Nehemías 13:10 - CHUYA QELLQA La Biblia en Quechua de Ayacucho 2012

¹⁰ Yacharurqanitaqmi llapa levitakunaman tupaqninta mana qosqankutapas, chayraykum Tayta Diospa templonpi servikuq levitakunawan takiqkunaqa allpankuman sapakama ripukusqaku.

Quechua Ayacucho Bible 1987

¹⁰ Yacharurqanitaqmi Leviy casta runakunaman tupaqninta manaña qosqankutapas, Leviy casta runakunawan Diospa templonpi servicio ruraq takiqkunaqa ripukusqaku maymi chakrankumanñam.

Chuya Qellqa 1992

¹⁰ Yacharurqanitaqmi llapa levitakunaman tupaqninta mana qosqankutapas, chayraykum Tayta Diospa templonpi servikuq levitakunawan takiqkunaqa allpankuman sapakama ripukusqaku.

Nehemías 13:10 Iomraidhean Croise

2~Crónicas 31:4

Jerusalén llaqtapi yachaqkunatapas kamachirqam sacerdotekunaman hinaspa levitakunaman tupaqninta qonankupaq, chaynapi paykuna Tayta Diospa kamachikuyninman hina imam ruwanankuta ruwanankupaq.

Nehemías 10:37

Chaynallataq Diosniykupa templonpi almacenkunaman harinaykumanta primiciata, ofrendaykumanta, sachaykupa rurunmanta, vinomanta, aceitemanta primiciaykuta Tayta Diospa templonpi servikuq sacerdotekunaman apamunaykupaqpas hinaspa cosechasqaykupa diezmonkunata llapa levitakunaman qonaykupaqpas. Paykunam chaykunata llaqtan-llaqtan maymi llamkasqaykumanta huñumuqku.

Nehemías 10:39

Israelpa mirayninkunawan llapa levitakunapas, trigomanta, vinomanta hinaspa aceitemanta ofrendakunatam Diosniykupa templonpi almacenkunaman chaypi waqaychanankupaq apanqaku. Chay almacenkunapim Diospaq sapaqchasqa serviciokuna kachkan, chaypitaqmi sacerdotekunawan punku nanachikuqkuna hinaspa takiqkunapas kachkanku. Chaynatam Diosniykupa templonta mana saqenaykupaq prometekurqaniku.

Nehemías 12:47

Zorobabelpa chaynataq Nehemiaspa tiemponpim, lliw Israel runakuna, sapa punchaw, takiqkunamanwan punku waqaychaqkunaman mikunankuta qorqaku; levitakunamanpas tupaqnintam qorqaku, paykunañataqmi Aaronpa mirayninmanta kaq sacerdotekunaman tupaqninkuta qorqaku.

Isaías 43:23

Lliw kañanapaq ovejakunataqa manam apamuwarqankichu, animalkunatapas yupaychawanaykipaqqa manam sacrificarqankichu, kawsaykunamanta ofrendatapas aminaykikamaqa manam mañapayarqaykichu, inciensotapas pisipanaykikamaqa manam mañakurqaykichu.

Malaquías 3:8

Niwaychik: ¿Yaqachu Diosmanta runa suwakunman? Arí, qamkunaqa ñoqamantam suwakuwachkankichik. Hinaspam kaynataraq ninkichik: “¿Imaykitataq ñoqaykuqa suwakuruykiku?” nisparaq. Qamku-naqa diezmoykunatawan ofrendayku-natam suwakuchkankichik.

Números 35:2

Israelpa mirayninkunata kamachiy, tupaqninku allpa chaskisqankupi Leví aylluman llaqtakunata chaynataq echaderonkunatapas qonankupaq, chay llaqtakunapim paykuna yachanqaku.

Deuteronomio 12:19

Chay allpapi yachaspaykichikqa amam levitakunataqa qonqarunkichikchu.