Nehemías 1:6 - CHUYA QELLQA La Biblia en Quechua de Ayacucho 2012

⁶ Israel llaqtaykipaq kay serviqnikipa tuta punchaw qayakamusqantayá uyariykamullaway, qampa contraykipi Israel runaykikuna huchallikusqaykutam kunan willakamullayki, ñoqapas aylluykunawan kuskam huchallikuruniku.

Quechua Ayacucho Bible 1987

⁶ Tuta punchaw qampa qayllaykipi kay sirvientekipa mañakusqaytayá qawarimuspa uyariykullaway. Israelpa miraynin sirvientekikunaraykum mañakamuyki, reqsikunitaqmi Israel casta runakunaqa qampa contraykipi huchallikurusqaykuta. Arí, ñoqapas abueloypa castanpiwanmi huchallikuruni.

Chuya Qellqa 1992

⁶ Israel llaqtaykipaq kay serviqnikipa tuta punchaw qayakamusqantayá uyariykamullaway, qampa contraykipi Israel runaykikuna huchallikusqaykutam kunan willakamullayki, ñoqapas aylluykunawan kuskam huchallikuruniku.

Nehemías 1:6 Iomraidhean Croise

1~Reyes 8:30

Kay serviqnikipa chaynataq Israelpa mirayninkunapa mañakusqaykutayá uyariykullawayku. Kay wasikimanta mañakamuptiykumá hanaq pacha wasikimanta uyariykamullawankiku hinaspa pampachaykullawankiku.

1~Reyes 8:47

chay preso kasqanku allpapi qanman kutirikamuspa qayakamusunkiman kaynata: “Mana allinkunata ruwaspam qampa contraykipi huchallikuruniku”, nispanku.

2~Crónicas 28:10

Kunanmi Judá runakunapas chaynataq Jerusalén llaqtapi yachaqkunapas esclavoykichik kanankupaq tanteanakurunkichik, ichaqa ¿manachum chaykunata ruwaspa qam-kunapas Tayta Diospa contranpi hucha-llikuchkanchik?

2~Crónicas 29:6

Taytanchikkunam yupaychasqanchik Tayta Diosta qepanchaspanku, paypa qayllanpi millakuypaq kaqkunata ruwarqaku; Tayta Diosta mana kasukuspankum santuariontapas mana qawayta munaspanku qepancharurqaku.

2~Crónicas 6:40

Chaynaqa, Dios Taytalláy, kaymanta mañakamusqaykutamá uyariykamullawankiku.

Esdras 10:1

Esdrasmi qonqorakuykuspan waqakuywan huchankuta willakuchkarqa Diospa templonpa ñawpaqninpi, hinachkaptinmi Israelpa mirayninkunamanta kaqkuna, qarikunapas, warmikunapas chaynataq warmakunapas paypa kasqanman huñunakaramurqaku, hinaspam sinchillataña waqakurqaku.

Esdras 10:11

Chaynaqa, kunanyá huchaykichikkunata ñawpaq taytaykichikkunapa yupaychasqan Tayta Diosman willakuychik, hinaspayá paypa munasqanta ruwaspa Diosta mana reqsiq runakunamantawan huklaw llaqtayuq warmikunamanta rakikuychik, nispa.

Nehemías 1:11

Dios Taytalláy ruegakuykim, kay serviqnikipa mañakuynintayá uyariykamullaway, sutikita hatunchay munaq serviqnikikunapa mañakuynintapas uyariykuyá. Kunanmi mañakamullayki ima ruwasqaypipas yanapaykuwanaykipaq, chaynataq reywanpas kuyapayaykachiwanaykipaq, nispa. Chay tiempopiqa reypa coperonmi karqani.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Lamentaciones 5:7

Tayta-mamaykum huchallikuruspa wañurunku, paykunapa huchanmantam ñoqayku ñakarichkaniku.

Daniel 9:15

Señor Diosnillayku, hatun atiynikiwanmi Egipto nacionmanta llaqtaykita hurqomurqanki, chay ruwasqaykikunawanmi qamqa anchallataña reqsichikunki. Chaywanpas ñoqaykuqa huchallikuruspam mana allinta ruwarqaniku.

Daniel 9:20

Tayta Diosta mañakuspay huchay-kunatapas hinaspa llaqtamasiyku-napa huchantapas hinallaraq willa-kuchkaptiymi, sapaqchakusqan moqorayku mañakuchkaptiymi,

Daniel 9:4

Tayta Diosta mañakuspaymi huchaykumanta kaynata willakurqani: Hatu-hatun manchakuypaq Señor Diosnilláy, kasuqnikikunawan pacto ruwasqaykita cumpliqmi kanki, kamachikuynikikuna kasukuqta kuyapayaykuqmi kanki.

Daniel 9:5

Ñoqaykuqa qampa contraykipi huchallikuruspam llumpa-llumpayta mana allinkunata ruwaruniku, kamachikuynikikunatawan yachachikuynikikunatapas mana kasukuspam qepanchakuruniku.

Daniel 9:8

Dios Taytallayku, ñoqaykuqa penqakuypaqmi kachkaniku; reyniykupas, kamachiqniykupas, ñawpaq taytaykupas, contraykipim huchallikuruniku.

Lucas 18:7

Chaynaqa, ¿manachum Tayta Diospas tuta punchaw qayakuqnin churinkunata nanachikunman? ¿Yaqachu suyachikunman?

Lucas 2:37

Viudayaruspam pusaq chunka tawayuq watanpiña karqa. Payqa manam templomanta lloqsiqchu, aswanqa tuta punchawmi ayunowan hinaspa oracionwan Señorta servirqa.

Efesios 2:3

Ñawpaqtaqa lliwmi ñoqanchikpas kawsarqanchik mana allin piensasqanchikkunaman hina munasqallanchikpi purikuspa hinaspa aychapa munasqallanta ruwaspa, chayraykum llapa runakunawan kuska castigopaqña karqanchik.

1~Timoteo 5:5

Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

2~Timoteo 1:3

Tuta punchawmi qanmanta yuyarispay mañakuyniypi Diosman graciasta qoni, paytam chuya sonqolla servichkani ñawpaq taytaykuna hina.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.