Nehemías 1:3 - CHUYA QELLQA La Biblia en Quechua de Ayacucho 2012

³ Chaymi niwarqaku: Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.

Quechua Ayacucho Bible 1987

³ Hinaptinmi niwarqaku: —Chay lawpi *f**yachaq presochasqakunamanta puchuqkunam ñakarispanku penqaypi kallachkanku. Jerusalen llaqtapa murallanpas tuñichisqam kachkan, zaguan punkunkunapas kañasqataqmi kachkan —nispa.

Chuya Qellqa 1992

³ Chaymi niwarqaku: Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.

Nehemías 1:3 Iomraidhean Croise

1~Reyes 9:7

ñoqam Israel nacionta maymi qosqay allpamanta qarqorusaq. Kay ñoqapaq sapaqchasqay templotapas chinkarachisaqmi, hinaptinmi Israelpa mirayninkunamanta wakin runakunapas penqaspa burlakunqaku.

2~Reyes 25:10

Chaymantam reyta waqaychaq soldadokunapa capitanninwan kaq Babilonia soldadokuna, Jerusalén llaqtapa muyuriqninpi murallata taqmarurqaku.

2~Crónicas 36:19

Tayta Diospa templontapas kañaykuspankum Jerusalén llaqtapa murallantapas taqmarurqaku. Llaqtapa palacionkunatapas kañaykuspankum llapa valorniyuq kaqkunatapas ñutuparurqaku.

Esdras 2:1

Rey Nabucodonosorpa Babilo-niaman preso apasqankunamanta Jerusalenman, Judá nacionman, sapakama llaqtankuman kutimuqkunam kaykuna.

Esdras 5:8

Kunanmi reynilláy willamuykiku, ñoqaykum Judá lawman rispayku Atiyniyuq Diospa templon ruwasqankuta rikuramuniku, perqankunatapas labrasqa hatun rumikunawanmi hatarichichkanku, vigankunapas churasqañam kachkan, utqayllamanña ruwaspankum qespiykachichkankuña.

Nehemías 11:3

Kaykunam preso apasqa kasqankumanta kutimuqkunapa kamachiqninkuna, paykunam Jerusalenpi yacharqaku. Judá nacionpi kaq wakin llaqtakunapiñataqmi Israel runakunawan, sacerdotekuna, levitakuna, templopi servikuqkuna hinaspa Salomonpa serviqninkunapa mirayninkuna, sapakama llaqtankupi yacharqaku.

Nehemías 2:13

Chay tutam, qechwaman riq punkunta lloqsispay Dragonwan sutichasqa pukyu lawninta Muladarwan sutichasqa punkukama rirqani, hinaspaymi Jerusalenpa tuñisqa murallankunatawan kañasqa punkunkunata qawamurqani.

Nehemías 2:17

Chaymi paykunata nirqani: Qamkunaqa qawachkankichikmi sasachakuypi kasqanchikta. Jerusalén llaqtapa perqankunapas tuñichisqam kachkan, punkunkunapas kañasqam kachkan. Chaynaqa, hatarispayá Jerusalenpa perqanta kaqllamanta hatarichisun, amaña penqaypi kananchikpaq, nispa.

Nehemías 2:3

reyta nirqani: Reynilláy, ¡wiñaypaqyá kawsakuy! ¿Imaynataq manaqa llakikuymanchu taytaykunapa pampakusqan llaqta hinalla purmasqa chaynataq punkunkunapas hina kañasqalla kachkaptinqa? nispay.

Nehemías 7:6

Kaykunam Judá lawpi kaq runakuna, rey Nabucodonosorpa Babiloniaman preso apasqanmanta kutimuqkuna. Paykunam sapakama kutimurqaku Jerusalenman, Judá nacionman hinaspa llaqtankuman.

Ester 1:1

Rey Asuerom India nacionmanta Etiopía nacionkama pachak iskay chunka qanchisniyuq provinciakunapi munaychakurqa.

Proverbios 25:28

Mana cercoyuq tuñisqa llaqta hinam genionta mana sujetay atiq runaqa.

Isaías 43:28

Chayraykum temploypi kamachikuqkunata penqayman churarqani, Jacobpa miraynin Israel llaqtatapas, ñakarichisqa hinaspa usuchisqa kanankupaqmi saqerurqani.

Isaías 5:5

Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Jeremías 29:18

Guerrawan, yarqaywan hinaspa peste onqoywanmi paykunataqa ñakarichisaq. Kay pachapi llapallan nacionkunapapas manchakuspa katkatatanantam paykunataqa ruwarusaq. Cheqechisqay nacionkunapim paykunaqa ñakasqa, burlakusqa, penqayman churasqa hinaspa asipayasqa kanqaku.

Jeremías 39:8

Caldea tropakunaqa reypa palaciontapas hinaspa llapa runakunapa wasinkunatapas kañaykurqakum, Jerusalén llaqtapa muyuriqninpi perqakunatapas taqmarurqakum.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 5:10

Enemigonkuna yaykuspa uvas chakrakunata purmachichunku, ichaqa amayá pasaypaqtachu; llullu kallmankunata perqankunamanta rachupachunku, paykunaqa manañam uvas chakrayñachu.

Jeremías 52:14

Chaymantam reyta waqaychaq soldadokunapa capitanninwan Babilonia nacionniyuq llapa soldadokuna Jerusalén llaqtapa muyuriqninpi murallata taqmarurqaku.

Lamentaciones 1:7

Jerusalenmi humillachisqa kaspa llakipi purisqanta yuyarin, ñawpaq watakunapi kapuqninkunatam yuyarin; enemigonkuna venceruptinmi mana pipas yanapaykuqnin karqachu, ñakariqta rikuspankum enemigonkuna asipayarqaku.

Lamentaciones 2:9

Punkunkunapas lliwmi tuñirun, punku cerrojonkunatapas pasaypaqtam pakiparun. Reyninpas kamachiqninkunapas Diosta mana reqsiq runakunapa chawpinpiñam kachkanku, profetankunapas manañam Diosmanta visionkunata chaskinkuñachu.

Lamentaciones 3:61

Dios Taytalláy, kamiwasqankutam uyarirqanki, contraypi mana allinkuna tanteasqankutam uyarirqanki.

Lamentaciones 5:1

Dios Taytallayku, sasachakuypi kasqaykuta yuyariy, penqakuypaq kasqaykuta qawariy.

Levítico 26:31

Llaqtaykichikkunatam purmachisaq, altarnikichikkunatam tuñichisaq, ofrendaykichikkunapa miski asnaynintapas manañam chaskisqaykichikñachu.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.