Nahúm 3:11 - CHUYA QELLQA La Biblia en Quechua de Ayacucho 2012

¹¹ Nínive llaqta, manchakuymantam sinka hina katkatatanki, pantaypi tarikuspam enemigoykimanta pakakunki.

Quechua Ayacucho Bible 1987

¹¹ Yaw Ninive llaqta, qampas sinka hina castigasqam kanki. Pakakuchkaq hinam pakaypaq-pakakunki. Enemigoykikunaraykum pakakunaykita maskanki.

Chuya Qellqa 1992

¹¹ Nínive llaqta, manchakuymantam sinka hina katkatatanki, pantaypi tarikuspam enemigoykimanta pakakunki.

Nahúm 3:11 Iomraidhean Croise

Isaías 2:10

Llapa runakuna, Tayta Diospa mancharikuypaq qayllanmanta qaqakunapi pakakamuychik, allpamanpas pakakuq ustuychik. Tayta Diospa hatun kanchariyninmanta pakakuychik.

Isaías 2:19

Runakunam Tayta Diospa mancharikuypaq qayllanmanta machaykunapi, allpa uchkukunapi pakakunqaku. Diospa piñakuyninmantam lluptinqaku, Diospa chuyay-chuyay qayllanmantam ayqenqaku.

Isaías 29:9

Qamkunaqa hinallayá sonsorayaychik, mana imapas rikuq ñawsa hinayá kaychik. Vinowan mana sinkachkaspapas, poqosqa aqawan mana machachkaspapas, qamkunaqa sinka hinayá tampikachaychik.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 63:6

Piñakuywanmi llaqtakunatapas saruparqani, rabiakuyniywanmi paykunataqa sinkachirqani, yawarninkutapas pampamanmi chaqchurqani.

Jeremías 4:5

Judá nacionpiwan Jerusalén llaqtapi kaqkunaman willamuychik, trompetata tocaspa lliw nacionpi kallpawan kaynata qaparimuychik: ¡Hamuychik, murallasqa llaqtakunaman huñunakusunchik! nispaykichik.

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

Jeremías 8:14

Hinaptinmi paykuna ninqaku: ¿Imatataq kaypi tiyaspa ruwachkanchik? Hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Amós 9:3

Carmelo orqopa puntanpiña pakakuptinkupas chaypi maskaykuspaymi hapimusaq; qayllaymanta lluptinankupaq lamar qochapa ukunpiña pakakuptinkupas, maqta uruta kamachiptiymi chaypi kachumunqa.

Miqueas 7:17

Maqta uru hinam, qasqonpa puriq animalkuna hinam, paykunaqa allpata llaqwanqaku, pakakusqankumanta mancharisqallaña lloqsispam Tayta Diosman kutirikunqaku, hinaspam payta kasukunqaku.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Nahúm 2:1

Nínive llaqta, chinkachisuqnikim hamuchkan. Harkasuqniki perqakunapiyá vigilaqkunata churay, yaykumunan ñantayá wateqay, espadatayá weqawnikiman watakuy, tropaykikunatayá peleanaykipaq huñuy.

Lucas 23:30

Hinaptinmi llapa runakuna orqokunata ninqaku: “Hawaykuman tuñiykamuy” nispanku; moqokunatañataqmi ninqaku: “Pakaykuwayku” nispanku.

1~Samuel 13:6

Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.

1~Samuel 14:11

Chaymi paykuna Filistea tropakunawan rikurachikurqaku, hinaptinmi chay tropakuna nirqaku: Waqaya hebreo runakunaqa pakakusqanku uchkukunamanta lloqsimuchkanku nispanku.