Nahúm 3:15 - CHUYA QELLQA La Biblia en Quechua de Ayacucho 2012

¹⁵ Chaypim qamtaqa nina rupasunki, chaypitaqmi espadapas wañuchisunki, aqaruwayta hinam pasaypaqta chinkachisunki. Aqaruway hinayá miray, chilliku hinayá miray.

Quechua Ayacucho Bible 1987

¹⁵ Chaypim qamtaqa nina ruparusunki. Chaypim qamtaqa espada tukurusunki. Manaraq raprayoq aqarway uru hinam tukurusunkichik. Manaraq raprayoq aqarway uru hinayá miraychik. Puyu hinaña aqarway uru hinayá miraychik.

Chuya Qellqa 1992

¹⁵ Chaypim qamtaqa nina rupasunki, chaypitaqmi espadapas wañuchisunki, aqaruwayta hinam pasaypaqta chinkachisunki. Aqaruway hinayá miray, chilliku hinayá miray.

Nahúm 3:15 Iomraidhean Croise

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Isaías 66:16

Tayta Diosqa ninawanmi juzganqa, guerrawanmi llapallan runakunata juzganqa, Tayta Diosqa achka-achkatam wañuchinqa, nispa.

Jeremías 51:14

Tukuy Atiyniyuq Tayta Diosmi kikinrayku juraspan kaynata nin: Enemigoykikunawanmi aqaruway urukunawan hinaraq inturachisqayki, paykunam vencesusqaykita hatunmanta qaparinqaku, nispa.

Joel 1:4

Aqaruwaypa puchusqantam pinki-pinki mikururqa, pinki-pinkipa puchusqantam utuskuru mikururqa, utuskurupa puchuntañataqmi aqaruway tukururqa.

Joel 2:25

Ñoqam aqaruwaypa, pinki-pinkipa, utuskurupa mikusqantapas kutichipusqaykichik, paykunataqa ñoqam tropaykunata hina contraykichikpi kachamurqaykichik.

Amós 7:1

Tukuy Atiyniyuq Tayta Diosmi kayta rikuchiwarqa: Reypaq cosechayta tukuruptinkum michka hinasqanku wiñachkasqa, hinachkaptinmi Diosta rikurqani aqaruway urukunata uywachkaqta.

Nahúm 2:13

Tukuy Atiyniyuq Tayta Diosmi kaynata nin: Nínive llaqta, contraykipim kachkani, guerrapaq carretaykikunatam kañaykuspa qosnita hina chinkarachisaq; uña leonnikikunatam espadawan wañuchisaq, suwakuytapas chawpikimantam chinkachisaq, willasuqnikikunapa rimasqanpas manañam uyarikunqañachu.

Nahúm 3:13

Tropaykikunapas qampaqqa warmikuna hinam. Llaqtaykipa punkunkunapas enemigoykikunapaqmi chaylla kichakuykunqa, punkuykipa candadonkunatapas ninam rupanqa.

Sofonías 2:13

Norte lawman makinta haywarispanmi Asiria nacionta chinkarachinqa, Nínive llaqtatapas pasaypaqta purmarachispam aqopa kanan chaki chunniqmanña tikrarunqa.