Nahúm 2:3 - CHUYA QELLQA La Biblia en Quechua de Ayacucho 2012

³ Tropankunapa escudonpas pukam, tropankunapas puka pachawan pachasqam, carretankunapas rawraq nina hinam, guerrapaq allichakuruptinkuqa sachakunapas katkatatanraqmi.

Quechua Ayacucho Bible 1987

³ Tropankunapa harkachikunanpas pukay-pukayraqmi kachkan. Tropankunapa pachanpas pukay-pukayraqmi kachkan. Guerrapa carretankunapas rawraq ninaman rikchakuqraqmi kachkan. Cipres sachamanta lanzankupas kayman-chaymanraqmi qewikachachkan.

Chuya Qellqa 1992

³ Tropankunapa escudonpas pukam, tropankunapas puka pachawan pachasqam, carretankunapas rawraq nina hinam, guerrapaq allichakuruptinkuqa sachakunapas katkatatanraqmi.

Nahúm 2:3 Iomraidhean Croise

Jobwan Sutichasqa Libro 39:23

Flechakuna apananku taqraqyaptinpas manam manchakunchu, hatun lanzapa taksa lanzapa llipityayninwanpas manam manchakunchu.

Isaías 14:8

Ciprés sachakunapas, Líbano orqopi cedro sachakunapas, qampa wichisqaykimantam kusikuspa kaynata ninku: “Qampa wañusqayki punchawmantam manaña pipas hamuspa kuchuwankuñachu”, nispanku.

Ezequiel 23:24

Paykunaqa contraykipim hamun-qaku achkallaña carretayuqkama chaynataq nana-nanaq tropayuqkama. Cascokunawan escudokunawan armasqakamam tukuy hinastinmanta muyurusunki. Paykunamanmi qoykusqayki kamachikuyninkuman hina juzgasunaykipaq.

Ezequiel 26:7

Ñoqa Tayta Diosmi kaynata nini: Tiro llaqtapa contranpim norte lawmanta Babilonia nacionpa reynin Nabucodonosorta pusamuchkani, payqa llumpay atiyniyuq reymi, paymi carretakunawan, silladakunawan hinaspa nana-nanaq tropakunawan, Tiro llaqtata atacananpaq hamuchkan.

Nahúm 3:2

Latigokunapa toqyayninwan, ruedakunapa qapariyllanñam uyarikuchkan; caballokunapa kallpayninwan carretakunapa kallpayllanñam uyarikuchkan.

Zacarías 1:8

Huk tuta visionpi rikusqantam profeta Zacarías willakurqa kaynata: Huk runatam puka caballopi silladata rikurqani. Paymi arrayankunapa kanan qechwapi sayachkasqa. Qepanpiñataqmi sayachkasqaku puka caballokuna, bayo caballokuna hinaspa yuraq caballokuna.

Zacarías 11:2

Yaw, ciprés sacha qaparkachay, cedro sacha wichiykusqanmanta, chay hatu-hatun sachakunam kuchurachikun. Basán lawpi encina sachakuna allwaychik, saqñuy-saqñuy sachakuna wichiykusqanmanta.

Zacarías 6:2

Punta kaq carretatam chutasqa puka caballokuna, iskay kaq carretatam yana caballokuna,

Apocalipsis 12:3

Huktawanmi huk señalta hanaq pachapi rikururqani: Hatun puka animal Dragonta, chay animalmi kasqa qanchis umayuq, chunka waqrayuq, sapa umankunapiñataqmi huk corona kasqa.

Apocalipsis 6:4

Hinaptinmi lloqsiramurqa huknin caballo, chay caballoqa kasqa pukam. Sillakuqninmanmi atiyta qoykurqaku kay pachamanta hawkayayta qechunanpaq, chaynapi llapa runakuna kikinkupura wañuchinakunankupaq. Qorqakutaqmi hatun espadatapas.