Nehemías 4:17 - CHUYA QELLQA La Biblia en Quechua de Ayacucho 2012

¹⁷ Muralla perqaqkunapas, rumi qepiqkunapas, allpa wischuqkunapas, huknin makinkuwanmi obrapi llamkarqaku, hukninwanñataqmi espadata hapirqaku.

Quechua Ayacucho Bible 1987

¹⁷ Murallapi perqaqkunawan qepiqkunam huknin makinkuwan llamkaqku obrapi huknin makinwanñataqmi espadata hapiqku.

Chuya Qellqa 1992

¹⁷ Muralla perqaqkunapas, rumi qepiqkunapas, allpa wischuqkunapas, huknin makinkuwanmi obrapi llamkarqaku, hukninwanñataqmi espadata hapirqaku.

Nehemías 4:17 Iomraidhean Croise

Nehemías 4:13

Chaymi murallapa qepanpi, tuñisqa lawkunapi hinaspa manaraq perqa ancha hatarichisqa lawkunapi runakunata ayllun-ayllun churarqani espadantintakama, lanzantintakama hinaspa flechantintakama.

Nehemías 4:16

Chay punchawmantam wakin runaykuna perqa ruwaypi llamkarqaku, wakinñataqmi qasqonku wasanku harkachikunata churakuykuspanku lanzakunawan, escudokunawan, flechakunawan armasqa karqaku. Kamachikuqkunañataqmi llapa Judá runakunata yanaparqaku.

Nehemías 4:18

Perqaqkunam llamkaspanku sapakama weqawninkupi espadayuqkama karqaku, trompeta tocaqñataqmi ñoqawan kuska karqa.

Cantares 3:8

Paykunaqa llapallankum espadayuqkama, llapallankum guerrapi peleamuqkuna. Sapakamam wiqawninpi espada watasqa, tutayaypi imapas kaptin defiendenankupaq.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Joel 2:8

Manam mayqanpas riqmasinta tanqanqachu, sapakamam maymi rinanta rinqaku; flechakunapa chawpintapas mana cheqeykuspam ñawpaqman rinqaku.

1~Corintios 16:13

Rikchan-rikchanllayá kaychik, iñiynikichikpi qaqa hina sayaychik, qarinchakuspayá allinta kallpan-chakuychik.

1~Corintios 16:9

Contrapiña achka kachkaptinkupas Señormanta aswan masta willakunaypaqmi punku kichakuykun.

1~Corintios 9:12

Sichum hukkunapas qamkunamanta pagonta chaskichkaptinqa, ¿manachu ñoqaykuqa aswanraq chaskiymanku? Ichaqa manam chay derechoykutaqa chaskirqanikuchu, aswanqa kikiykum llamkakurqaniku, chaynapi Cristomanta allin noticia willasqayku mana yanqa-chasqa kananpaq.

2~Corintios 6:7

cheqapta willakuspayku hinaspa ichoqmanpas alleqmanpas Diospa atiyninwan allin kaqta ruwaspa defiendekuniku.

Filipenses 1:28

contraykichikpi kaqku-natapas mana manchakusqaykichikmanta. Contraykichikpi kasqankuraykum yachanchik paykunapa puchukananta, qamkunañataq salvasqa kanaykichikta. Chayqa Diosmantam hamun.

2~Timoteo 2:3

Qamqa Jesucristopa allin soldadon hinayá ñakariy.

2~Timoteo 4:7

Allin peleaytam tukuruniña, mayman kallpasqaymanmi chayaruniña, iñiyniypim allinta sayarqani.