Nahúm 2:2 - CHUYA QELLQA La Biblia en Quechua de Ayacucho 2012

² Tayta Diosmi Jacobpa hatun kayninta huktawan hatarichinqa, Israelpa hatun kaynintam Tayta Dios kutichipunqa, suwakuna tukuy imanta suwaruspa mana kallmayuq uvasta hinaña saqeruchkaptinkupas.

Quechua Ayacucho Bible 1987

² Jacob castakunapa allin reqsisqa kaynintaqa Tayta Diosmi kutichipunqa. Israel nacionpa hatun kasqanman hinam Tayta Diosqa kutichipunqa. Paykunaqariki suwakunapa suwananmi karqaku. Uvasllankutapas tukururqam enemigonku.

Chuya Qellqa 1992

² Tayta Diosmi Jacobpa hatun kayninta huktawan hatarichinqa, Israelpa hatun kaynintam Tayta Dios kutichipunqa, suwakuna tukuy imanta suwaruspa mana kallmayuq uvasta hinaña saqeruchkaptinkupas.

Nahúm 2:2 Iomraidhean Croise

Isaías 60:15

Saqesqa, cheqnisqa hinaspa manaña pipapas purinan kanaykimantaqa, wiñaypaq reqsisqatam ruwasqayki, miraykunapa kusikunanpaqmi wiñaypaq churasqayki.

Jeremías 25:29

Sapaqchakusqay llaqtamanmi castigoy kachariyta qallaykusaq, ¿chaychu qamkunañataq mana castigasqa qeparuwaqchik? castigoymantaqa manam lluptinkichikchu. Kay pachapi llapallan nacionkunamanmi guerrata kacharimusaq. Ñoqa Tukuy Atiyniyuq Tayta Diosmi chaynata nini.

Jeremías 48:11

Moab nacionniyuq runakunaqa warma kasqankumantaraqmi hawkalla kawsakurqaku, paykunataqa manam haykapipas presotaqa aparqakuchu. Paykunaqa urpupi mana kuyuchisqa vino hinam kachkanku, chayraykum paykunaqa hina kaqlla hawka kakurqaku.

Jeremías 49:9

Uvasta cosechaspaqa maskapakunankupaqmi puchunku, suwakunapas tuta hamuspankuqa kamallatam apakunku.

Ezequiel 37:21

Hinaspaykim ñoqa Tayta Diospa nisqayta kaynata ninki: Israelpa mirayninkunataqa tukuy hinastinman risqanku nacionkunamanta huñumuspaymi allpankuman kutichimusaq.

Ezequiel 37:23

Manañam millakuypaq idolokunawanqa qachachakunqakuñachu, manañataqmi imawanpas huchallikunqakuñachu. Contraypi hatarispanku huchallikusqankumanta salvaykuspaymi huchankuta mayllaykusaq; paykunam llaqtay kanqaku, ñoqañataqmi Diosninku kasaq.

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Nahúm 2:10

Nínive llaqtaqa purmachisqa chunniq mana imayuqmi qeparun. Sonqonkupas manchakuymantam hukmanyarun, moqonkupas pasaypaqtam katkatatarun, lliwmi mana kallpayuqña qeparunku, uyankupas pasaypaqtam ayayarun.

Nahúm 3:14

Chaynaqa, yakutayá alistakuy enemigoykikuna inturusuptiki tomanaykipaq, harkasuqniki perqakunatayá raktachay, mituta saruspayá ladrillota ruway.

Sofonías 3:11

Kuyasqay llaqtalláy, chay punchawpiqa manañam penqakunkiñachu mana allinkunata ruwaspa contraypi hatarisqaykimantapas, pay tukuqkunatawan hatun tukuqkunata chawpikimanta chinkarachisqayrayku. Chaynapim sapaqchakusqay orqopiqa manaña haykapipas mastaqa contraypi hatarinkiñachu.