Nehemías 3:5 - CHUYA QELLQA La Biblia en Quechua de Ayacucho 2012

⁵ Qatiqnintam allicharqa Tecoa llaqtayuq runakuna, kamachiqninkunam ichaqa mana yanapayta munarqakuchu.

Quechua Ayacucho Bible 1987

⁵ Paykunapa waqtanpiñataqmi allicharqaku Tecoa llaqtayoq runakuna, allin reqsisqa runakunam ichaqa mana yanapayta munarqakuchu kamachikuqkunapa obranpi llamkayta.

Chuya Qellqa 1992

⁵ Qatiqnintam allicharqa Tecoa llaqtayuq runakuna, kamachiqninkunam ichaqa mana yanapayta munarqakuchu.

Nehemías 3:5 Iomraidhean Croise

2~Samuel 14:2

Chaymi Tecoa llaqtamanta sakri warmita pusachimuspa Joab nirqa: Ama hina kaspayá wañuchikuq warmi hina luto pachawan churakuspayki ama aceitewanpas tallikuspa, aswanqa wañukuqninmanta unayña llakikuq warmiman rikchakuy.

2~Crónicas 11:6

Chay hatarichisqan llaqtakunam kaykuna: Belén, Etam, Tecoa,

Nehemías 3:27

Qatiqnintam allicharqaku Tecoa llaqtayuq runakuna, hawa lawman lloqsiq hatun torrepa chimpanmanta qallarispa Ofelpa murallankama.

Nehemías 3:4

Qatiqnintam allicharqa Uriaspa churin Meremot, Uriasqa karqa Cospa churinmi; qatiqnintañataqmi allicharqa Berequiaspa churin Mesulam, Berequiasqa karqa Mesezabeelpa churinmi. Qatiqnintam allicharqa Baanapa churin Sadoc.

Nehemías 3:6

Jesaná sutiyuq punkutam otaq Mawkawan sutichasqa punkutam allicharqaku Paseahpa churin Joiadawan Besodiaspa churin Mesulam; vigankunatawan punkunkunata churaspankum, cerrojonkunatawan rejillankunatapas churarqaku.

Jeremías 27:12

Ñoqa Jeremiasmi Judá nacionpa reynin Sedequiasman tukuy chaykunata kaynata willarqani: Babilonia nacionpi reypa yugoman kunkaykichikta sujetaychik hinaspa paytawan llaqtanta serviychik. Chay-nata ruwaspaqa kawsankichikmi.

Jeremías 27:2

kaynata nispan: Yugotawan coyundata ruwakaramuy hinaspa matankaykiman watakaramuy.

Jeremías 27:8

Sichum mayqan nacionpas otaq kamachikuqpas Babilonia nacionpa reynin Nabucodonosorta mana serviyta munaptinqa, chaynataq payman mana sujetakuyta munaptinqa, chay naciontam guerrawan, yarqaywan hinaspa peste onqoywan puchukachisaq. Chay naciontaqa puchukachinaykamam rey Nabucodonosorwan castigasaq. Ñoqa Tayta Diosmi chaynata nini.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Amós 1:1

Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Mateo 11:29

Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik.

Hechos 15:10

Chaynaqa, ¿imanasqataq Diosta piñachinkichik, ñoqanchikpapas hinaspa ñawpaq taytanchikkunapapas mana apay atisqan llasaq qepita iñiqkunaman churkuspaykichik?

1~Corintios 1:26

Wawqe-panikuna, imaynam qayasqa kasqaykichikmanta qawarikuychik, runakunapa qawasqanman hinaqa qamkuna ukupiqa asllam yachayniyuqkunaqa, asllataqmi atiyniyuqpas chaynataq ancha reqsisqakunapas kachkankichik.

Jueces 5:23

Tayta Diospa angelninmi kaynata nin: “Meroz llaqtapi yachaqkunata ñakaychik, Tayta Diospa tropankuna kallpasapa tropakunawan peleaptin yanapaq mana hamusqankumanta”, nispa.