Nehemías 2:13 - CHUYA QELLQA La Biblia en Quechua de Ayacucho 2012

¹³ Chay tutam, qechwaman riq punkunta lloqsispay Dragonwan sutichasqa pukyu lawninta Muladarwan sutichasqa punkukama rirqani, hinaspaymi Jerusalenpa tuñisqa murallankunatawan kañasqa punkunkunata qawamurqani.

Quechua Ayacucho Bible 1987

¹³ Tuta lloqsispaymi Qechwaman Riq Zaguanninta pasaspay rirqani Dragonwan sutichasqa pukyu lawmanwan Qopapataman Riq Zaguanman. Jerusalen llaqtapa lliw murallankunatam tuñichisqata qawarqani, qawarqanitaqmi llaqtapa zaguan punkukuna kañasqa kasqantapas.

Chuya Qellqa 1992

¹³ Chay tutam, qechwaman riq punkunta lloqsispay Dragonwan sutichasqa pukyu lawninta Muladarwan sutichasqa punkukama rirqani, hinaspaymi Jerusalenpa tuñisqa murallankunatawan kañasqa punkunkunata qawamurqani.

Nehemías 2:13 Iomraidhean Croise

2~Crónicas 26:9

Rey Uziasqa Jerusalén llaqtapipas torrekunatam ruwachirqa, chaykunatam ruwachirqa “Esquina punku” sutiyuq punkupa altonpi, “Qechwaman qawaq” sutiyuq punkupa altonpi hinaspa esquinapa altonpipas, chaykunatam sumaqta takyachirqa.

Nehemías 1:3

Chaymi niwarqaku: Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.

Nehemías 12:31

Chaymi Judá nacionpi kamachikuqkunata murallapa hawanman seqanankupaq kamachirqani, takiqkunatapas iskaymanmi rakirurqani. Hukninmi alleq lawman muralla hawanta Muladarwan sutichasqa Punku lawman rirqaku.

Nehemías 2:12

tuta hatarispay wakin qarikunapiwan pasarqaniku, ichaqa manam pimanpas willarqanichu Jerusalenpi imam ruwanaypaq Diospa sonqoyman churasqantaqa. Ñoqapa sillakusqay animalmanta huk animalqa manam rirqachu.

Nehemías 2:15

Hina chay tutallam wayqonta wichayman rirqani, hinaspaymi perqata qawaramuspay qechwaman riq punkunta kutimurqani.

Nehemías 2:17

Chaymi paykunata nirqani: Qamkunaqa qawachkankichikmi sasachakuypi kasqanchikta. Jerusalén llaqtapa perqankunapas tuñichisqam kachkan, punkunkunapas kañasqam kachkan. Chaynaqa, hatarispayá Jerusalenpa perqanta kaqllamanta hatarichisun, amaña penqaypi kananchikpaq, nispa.

Nehemías 2:3

reyta nirqani: Reynilláy, ¡wiñaypaqyá kawsakuy! ¿Imaynataq manaqa llakikuymanchu taytaykunapa pampakusqan llaqta hinalla purmasqa chaynataq punkunkunapas hina kañasqalla kachkaptinqa? nispay.

Jeremías 5:10

Enemigonkuna yaykuspa uvas chakrakunata purmachichunku, ichaqa amayá pasaypaqtachu; llullu kallmankunata perqankunamanta rachupachunku, paykunaqa manañam uvas chakrayñachu.