Nehemías 2:17 - CHUYA QELLQA La Biblia en Quechua de Ayacucho 2012

¹⁷ Chaymi paykunata nirqani: Qamkunaqa qawachkankichikmi sasachakuypi kasqanchikta. Jerusalén llaqtapa perqankunapas tuñichisqam kachkan, punkunkunapas kañasqam kachkan. Chaynaqa, hatarispayá Jerusalenpa perqanta kaqllamanta hatarichisun, amaña penqaypi kananchikpaq, nispa.

Quechua Ayacucho Bible 1987

¹⁷ Chaymantañam paykunata nirqani: —Qamkunaqa qawachkankichikmi sasachakuypi kasqanchikta. Jerusalen llaqtapa murallanpas tuñichisqam kachkan chaynataqmi zaguan punkunkunapas kañasqataq kachkan. Hatarispayá Jerusalen llaqtapa murallanta hatarichisunchik, amañayá mastaqa penqaypi kasunchikchu —nispa.

Chuya Qellqa 1992

¹⁷ Chaymi paykunata nirqani: Qamkunaqa qawachkankichikmi sasachakuypi kasqanchikta. Jerusalén llaqtapa perqankunapas tuñichisqam kachkan, punkunkunapas kañasqam kachkan. Chaynaqa, hatarispayá Jerusalenpa perqanta kaqllamanta hatarichisun, amaña penqaypi kananchikpaq, nispa.

Nehemías 2:17 Iomraidhean Croise

Esdras 9:9

Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Nehemías 1:3

Chaymi niwarqaku: Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.

Nehemías 2:13

Chay tutam, qechwaman riq punkunta lloqsispay Dragonwan sutichasqa pukyu lawninta Muladarwan sutichasqa punkukama rirqani, hinaspaymi Jerusalenpa tuñisqa murallankunatawan kañasqa punkunkunata qawamurqani.

Nehemías 2:16

Llapa kamachikuqkunam ichaqa mana yacharqakuchu maytam risqaytapas nitaq imam ruwamusqaytapas. Chaykamaqa manataqmi imam ruwanaytapas willarqanichu judiokunamanpas, sacerdotekunamanpas, gobernadorkunamanpas nitaq llamkaqkunamanpas.

Nehemías 3:15

Pukyuwan sutichasqa punkutam allicharqa Colhozepa churin Salum, payqa karqa Mizpa llaqtapa gobernadorninmi. Paymi musoqmanta perqaspan qatarqa, hinaspanmi punkunkunatawan cerrojonkunantapas churarqa. Allicharqataqmi reypa huertanman riq Siloé estanquepa perqantapas “Davidpa Llaqtanmanta” uraykamuq gradaskama.

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Lamentaciones 2:2

Señorqa mana llakipayarispam Jacobpa wasinkunata tuñirachin, piñakuywanmi Judá nacionpa sumaq perqankunata tuñirachin, kamachikuqkunapa munaychakuynintam penqayman churarun.

Lamentaciones 3:51

Llaqtaypi warmikuna ñakarisqankuta qawaspaymi ñawiykunapas nanay-nanay kanankama waqachkani.

Ezequiel 5:14

Jerusalén llaqta, pasaypaqtam purmachisqayki, muyuriqniki nacionkunapa chawpinpim penqayman churasqayki, chaynapi chayninta puriqkunapas qawanankupaq.

Miqueas 7:11

Jerusalén llaqta, hamuchkanmi punchaw harkasuqniki perqaykikuna hatarichisqa kananpaq, chay punchawmi linderoykikunapas mirachisqa kanqa.

1~Samuel 11:2

Hinaptinmi Amón casta runakunapa reynin Nahasñataq nirqa: Sapakamapa alleq ñawikichikta hurqonay kaptinmi qamkunawanqa contratota ruwasaq. Chayta ruwaspaymi lliw Israel runakunata penqayman churasaq, nispa.