷ Ichaqa Sanbalat, Tobías, Arabia lawmanta kaqkuna, Amón lawmanta kaqkuna hinaspa Asdod lawmanta kaqkunam, Jerusalén llaqtapa murallankuna allichasqaykuta chaynataq raqrankunatapas wichqasqaykuta uyariruspanku sinchillataña piñakururqaku.

Nehemías 4:7 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

2~Reyes 24:2

Tayta Diosmi Joacimpa contranpi kachamurqa Caldea, Siria, Moab hinaspa Amón tropakunata. Paykunatam Tayta Dios kachamurqa serviqnin profetakunawan nisqanpi hina Judá nacionta chinkachinanpaq.

2~Crónicas 20:1

Chaykuna pasaruptinmi Moabpa hinaspa Amonpa mirayninkuna hamururqaku rey Josafatpa contranpi peleaq, paykunawantaqmi hamurqa wakin Meún runakunapas.

Esdras 5:8

Kunanmi reynilláy willamuykiku, ñoqaykum Judá lawman rispayku Atiyniyuq Diospa templon ruwasqankuta rikuramuniku, perqankunatapas labrasqa hatun rumikunawanmi hatarichichkanku, vigankunapas churasqañam kachkan, utqayllamanña ruwaspankum qespiykachichkankuña.

Nehemías 2:10

Ichaqa Horón llaq-tayuq Sanbalatwan Amón llaqtapi kamachikuq Tobiasmi yacharuspanku, Israelpa mirayninkunapa allinninpaq risqaymanta sinchita piñakururqaku.

Nehemías 2:19

Ichaqa Horón llaqtayuq Sanbalatwan Arabia lawmanta kaq Gesem hinaspa Amón llaqtapi kamachikuq Tobiasmi chayta yacharuspanku, kaynata nispa asipayawarqaku: ¿Imatataq kayta ruwachkankichik? ¿Reypa contranpichu hoqarikuchkankichik? nispanku.

Nehemías 4:1

Jerusalenpa murallan hatarichis-qaykuta Sanbalat uyariruspanmi llumpayta piñakururqa, hinaspam ñoqayku judiokunamanta burlakuspan,

Nehemías 4:6

Chaywanpas hinam llamkarqaniku, chaymi llapa runakuna kusikuyllawanña perqasqankurayku chawpikama hatarirachirqaniku.

Nehemías 4:8

Hinaspam Jerusalenta atacamunankupaq llapallanku rimanakururqaku, chaynapi hukmanyachiwanankupaq.

Nehemías 6:16

Llapa enemigoykuwan muyuriqniykupi kaq nacionkunapas, chay ruwasqaykuta yacharuspankum llumpayta mancharikurqaku, penqakuymantam uchuychakuspanku Diosniykupa yanapakuyninwan qespichisqa kasqanta chayraq yuyayta hapirqaku.

Jeremías 25:20

Egipto nacionpi huklaw llaqtayuqkunamanpas; Uz nacionpi reykunamanpas, Filistea lawpi kaq Ascalón, Gaza, Ecrón chaynataq Asdod llaqtakunapa reyninkunamanpas;

Jeremías 41:10

Chaymantam Mizpa llaqtapi puchuq runakunatawan reypa warmi churinkunata hinaspa reyta waqaychaq soldadokunapa capitannin Nabuzaradanpa saqesqankunatapas presocharurqa, paykunatam Ahicampa churin Gedalías nanachikurqa. Chay runakunata pusarikuspanmi Netaniaspa churin Ismaelqa Amonpa mirayninkunapa allpanman pasakurqa.

Amós 1:13

Tayta Diosmi kaynata nin: Amón llaqtapi yachaqkunatam llumpa-llumpay huchankumanta castigasaqpuni. Paykunam allpankuta mirachiypi rispanku Galaad lawpi wiksayuq warmikunapa wiksallantapas kuchuspa tallirqaku.

Amós 1:8

Asdod llaqtapi yachaqkunatam chinkarachisaq, Ascalón llaqtapi kamachikuqkunatam tukurusaq; lliw atiyniywanmi Ecrón llaqtata castigarusaq, Filistea nacionpi puchuq runakunatam puchukarachisaq. Tayta Diosmi chaynata nin.

Amós 3:9

Asdod llaqtapa palacionkunapi, Egipto nacionpa palacionkunapi, qaparispa niychik: “Samariapa orqonkunaman huñunakuspa qawaychik, Samariapa chawpinpi hatun sasachakuytawan ñakarichinakuyta”, nispaykichik.

Hechos 5:33

Chaymi kamachikuqkuna kaykunata uyariruspanku llumpayta piñakururqaku, hinaspam wañurachinankupaq rimanakurqaku.

Apocalipsis 12:17

Hinaptinmi Dragonqa warmipa contranpi piñakururqa, hinaspam chay warmipa mirayninpa contranpi peleaq pasarqa, chay miraykunaqa Diospa kamachikuynin kasukuqkunam hinaspa Jesuspi iñiqkunam karqaku.

1~Samuel 11:2

Hinaptinmi Amón casta runakunapa reynin Nahasñataq nirqa: Sapakamapa alleq ñawikichikta hurqonay kaptinmi qamkunawanqa contratota ruwasaq. Chayta ruwaspaymi lliw Israel runakunata penqayman churasaq, nispa.