Nehemías 3:15 - CHUYA QELLQA La Biblia en Quechua de Ayacucho 2012

¹⁵ Pukyuwan sutichasqa punkutam allicharqa Colhozepa churin Salum, payqa karqa Mizpa llaqtapa gobernadorninmi. Paymi musoqmanta perqaspan qatarqa, hinaspanmi punkunkunatawan cerrojonkunantapas churarqa. Allicharqataqmi reypa huertanman riq Siloé estanquepa perqantapas “Davidpa Llaqtanmanta” uraykamuq gradaskama.

Quechua Ayacucho Bible 1987

¹⁵ Colhozepa churin Salum sutiyoq runapas allicharqam Pukyuman Riq Zaguanta, paymi karqa Mizpa lawpi gobernador. Paymi mosoqmanta perqaspan churarqataq punkunpa chakankunatapas, punkunkunatapas chaynataq aldabantawan cerrojonkunatapas. Allicharqataqmi reypa huertanman riq Siloe estanquepa perqantapas Davidpa Llaqtanmanta uraykamuq gradaskama.

Chuya Qellqa 1992

¹⁵ Pukyuwan sutichasqa punkutam allicharqa Colhozepa churin Salum, payqa karqa Mizpa llaqtapa gobernadorninmi. Paymi musoqmanta perqaspan qatarqa, hinaspanmi punkunkunatawan cerrojonkunantapas churarqa. Allicharqataqmi reypa huertanman riq Siloé estanquepa perqantapas “Davidpa Llaqtanmanta” uraykamuq gradaskama.

Nehemías 3:15 Iomraidhean Croise

2~Samuel 5:9

Davidmi Jerusalén llaqtapi yachayta qallaykuspan suticharqa “Davidpa Llaqtan” nispa. Hinaspam chay llaqtapa muyuriqninta, wayqota allpawan huntachisqanmanta qallaykuspa palaciokama qaqay-qaqayta perqachirqa.

2~Reyes 25:4

llaqtapa murallanta toqorurqaku. Chaymi Babilonia tropakuna llaqtapa muyuriqninpi kachkaptinkupas, Jerusalenpi llapa soldadokuna tutallan lluptirurqaku reypa huertanpa hichpanpi kaq iskay perqapa chawpi punkuntakama. Reypas Arabá qechwaman riq ñannintam ayqekurqa.

2~Crónicas 32:30

Tapachirqataqmi Gihón pukyupa punkuntapas hinaspam chay yakuta “Davidpa Llaqtanwan” sutichasqa llaq-takama pusachirqa. Chaynapim rey Ezequiasqa tukuy ima ruwasqanpipas bendecisqa karqa.

Nehemías 12:37

Pukyuwan sutichasqa punkuman chayaruspankum, “Davidpa Llaqtanwan” sutichasqanku llaqtapa gradasninta muralla hawantakama wichayman seqarqaku, hinaspam Davidpa palacionpa hichpanta rispa Yakuwan sutichasqa punkuman chayarqaku. Chay punkuqa kachkan llaqtapa intipa qespimunan lawninpim.

Nehemías 2:14

Chaymantam pukyuman riq punkuman hinaspa reypa ruwachisqan qochaman rirqani, ichaqa sillakusqay animalmi chayninta mana pasayta atirqachu.

Nehemías 2:17

Chaymi paykunata nirqani: Qamkunaqa qawachkankichikmi sasachakuypi kasqanchikta. Jerusalén llaqtapa perqankunapas tuñichisqam kachkan, punkunkunapas kañasqam kachkan. Chaynaqa, hatarispayá Jerusalenpa perqanta kaqllamanta hatarichisun, amaña penqaypi kananchikpaq, nispa.

Nehemías 3:12

Qatiqnintam allicharqa Halohespa churin Salum hinaspa warmi churinkuna, payqa karqa Jerusalén parten llaqtapa gobernadorninmi.

Nehemías 3:14

Muladarwan sutichasqa punkutam allicharqa Recabpa churin Malquías, payqa karqa Bet-haquerem llaqtapi gobernadormi, paymi punkunkunatawan cerrojonkunata hinaspa rejillankunata churarqa.

Nehemías 3:19

Qatiqnintam allicharqa Josueypa churin Ezer, payqa karqa Mizpa llaqtapa gobernadorninmi, paytaqmi allicharqa esquinapi armakuna waqaychana wasipa chimpan wichayman riq perqatapas.

Nehemías 3:7

Qatiqnintam allicharqaku Gabaón llaqtayuq Melatías, Meronot llaqtayuq Jadón, Gabaón llaqtayuq runakuna hinaspa Mizpa llaqtayuq runakuna, chay llaqtakunaqa Eufrates mayupa waklawninpi kaq gobernadorpa kamachisqanmi karqaku.

Nehemías 3:9

Qatiqnintam allicharqa Hurpa churin Refaías, payqa karqa Jerusalén parten llaqtapa gobernadorninmi.

Eclesiastés 2:6

Plantasqay sachakunata parqonaypaqmi pozokunata yakupaq ruwakurqani.

Isaías 8:6

Siria nacionpa reynin Rezinwan kusikuspanku, Remaliaspa churin rey Pekawan kusikuspanku, qasillalla kallpaq Siloé yakuta kay runakuna wischupakusqankuraykum,

Jeremías 40:6

Chaymi Jeremiasqa Mizpa llaqtapi yachaq Ahicampa churin Gedaliaspaman ripukurqa, hinaspam chaylawpi puchuq runakunawan kuska yacharqa.

Lucas 13:4

Siloé pozo-pa waqtanpi torre tuñiykuspanmi chun-ka pusaqniyuq runakunata wañurachirqa. ¿Creenkichikchu Jerusalenpi runakunamantapas aswan huchasapa kasqankuta?

Juan 9:7

nirqa: Siloé estanqueman rispayki mayllakaramuy, nispa. (Siloeqa “kachasqa” ninanmi). Rispanmi mayllakaramurqa, hinaspam qawakustinña kutiramurqa.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Jueces 20:3

Benjamín ayllukunam Israelpa mirayninkuna Mizpa llaqtaman risqankuta yacharurqaku. Israelpa mirayninkunam chay Leví ayllu runata tapurqaku imaynam chay warminta wañuchisqankumanta.