Nahúm 2:13 - CHUYA QELLQA La Biblia en Quechua de Ayacucho 2012

¹³ Tukuy Atiyniyuq Tayta Diosmi kaynata nin: Nínive llaqta, contraykipim kachkani, guerrapaq carretaykikunatam kañaykuspa qosnita hina chinkarachisaq; uña leonnikikunatam espadawan wañuchisaq, suwakuytapas chawpikimantam chinkachisaq, willasuqnikikunapa rimasqanpas manañam uyarikunqañachu.

Quechua Ayacucho Bible 1987

¹³ Llapallan kamachiq Tayta Diosmi nin: Ninive llaqta, ñoqaqa kachkani contraykipi sayaqmi. Guerrapaq carretaykikunatapas kañaykusaqmi. Carretaykikunatapas qosnirirachisaqmi. Malta leonnikikunatapas espadawanmi wañurachisaq. Imapas suwakusqaykitaqa kay pachamantam chinkarachisaq. Qamkuna ukupi willakuqkunatapas manaña uyarinaykichikpaqmi chinkarachisaq.

Chuya Qellqa 1992

¹³ Tukuy Atiyniyuq Tayta Diosmi kaynata nin: Nínive llaqta, contraykipim kachkani, guerrapaq carretaykikunatam kañaykuspa qosnita hina chinkarachisaq; uña leonnikikunatam espadawan wañuchisaq, suwakuytapas chawpikimantam chinkachisaq, willasuqnikikunapa rimasqanpas manañam uyarikunqañachu.

Nahúm 2:13 Iomraidhean Croise

2~Reyes 18:17

Chaymantam Asiria nacionpa reyninqa Laquis llaqtamanta Jerusalén llaqtaman kacharqa tropankunapa kamachiqninta, huk confianzan kamachikuqta chaynataq tropakunapa capitannintapas achkallaña tropayuqta, rey Ezequiaswan tupanankupaq. Jerusalén llaqtaman chayaruspankum hanay law estanqueman hamuq yarqapa hichpanpi sayarurqaku. Chay estanqueqa kachkan “Taqsaq runapa chakranman” riq ñanpim.

2~Reyes 18:19

Paykunatam rey Ezequiasman nimunankupaq Asiria tropakuna kamachiq nirqa: Asiria nacionpa ancha reqsisqa reyninmi nin: ¿Imapi hapipakuspataq hawkallaña kachkanki?

2~Reyes 19:23

Willakuqkunata kachaspaykim ñoqa Tayta Diosta insultarqanki, hinaspam nirqanki: “Achka-achka carretaykunawanmi orqopa puntankunaman qespirusaq, mana yaykuy atina Líbano orqomanmi yaykurusaq, hatun cedronkunatawan sumaq cipresninkunatam kuchurusaq. Karu-karu sitiokunamanmi chayarusaq, huerta kaqlla montekunamanmi chayarusaq.

2~Reyes 19:9

Chaypim rey Senaqueribqa uyarirurqa contranpi peleananpaq Etiopía nacionpa reynin Tirhaca hamusqanta, chaymi rey Senaqueribqa runankunata huktawan kacharqa Judá nacionpa reynin Ezequiasman

2~Crónicas 32:19

Jerusalén llaqtapa Diosninpa contranpim rimarqaku, imaynam wakin nacionkunapa diosninmanta hina, chay dioskunaqa runakunapa ruwasqallanmi karqa.

Jeremías 21:13

Ñoqa Tayta Diosmi kaynata nini: Qechwapi munaychakuq llaqta pampapi qaqa hina llaqta, ñoqam contraykipi kachkani. Qamkunam ninkichik: ¿Pitaqsi ñoqanchikta atacawachwan? ¿Pitaqsi amparakunanchikman chayamunman? nisparaq.

Jeremías 46:14

Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Jeremías 50:31

Ñoqa Tukuy Atiyniyuq Tayta Diosmi kaynata nini: Hatunchakuq nación, contraykipim kachkani, punchawnikim chayaramun, castiganay punchawmi chayaramun.

Jeremías 51:25

Ñoqa Tayta Diosmi nini: Nacionkunata tuñichiq orqo, qampa contraykipim kachkani. Makiytam castiganaypaq hoqarisaq, qaqapa hawanmantam kumpaykusqayki, hinaspaymi kañasqa orqoman tikrasqayki.

