Nahúm 2:4 - CHUYA QELLQA La Biblia en Quechua de Ayacucho 2012

⁴ Carretakunam plazakunaman kallpanku, qapariywanmi callenta kallpanku, lenwachkaq nina hinaraqmi rikchayninkupas, llipya hinaraqmi kallpachkankupas.

Quechua Ayacucho Bible 1987

⁴ Loco hinañam callenta kallpachkan guerrapaq carretankupas. Kayman-wakmanmi kallpakachachkan plazakunapipas. Rupachkaq yantamanraqmi paykunaqa rikchakuchkanpas. Paykunaqa llipyay hinaraqmi kallpakachachkankupas.

Chuya Qellqa 1992

⁴ Carretakunam plazakunaman kallpanku, qapariywanmi callenta kallpanku, lenwachkaq nina hinaraqmi rikchayninkupas, llipya hinaraqmi kallpachkankupas.

Nahúm 2:4 Iomraidhean Croise

Proverbios 31:21

Ritimuptinpas ayllunmantaqa manam llakikunchu, ayllunkunaqa rakta pachayuq kasqanrayku.

Isaías 37:24

Serviqnikikunawanmi Señorta kamichirqanki, hinaspam nirqankiraq: “Nana-nanaq carroykunawanmi orqokunapa puntanman qespirusaq, Líbano orqo waqtatam qespirusaq, hatun cedro sachakunatam kuchumusaq, sumaq ciprés sachakunatam kuchurusaq, karu-karu orqonkunamanmi chayarusaq, sachankamallaña montenkunamanmi chayarusaq.

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Jeremías 46:9

¡Silladakuna kallpaychik! ¡Carretakuna loco hinaña pawaychik! ¡Allinnin qari-qari runakuna lloqsiychik! Etiopía nacionniyuq, Fut nacionniyuq soldadokuna escudonkuta hapichunku, Lud nacionniyuq soldadokuna flechananku arcota alistachunku.

Ezequiel 23:24

Paykunaqa contraykipim hamun-qaku achkallaña carretayuqkama chaynataq nana-nanaq tropayuqkama. Cascokunawan escudokunawan armasqakamam tukuy hinastinmanta muyurusunki. Paykunamanmi qoykusqayki kamachikuyninkuman hina juzgasunaykipaq.

Ezequiel 26:10

Llaqtaykichikpa punkunta Babilonia nacionpa reynin yaykuptinmi llapa caballokunapa polvo hatarichisqanpas tapaypaq tapaykusunki, llapa caballokunapa hinaspa carretakunapa kallpayninwanmi murallaykikunapas katkatatanqa. Tuñichisqa llaqtapa raqrankunata hina yaykuptinmi chaynaqa kanqa.

Ezequiel 26:7

Ñoqa Tayta Diosmi kaynata nini: Tiro llaqtapa contranpim norte lawmanta Babilonia nacionpa reynin Nabucodonosorta pusamuchkani, payqa llumpay atiyniyuq reymi, paymi carretakunawan, silladakunawan hinaspa nana-nanaq tropakunawan, Tiro llaqtata atacananpaq hamuchkan.

Daniel 11:40

Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.