Nehemías 10:34 - CHUYA QELLQA La Biblia en Quechua de Ayacucho 2012

³⁴ Llapa sacerdotekunawan levitakuna hinaspa llapallan runakunam sortearqaniku, taytaykupa mirayninman hina, citasqa punchawpi watan-watan, Dios-niykupa templonman yantata apamunaykupaq, chaynapi kamachikuy libropi qellqasqaman hina, yupaychasqayku Tayta Diospa altarninpi kañanaykupaq.

Quechua Ayacucho Bible 1987

³⁴ Sacerdotekunam Leviy casta runakunapiwan hinaspa llapallan runakunapiwan suertearqaniku abueloykupa ayllunman hina watan-watan Diosniykupa templonman sapa kuti qonayku yanta apanaykupaq chaynapi chay yantawan yupaychasqayku Tayta Diospa altarninpi kañanapaq, chaynam yachachikuyninkunapi qellqasqa kachkan.

Chuya Qellqa 1992

³⁴ Llapa sacerdotekunawan levitakuna hinaspa llapallan runakunam sortearqaniku, taytaykupa mirayninman hina, citasqa punchawpi watan-watan, Diosniykupa templonman yantata apamunaykupaq, chaynapi kamachikuy libropi qellqasqaman hina, yupaychasqayku Tayta Diospa altarninpi kañanaykupaq.

Nehemías 10:34 Iomraidhean Croise

1~Crónicas 24:5

Paykunamantam sorteaspa tupasqanman hina rakinarqaku, chaytaqa ruwarqaku Eleazarpa mirayninmanta chaynataq Itamarpa mirayninmanta kaqkuna santuariopi kamachikuqkuna hinaspa Diospa wasinpi servikuqkuna kasqanraykum.

1~Crónicas 24:7

Sorteaptinkum kayna qatinasninpi turno tuparurqa: Puntatam tuparurqa Joiaribman, qepantañataqmi Jedaiasman, Harimman, Seorimman, Malquiasman, Mijaminman, Cosman, Abiasman, Jesuaman, Secaniasman, Eliasibman, Jaquimman, Hupaman, Jesebeabman, Bilgaman, Imerman, Hezirman, Afsesman, Petaiasman, Hezequielman, Jaquinman, Gamulman, Delaiaman hinaspa Maa-ziasman.

2~Crónicas 2:3

Chaymantam Tiro llaqtapa reynin Hiramta Salomón kaynata nichimurqa: Imaynam taytay Davidman wasinta ruwachinanpaq cedro qerukunata apachimurqanki, chaynayá ñoqamanpas palacioyta ruwanaypaq apachimuway.

Esdras 3:5

Ofrecerqakutaqmi sapa punchaw ofrecenanku lliw kañana sacrificiotapas, llullu killapi chaynataq tayta Diospa fiestankunapi ofrecenankutapas hinaspa kikinkumanta Tayta Diosman ofrecey munasqankutapas.

Nehemías 11:1

Llapa runakunapa kamachiqninkunam Jerusalén llaqtapiña yacharqaku, wakin runakunañataqmi sortearqaku sapa chunka ayllumanta hukta akllanankupaq, chay akllasqa aylluñataq Jerusalén chuya llaqtapi yachananpaq, wakin puchuq isqon ayllukunañataqmi qeparqaku huklaw llaqtakunapi yachanankupaq.

Nehemías 13:31

Kamachirqanitaqmi tiempollanpi yantatawan chaynataq punta kaq rurukunata apamunankupaqpas. ¡Dios Taytalláy, amamá qonqarullawankichu, yanapaykuwanaykipaqmi yuyarillawanki!

Proverbios 18:18

Piñanakuytaqa Diosllam tanichin, piñanakuqkunatapas payllam rakinan.

Isaías 40:16

Líbano montekunapi animalkunapas manam kamanmanchu payman ofrecenapaqqa, Líbano montekunapi sachakunapas manam kamanmanchu ofrenda kañapunapaqqa.

Levítico 24:5

Allinnin harinamantam chunka iskayniyuq tantakunata ruwankichik. Sapa tantam tawa kilo parten harinamanta kanqa.

Levítico 24:6

Hinaptinmi iskay montonta soqtatakama patanasqata churanki, chaynataqa churanki ñoqa Tayta Diospa qayllaypim qorimanta mesapa hawanpi.

Hechos 1:26

Hinaptinmi sorteaptinku Matiasman suerte tuparurqa, chaymi chunka hukniyuq apostolkunaman yapasqa karqa.

Josué 9:27

Chay punchawmantapunim paykunata Josué churarurqa Israelpa mirayninkunapaqwan Tayta Diospa altarninpaq, maymi akllasqan sitiopi altarninpaq yantatawan yakuta astamunankupaq. Gabaón castakunapaqqa hina chaymi ruwayninku kunankamapas.