Ezequiel 13:8

Chayraykum ñoqa Tayta Dios kaynata nikichik: Qamkunaqa visionpipas pantaytam qawankichik, profetizaspapas llullallatam willakunkichik, chayraykum contraykichikpi kachkani. Ñoqa Tayta Diosmi chaynata nini.

Ezequiel 21:3

Ñoqa Tayta Diospa nisqayta paykunaman kaynata niy: Ñoqaqa qampa contraykipim kachkani, chayraykum vainanmanta espadayta hurqoykuspay, allin ruwaq runakunata chaynataq mana allin ruwaq runakunatapas wañurachisaq.

Ezequiel 26:3

Chayraykum ñoqa Tayta Dios kaynata nini: Tiro llaqta, qampa contraykipim kachkani, imaynam lamar qochapa olankuna hoqarikun, chaynatam achka nacionkunata contraykipi hatarirachisaq.

Ezequiel 28:22

Ñoqa Tayta Diospa nisqayta kaynata niy: Sidón llaqta contraykipim kachkani, qampa chawpikipim hatunchasqa kasaq. Contraykipi sentenciaspa castigaptiymi chuya kasqayta reqsiwanki. Chaynapim Tayta Dios kasqayta yachanqaku.

Ezequiel 29:10

Chayraykum qampa contraykipi hinaspa Nilo mayuykipa contranpi kachkani. Egipto naciontam manchakuypaq chunniqman tikrarusaq, Migdol llaqtamanta qallaykuspa Sevene llaqtakama hinaspa Etiopía nacionwan tupanakuqkama.

Ezequiel 29:3

Ñoqa Tayta Diospa nisqayta kaynata niy: Egipto nacionpa reynin Faraón, ñoqam contraykipi kachkani, mayupa chawpinpi wischurayaq manchapa hatun animal hinam kanki. Qanmi kaynata nirqanki: “Nilo mayuqa ñoqapam, ñoqam unancharqani”, nispayki.

Ezequiel 35:3

Seir orqo, contraykipim kachkani, atiyniywanmi castigasqayki, purmarachispaymi chunnirachisqayki.

Ezequiel 38:3

Ñoqa Tayta Diospa nisqayta kaynata niy: Mesec hinaspa Tubal lawpi kamachikuq Gog, ñoqaqa qampa contraykipim kachkani.

Ezequiel 39:1

Runapa churin, Gogpa contranpi profetizaspayki ñoqa Tayta Diospa nisqayta kaynata niy: Mesec hinaspa Tubal lawkunapi kamachikuq Gog, qampa contraykipim kachkani.

Ezequiel 5:8

Chayraykum ñoqa Tayta Dios kaynata nini: Ñoqapas qampa contraykipi sayarispaymi wakin nacionkuna qawachkaptin sentenciaspay castigasqayki.

Nahúm 2:12

Leonqa mikunanpaq hapiruspanmi chinanmanwan uñankunaman rakinaq. Machaynintapas suwakamusqanwanmi anchallataña huntachiq.

Nahúm 3:1

Yaw, runa wañuchiq llaqta, suwakuypa chaynataq llullakuypa huntarisqan llaqta, ¡imallapiraq rikukunki! Suwakuynikiqa mana tukuqmi.

Nahúm 3:12

Palacioykikunapas poqosqa higosta taspiykuptinku mikuqpa simillanmanña wichirimuq hinam wichirimunqa.

Nahúm 3:15

Chaypim qamtaqa nina rupasunki, chaypitaqmi espadapas wañuchisunki, aqaruwayta hinam pasaypaqta chinkachisunki. Aqaruway hinayá miray, chilliku hinayá miray.

Nahúm 3:5

Tukuy Atiyniyuq Tayta Diosmi nin: Qampa contraykipim kachkani, pachaykita uyaykikama qempiruspaymi nacionkunaman hinaspa munaychakuqkunaman penqaynikita qawachisaq.

Josué 11:6

Ichaqa Josueytam Tayta Dios nirqa: Ama paykunataqa manchakuychu, paqarinmi kay horata llapallankuta wañusqata Israelpa mirayninkunaman qoykusaq. Qamñataqmi caballonkunapa atakankunata kuchuspa carretankunatapas kañanki, nispa.

Josué 11:9

Josueymi Tayta Diospa nisqanta hina ruwaspan enemigonkunapa caballonkupa atakanta kuchuspan carretankunatapas kañaykurqa.