Nehemías 3:26 - CHUYA QELLQA La Biblia en Quechua de Ayacucho 2012

²⁶ Qatiqnintam allicharqaku templopi servikuqkunamanta Ofelpi yachaqkuna, paykunam allicharqaku intipa qespimunan lawninta Yakuwan sutichasqa punkukama hinaspa hawa lawman lloqsiq torrekama.

Quechua Ayacucho Bible 1987

²⁶ Ofel Moqopi yachaq templopa sirvientenkunañataqmi allicharqaku intipa qespimunan lawpi lloqsina zaguanpa chimpankama hinaspa hawa lawman lloqsiq torrekama.

Chuya Qellqa 1992

²⁶ Qatiqnintam allicharqaku templopi servikuqkunamanta Ofelpi yachaqkuna, paykunam allicharqaku intipa qespimunan lawninta Yakuwan sutichasqa punkukama hinaspa hawa lawman lloqsiq torrekama.

Nehemías 3:26 Iomraidhean Croise

1~Crónicas 9:2

Babilonia nacionmanta puntata kutimuspa chakrankuman hinaspa llaqtankuman yachanankupaq yaykuqkunaqa karqaku Israel castamanta wakin runakunawan, sacerdotekuna, levitakuna hinaspa templopi servikuqkunam.

2~Crónicas 27:3

Rey Jotammi Tayta Diospa templonpa altonpi kaq punkutapas ruwachirqa, Ofel sutiyuq murallapipas tukuy imatam ruwachirqa.

2~Crónicas 33:14

Chaykunapa qepantam rey Manasés ruwachirqa “Davidpa Llaqtanwan” sutichasqanku llaqtapa hawa lawninpi murallanta, chay murallam Gihón pukyupa intipa seqaykunan lawninpi qallaykuspa wayqonta chutarikuspan Challwawan sutichasqa punkukama chayarqa, hinaspam Ofel lawninta muyumurqa. Chay murallataqa alto-altotam hoqarirachirqa. Judá nacionpi kaq murallasqa llaqtakunapipas tropakunapa kamachiqninkunatam churarqa.

Nehemías 10:28

Wakin runakunapas, sacerdote-kunapas, levitakunapas, punku nanachi-kuqkunapas, takiqkunapas, templopi servikuqkunapas chaynataq Diospa yachakuynintaña cumplinankupaq chay-lawpi runakunamanta sapaqchakuqkunapas warmintin hinaspa yuyayniyuq churinkunapiwanmi,

Nehemías 11:21

Templopi llamkaqkunam Ofelpi yacharqaku, paykunapa kamachiqninkum karqa Zihawan, Gispa.

Nehemías 12:37

Pukyuwan sutichasqa punkuman chayaruspankum, “Davidpa Llaqtanwan” sutichasqanku llaqtapa gradasninta muralla hawantakama wichayman seqarqaku, hinaspam Davidpa palacionpa hichpanta rispa Yakuwan sutichasqa punkuman chayarqaku. Chay punkuqa kachkan llaqtapa intipa qespimunan lawninpim.

Nehemías 3:27

Qatiqnintam allicharqaku Tecoa llaqtayuq runakuna, hawa lawman lloqsiq hatun torrepa chimpanmanta qallarispa Ofelpa murallankama.

Nehemías 8:1

Chaykunapa qepantam huk runa hinalla llapallanku huñunakamurqaku Yakuwan sutichasqa pukyupa ñawpaqnin plazaman. Hinaspankum sacerdote Esdrasta nirqaku Israelpa mirayninkunaman Moisesnintakama Tayta Diospa qosqan kamachikuy librota apamunanpaq.

Nehemías 8:16

Hinaptinmi llapa runakunaqa ris-panku kallmakunata apamurqaku, hinas-pam wasinkupa qatankunapi, wasipa pationkunapi, Diospa templonpa pationkunapi, Yakuwan sutichasqa punkupa ñawpaqnin plazapi chaynataq Efrainpa punkun plazapipas sapakama ramadakurqaku.

Nehemías 8:3

Hinaspanmi achikyaqmanta chawpi punchawkama librota leerqa, yakuwan sutichasqa punkupa ñawpaqnin plazapi, chaymi llapallan huñunasqa runakuna Diospa kamachikuyninta tukuy sonqonkuwan uyarirqaku.

Isaías 32:14

Palaciopas chunninqam, achkallaña runayuq llaqtapas chunninqam, mana yaykuy atina murallankunawan torrenkunapas wiñaypaq saqesqam kanqa; chaypiqa monte asnokunallañam kusisqa yachanqaku, uywakunallañam chaypiqa mikunqaku.