Nehemías 2:5 - CHUYA QELLQA La Biblia en Quechua de Ayacucho 2012

⁵ reyta nirqani: Reynilláy, allinpaq rikchakapusuptikiqa chaynataq kuyapayakuynikita haypay-kuptiyqa, Judá nacionman kutinaypaq-yá kachaykuway, chaynapi taytaykunapa pampakusqan llaqtata musoqmanta hatarichimunaypaq, nispay.

Quechua Ayacucho Bible 1987

⁵ reyta nirqani: —Reylláy, munaspaykiqa kay sirvientekitayá favorecewaspayki kachaway Juda lawpi abueloykunapa pampakusqan llaqtaman chaynapi mosoqmanta hatarichimunaypaq —nispa.

Chuya Qellqa 1992

⁵ reyta nirqani: Reynilláy, allinpaq rikchakapusuptikiqa chaynataq kuyapayakuynikita haypaykuptiyqa, Judá nacionman kutinaypaqyá kachaykuway, chaynapi taytaykunapa pampakusqan llaqtata musoqmanta hatarichimunaypaq, nispay.

Nehemías 2:5 Iomraidhean Croise

2~Samuel 14:22

Hinaptinmi Joabqa pampakama kumuykuspan Davidta bendeciykuspan nirqa: Reynilláy, kunanmi kay serviqnikipa mañakusqanta ruwaykusqaykiwan kay serviqniki kuyapayasqaykita qawaykachikunki, nispa.

Esdras 5:17

Chaynaqa, reynillayku, allinpaq rikchakapusuptikiqa, reykunamanta willakuq librokunapiyá maskachiy, chay librokunaqa Babilonia llaqtapim kachkan, cheqapchus icha manachus rey Ciro kamachikusqa kay Jerusalén llaqtapi Diospa templon musoqmanta hatarichisqa kananpaq. Chaynaqa, reynillayku, cheqap kasqanta yachaykuspaykiyá imam tanteasqaykita willaykachimuwayku, nispanku.

Nehemías 2:4

Reyñataqmi niwarqa: ¿Imatataq munanki qampaq ruwanayta? nispa Chaymi hanaq pachapi munaychakuq Diosta mañakuspay,

Nehemías 2:6

Hinaptinmi reyqa, reinapas waqtanpi tiyachkaptin, kaynata niwarqa: ¿Hayka unaytaq illanki hinaspa haykapitaq kutimunki? nispa. Haykapim kutimunayta niykuptillaymi riruyá niwarqa.

Ester 1:19

Reynilláy, allinpaq rikchakapusuptikiqa musoq kamachikuyta decretay, Persia nacionpa Media nacionpa leyninkunaman yapasqa kaspa mana haykapipas yanqachasqa kananpaq. Chayman hina reina Vasti amaña haykapipas qayllaykiman hamuchunchu, aswanqa paypa rantinpi huk warmiña reina kananpaq akllasqa kachun.

Ester 5:8

Reynilláy, kuyapayawaspaykiqa hinas-pa kay mañakusqayta allinpaq hapispaykiqa, paqarinyá Amanwan kuska huktawan convido ruwachisqayman hamuychik, ima mañakuyniytapas paqarinñam nisqayki, nispa.

Ester 7:3

Chaymi reina Ester nirqa: Reynilláy, kuyapayariwaspaykiqa chaynataq allinpaq rikchakapusuptikiqa kay mañakuyniyta uyariykullaway: Vidaytawan llaqtaypa vidanta salvaykuy.

Ester 8:5

kaynata nirqa: Sichum allinpaq rikchakapusunki, sichum kuyapayariwaspa mañakuyniyta allinpaq qawanki chaynataq kuyakuynikipas ñoqapaq kaptinqa, mañakuykim huk kamachikuyta qellqaspa munaychakusqayki provinciakunaman apachinaykipaq, chaynapi Agag castamanta kaq Hamedatapa churin Amanpa decretasqankuna yanqachasqa kananpaq. Paymi llapallan provinciakunapi judiokuna puchukachisqa kanankupaq cartakunata apachirqa.

Proverbios 3:4

hinaspaqa Diospa chaynataq runakunapa kuyakuynintam tarinki.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Mateo 23:27

¡Iskay uya fariseokuna hinaspa Diospa leynin yachachiqkuna, imaynaraq kankichik! Hawaykichikqa yuraq-yuraq sepultura hina suma-sumaq allichasqam kachkan, ukuykichikmi ichaqa wañusqakunapa tullunwan hinaspa millakuypaq kaqkunawan huntasqa asnarichkan.

Rutwan Sutichasqa Libro 2:13

Rutñataqmi Boozta nirqa: Taytalláy, llakipayaykuwaspam con-suelaykuwanki; mana serviqniki kachkaptiypas sonqollayta rimapayaykuwaspaykim kallpanchaykuwanki, nispa.