Nehemías 4:10 - CHUYA QELLQA La Biblia en Quechua de Ayacucho 2012

¹⁰ Judá runakunam ichaqa kaynata quejakurqaku: Rumi hurqoqkunawan allpa wischuq-kunam pisiparunkuña, manañam perqa hatarichiytaqa atiymankuñachu, nispanku.

Quechua Ayacucho Bible 1987

¹⁰ Juda lawmanta runakunañataqmi rimarqaku kaynata: —Apamuqkunapa kallpankum pisirunña, wischunapaq allpapas achkam, manataqmi atiymankuchu muralla perqaytaqa —nispa.

Chuya Qellqa 1992

¹⁰ Judá runakunam ichaqa kaynata quejakurqaku: Rumi hurqoqkunawan allpa wischuqkunam pisiparunkuña, manañam perqa hatarichiytaqa atiymankuñachu, nispanku.

Nehemías 4:10 Iomraidhean Croise

2~Crónicas 2:18

Paykunamantam akllarqa qanchis chunka waranqata rumi qepiqpaq, pusaq chunka waranqata orqopi rumi labraqpaq, kimsa waranqa soqta pachaktañataq chay llamkaqkunata llamkachiqpaq.

2~Crónicas 34:13

Paykunam qepiqkunatawan llamkaqkunata kamachirqaku. Levitakunapim karqa secretariokuna, gobernadorkuna hinaspa punkukuna nanachikuqkuna.

Nehemías 4:11

Enemigoykupas kaynatam nirqaku: Mana pipa musyasqallantam chawpinkuman yaykuruspa wañurachisun, hinaspam llamkayninkuta chayllapi sayarachisun, nispanku.

Nehemías 4:2

wawqenkunapa chaynataq Samaria tropakunapa qayllanpi kaynata nirqa: ¿Imatataq kay mana kallpayuq judiokuna ruwachkanku? ¿Yapamantachu murallakunata hatarichispanku sacrificiokunata ofrecenqaku? ¿Yaqachu huk punchawllapi tukurunqaku? ¿Yaqachu waknaña allpa ukumanta llapa kañasqa rumikunata hurqospa musoqyachinqaku? nispa.

Nehemías 4:9

Chaymi Diosniykuta mañakuspayku llaqtata tuta punchaw waqaychanankupaq runakunata churarqaniku paykunamanta defiendekunaykupaq.

Ezequiel 29:18

Runapa churin, Babilonia nacionpa reynin Nabucodonosormi tropankunata Tiro llaqtapa contranpi kachaykun, chayraykum tropankunaqa paqla umaña kachkanku, hombronkupas mata-matañam kachkan, ichaqa manam kikin reypas nitaq tropankunapas chay sasallaña llamkasqankumantaqa imallatapas allintaqa hurqonkuchu.

Hageo 1:2

Tukuy Atiyniyuq Tayta Diosmi kaynata nin: Kay runakunam ninakuchkanku, “manaraqmi Tayta Diospa templonta musoqmanta hatarichina tiemporaqchu”, nispanku.

Números 13:31

Riqmasinkunam ichaqa nirqaku: Manam chay runakunawan peleaqqa richwanchu, paykunaqa ñoqanchikmantapas aswan kallpasapakunam, nispanku.

Números 32:9

Escol wayqokama chayaruspankum allpata qawaykamuspanku Israelpa mirayninkunata hukmanyachirqaku Tayta Diospa qosqan allpaman mana rinankupaq.