Nahúm 2:11 - CHUYA QELLQA La Biblia en Quechua de Ayacucho 2012

¹¹ ¿Imataq pasarun leonpa machayninta hinaspa uña leonkunapa uchkunta? Chaypiqa leonpas wawankunawan kuskam mana pipa manchachisqan hawka yachakuqku.

Quechua Ayacucho Bible 1987

¹¹ ¿Yaqachum imallapas puchurunraq chay leonpa machayninmantaqa? ¿Yaqachum imallapas puchurunraq wawankunaman mikuchinan lugarmantaqa? Chaymanqariki orqo leonpas chinanwanmi riqku. Chaypiqariki wawankunawanmi kawsakuqku. Mana pipapas manchachisqanmi kawsakuqku.

Chuya Qellqa 1992

¹¹ ¿Imataq pasarun leonpa machayninta hinaspa uña leonkunapa uchkunta? Chaypiqa leonpas wawankunawan kuskam mana pipa manchachisqan hawka yachakuqku.

Nahúm 2:11 Iomraidhean Croise

Génesis 49:9

Churilláy Judá, uña león hinam qamqa kanki, hapimusqaykiwan saksaspam waqtapanki. Hatun león hinaraq kurkuykuspa siriykuptiki ¿pitaq rikchachisunkiman?

Isaías 13:7

Chayraykum llapa runakunapa makinpas manaña kallpayuq rikurirunqa, sonqonkupas pasaypaqtam hukmanyarunqa.

Isaías 31:4

Tayta Diosmi kaynata niwarqa: Imaynam ovejata hapiruspan michiqkuna huñunakuruspa qaparispanku manchachiptinkupas leonqa sunita sayan, chaynam Tukuy Atiyniyuq Tayta Diospas llaqtanta harkaykunanpaq Sión moqoman uraykamunqa.

Isaías 5:29

Leonpa hinam qapariyninkupas, malta leonkunapa hinam qapariyninkupas. Qaparillawanñam mikunankutapas hapinku, mana pipapas qechusqantam apakunku.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 50:44

Jordán mayupa patan montemanta pastokunapa kasqanman lloqsiq león hinam, qonqaymanta lloqsiruspay Babilonia runakunata lluptirachisaq. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqawan churanakunman?

Ezequiel 32:2

Runapa churin, Egipto nacionpa reynin Faraonmanyá kay aya takita takipuy: Qamqa nacionkunapi leonmanmi rikchakunki, lamar qochapi manchakuypaq hatun animalmanmi rikchakunki, mayuykikunapim challpuqyanki, yakukunatapas chakikiwanmi putkayachinki, mayukunatapas mitullatañam ruwarunki, nispa.

Joel 2:6

Ñawpaqninkupiqa runakunapas manchakuymantam katkatatanku, manchakuymantam uyankupas ayayarun.

Miqueas 5:6

Paykunam Asiria naciontapas, Nimrodpa llaqtantapas, espadawan chinkarachinqaku. Asiria runakuna hamuspa allpanchikpa linderonkunata saruptinpas paymi librawasun.

Nahúm 2:12

Leonqa mikunanpaq hapiruspanmi chinanmanwan uñankunaman rakinaq. Machaynintapas suwakamusqanwanmi anchallataña huntachiq.

Nahúm 3:1

Yaw, runa wañuchiq llaqta, suwakuypa chaynataq llullakuypa huntarisqan llaqta, ¡imallapiraq rikukunki! Suwakuynikiqa mana tukuqmi.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Números 23:24

Kay llaqtaqa león hinam hatarichkan, león hinam chutaparikuchkan. Manam samaykunqachu wañuchisqanta mikuruspan yawarninta llaqwanankama, nispa.