Nehemías 2:10 - CHUYA QELLQA La Biblia en Quechua de Ayacucho 2012

¹⁰ Ichaqa Horón llaq-tayuq Sanbalatwan Amón llaqtapi kamachikuq Tobiasmi yacharuspanku, Israelpa mirayninkunapa allinninpaq risqaymanta sinchita piñakururqaku.

Quechua Ayacucho Bible 1987

¹⁰ Aswanqa Horon llaqtayoq Sambalat hinaspa Amon castamanta kamachikuq Tobias yacharuspam sinchillataña piñakururqaku, piñakururqakuqa Israelpa mirayninkunata yanapananpaq hukkaqnin hamusqanraykum.

Chuya Qellqa 1992

¹⁰ Ichaqa Horón llaqtayuq Sanbalatwan Amón llaqtapi kamachikuq Tobiasmi yacharuspanku, Israelpa mirayninkunapa allinninpaq risqaymanta sinchita piñakururqaku.

Nehemías 2:10 Iomraidhean Croise

Nehemías 13:1

Chay tiempopim Moisespa qellqasqan librota llapa runakunapaq leerqaku, chaypim tarirurqaku Amón castakunawan Moab castakunaqa Diospa llaqtanwan wiñaypaq mana haykapipas hukllawakunankupaq.

Nehemías 13:28

Sacerdote Eliasibpa churin Joiadapa huknin churintam, Horón llaqtayuq Sanbalatpa masan kasqanrayku ladoymanta qarqorurqani.

Nehemías 13:4

Ñawpaqtam, Diospa templonpi almacén cuartokunata nanachikuq sacerdote Eliasib aylluchakururqa Tobiaswan,

Nehemías 2:19

Ichaqa Horón llaqtayuq Sanbalatwan Arabia lawmanta kaq Gesem hinaspa Amón llaqtapi kamachikuq Tobiasmi chayta yacharuspanku, kaynata nispa asipayawarqaku: ¿Imatataq kayta ruwachkankichik? ¿Reypa contranpichu hoqarikuchkankichik? nispanku.

Nehemías 4:7

Ichaqa Sanbalat, Tobías, Arabia lawmanta kaqkuna, Amón lawmanta kaqkuna hinaspa Asdod lawmanta kaqkunam, Jerusalén llaqtapa murallankuna allichasqaykuta chaynataq raqrankunatapas wichqasqaykuta uyariruspanku sinchillataña piñakururqaku.

Nehemías 6:1

Sanbalatwan, Tobías, Arabia lawmanta kaq Gesem hinaspa wakin enemigoykum, Jerusalén llaqtapa murallankuna hatarichiy tukusqaykutawan chaynataq uchkunkunapas wichqasqaña kasqanta yacharurqaku. Punkunkunatam ichaqa manaraq churarqanikuchu.

Nehemías 6:16

Llapa enemigoykuwan muyuriqniykupi kaq nacionkunapas, chay ruwasqaykuta yacharuspankum llumpayta mancharikurqaku, penqakuymantam uchuychakuspanku Diosniykupa yanapakuyninwan qespichisqa kasqanta chayraq yuyayta hapirqaku.

Ester 10:3

Judío Mardoqueoqa llaqtamasinkunapa reqsisqan hinaspa ancha kuyasqanmi karqa; payqa llaqtanpa chaynataq castankunapa allinnintam maskarqa. Atiyniyuq kayninpipas rey Asueropa qatiqllanmi karqa.

Proverbios 27:4

Piñakuyqa manchakuypaqmi, rabiakuyqa tuñichikunmi, ichaqa ¿pitaq envidiakuypa qayllanpi takyanman?

Proverbios 30:22

Rey kayman huk esclavo chayaruptin, mana yachayniyuq runa saksaruptin,

Eclesiastés 10:7

Rikurqanim esclavokunata caballopi puriqta, rikurqanitaqmi reypa churinkunatapas criado hina chakiwan puriqta.

Isaías 15:5

Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Jeremías 41:10

Chaymantam Mizpa llaqtapi puchuq runakunatawan reypa warmi churinkunata hinaspa reyta waqaychaq soldadokunapa capitannin Nabuzaradanpa saqesqankunatapas presocharurqa, paykunatam Ahicampa churin Gedalías nanachikurqa. Chay runakunata pusarikuspanmi Netaniaspa churin Ismaelqa Amonpa mirayninkunapa allpanman pasakurqa.

Jeremías 48:34

Hesbón llaqtapi yachaqkunam nanaywan qaparichkanku, qapariyninkum Eleale llaqtamanta Jahaza llaqtakama uyarikuchkan, Zoar llaqtamanta Horonaim llaqtakamam uyarikuchkan, Eglat-selisiyá lawkamam uyarikuchkan. Nimrim wayqopi pukyukunapas lliwmi chakirun.

Jeremías 48:5

Luhit qatata qespiqkunam waqastin richkanku; Horonaim llaqtamanta uraykuq ñanpim nanaywan qaparichkanku, llapa enemigokuna llaqtata purmarachisqanmanta.

Hechos 4:2

Paykunam llumpay piñasqallaña kachkarqaku Pedropawan Juanpa yachachisqankuwan. Paykunam yachachichkarqaku: Jesucristom kawsarimurqa, chaynam lliw wañuqkunapas kawsarimunqa, nispanku.

Hechos 5:24

Templopi nanachikuq guardiakunapa kamachiqninwan, sacerdotekunapa kamachiqninkunam chayta uyariruspanku tapunakurqaku: ¿Imaraqchá pasakunqapas? nispanku.