Nehemías 2:14 - CHUYA QELLQA La Biblia en Quechua de Ayacucho 2012

¹⁴ Chaymantam pukyuman riq punkuman hinaspa reypa ruwachisqan qochaman rirqani, ichaqa sillakusqay animalmi chayninta mana pasayta atirqachu.

Quechua Ayacucho Bible 1987

¹⁴ Chaymantam pasarqani Pukyuman Riq Zaguanman chaynataq reypa rurasqan qochaman, aswanqa manam karqachu campo sillakusqay uywa pasananpaq.

Chuya Qellqa 1992

¹⁴ Chaymantam pukyuman riq punkuman hinaspa reypa ruwachisqan qochaman rirqani, ichaqa sillakusqay animalmi chayninta mana pasayta atirqachu.

Nehemías 2:14 Iomraidhean Croise

2~Reyes 18:17

Chaymantam Asiria nacionpa reyninqa Laquis llaqtamanta Jerusalén llaqtaman kacharqa tropankunapa kamachiqninta, huk confianzan kamachikuqta chaynataq tropakunapa capitannintapas achkallaña tropayuqta, rey Ezequiaswan tupanankupaq. Jerusalén llaqtaman chayaruspankum hanay law estanqueman hamuq yarqapa hichpanpi sayarurqaku. Chay estanqueqa kachkan “Taqsaq runapa chakranman” riq ñanpim.

2~Reyes 20:20

Rey Ezequiaspa imaynam kawsasqanwan imakunam ruwasqanpas, atiyniyuqllaña kayninpas, estanqueta ruwasqanpas chaynataq yarqata ruwachispan llaqtaman yaku pusaykusqanpas Judá nacionpi reykunapa ruwasqanmanta willakuq libropim qellqasqa kachkan.

2~Crónicas 32:30

Tapachirqataqmi Gihón pukyupa punkuntapas hinaspam chay yakuta “Davidpa Llaqtanwan” sutichasqa llaq-takama pusachirqa. Chaynapim rey Ezequiasqa tukuy ima ruwasqanpipas bendecisqa karqa.

Nehemías 12:37

Pukyuwan sutichasqa punkuman chayaruspankum, “Davidpa Llaqtanwan” sutichasqanku llaqtapa gradasninta muralla hawantakama wichayman seqarqaku, hinaspam Davidpa palacionpa hichpanta rispa Yakuwan sutichasqa punkuman chayarqaku. Chay punkuqa kachkan llaqtapa intipa qespimunan lawninpim.

Nehemías 3:15

Pukyuwan sutichasqa punkutam allicharqa Colhozepa churin Salum, payqa karqa Mizpa llaqtapa gobernadorninmi. Paymi musoqmanta perqaspan qatarqa, hinaspanmi punkunkunatawan cerrojonkunantapas churarqa. Allicharqataqmi reypa huertanman riq Siloé estanquepa perqantapas “Davidpa Llaqtanmanta” uraykamuq gradaskama.

Nehemías 3:16

Qatiqnintam allicharqa Azbucpa churin Nehemías, payqa karqa Bet-sur parten llaqtapa gobernadorninmi, paymi allicharqa Davidpa sepulturankunapa chimpankama, estanquekama hinaspa soldadokunapa cuartelninkama.

Eclesiastés 2:6

Plantasqay sachakunata parqonaypaqmi pozokunata yakupaq ruwakurqani.