Nahúm 1:8 - CHUYA QELLQA La Biblia en Quechua de Ayacucho 2012

⁸ Contranpi hatariqkunatam ichaqa lloqlla hinaraq chinkarachin, enemigonkunataqa tutayaypipas qatikachanmi.

Quechua Ayacucho Bible 1987

⁸ Lloqlla hinaraqmi Ninivetaqa tukurunqa. Tutayay ukukamaraqmi enemigonkunataqa qatinqa.

Chuya Qellqa 1992

⁸ Contranpi hatariqkunatam ichaqa lloqlla hinaraq chinkarachin, enemigonkunataqa tutayaypipas qatikachanmi.

Nahúm 1:8 Iomraidhean Croise

Jobwan Sutichasqa Libro 30:15

Manchakuymi qonqaymanta hayparamuwan, honorniymi wayrapa apasqanña rikurirun, allinpaq qapikuyniymi puyu hina chinkarun.

Jobwan Sutichasqa Libro 40:11

Piñakuynikitayá cheqerichiy, hatun tukuqkunatayá qawarispa uchuychay.

Proverbios 4:19

Mana allin runakunapa ñanninmi ichaqa tutayay, paykunaqa manam yachankuchu imapim urmaruytapas.

Isaías 13:10

Chayraykum cielokunapi chaskakunapas manaña kanchanqachu, intipas qespiykamuspallam tutayarunqa, killapas tutayaruspam manaña kanchanqachu.

Isaías 13:9

Tayta Diospa punchawninmi chayamuchkanña: Manchakuypaq sinchi piñakuyninpim allpa pachatapas chunniqmanña tikrarunqa, chaypi kawsaq llapa huchasapakunatam chinkarachinqa.

Isaías 28:17

Plomadawan hinam allin arreglota ruwasaq, nivelwan hinam allin kawsakuyta ruwasaq. Llullakuy amparoykichiktapas runtu param tukurunqa, pakakunaykichiktapas yakum tuyturunqa.

Isaías 28:18

Wañuywan contrato ruwasqaykichikpas yanqachasqam kanqa, wañusqakunapa kasqanwan contrato ruwasqaykichikpas manaña kaqmi kanqa; chay manchakuypaq sasachakuy hamuruspanmi sarupasunkichik.

Isaías 28:2

Tayta Diosmi hatallichkan huk kallpasapa sinchi atiyniyuq runata. Chay runaqa, runtu para hina dañakuqmi, llumpay wayra-para hinaraqmi, loco para hinaraqmi, manchakuypaq repunti lloqlla hinaraqmi. Kallpawanmi pampaman wikapanqa,

Isaías 8:22

Pampata qawarispankuñataqmi, ñakariytawan tutayayllata, pasaypaq tutayaytawan sasachakuyllata rikunqaku, hinaspam pasaypaq tutayayllapi kawsanqaku.

Jeremías 13:16

Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Jeremías 51:64

kaynata ninki: ¡Tayta Dios castigaptinmi Babilonia kaynata chinkarunqa! ¡Tuñiruspanqa manañam haykapipas hatarinqañachu! nispayki. Kaypim Jeremiaspa rimasqankuna tukun.

Ezequiel 13:13

Chayraykum ñoqa Tayta Dios kaynata nini: Piñakuspaymi sinchi wayrata pukuchimusaq, sinchi paratawan runtu-paratam rumita hinaña chayachimusaq, chaynapi tukuy imatapas tuñichinaypaq.

Daniel 11:10

Ichaqa norte lawpi reypa churinkunam piñakuspanku nana-nanaq tropakunata hatarichinqaku. Lloqlla hinaraq mastarikuspankum sur lawpi reypa murallasqa llaqtanman chayaruspanku huktawan atacanqaku.

Daniel 11:22

Payqa kallpasapallaña lloqlla hinam contranpi hatarimuqkunatapas pasaypaqta chinkarachinqa, paykunatawan kuskatam contrato ruwaq kamachikuqtapas wañurachinqa.

Daniel 11:40

Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Amós 8:8

¿Manachum chayrayku allpapas kuyurinqa? ¿Manachum chaypi yachaq llapa runakuna waqanqaku? Mayu hinaraqmi llimparinqa, llimparispanmi Egiptopi mayu hinaraq yawyarinqa.

Nahúm 1:1

Kaymi Elcos llaqtayuq Nahumpa visionpi imam rikusqanmanta qellqa. Paymi Nínive llaqtapa contranpi kaynata profetizarqa:

Nahúm 2:8

Nínive llaqtaqa, yakunta mana takyachiq raqrasqa qocha hinam. ¡Ama ayqeychikchu! ¡Kutimuychik! nispa qayachkaptinkupas, manam pipas kutimunchu.

Sofonías 2:13

Norte lawman makinta haywarispanmi Asiria nacionta chinkarachinqa, Nínive llaqtatapas pasaypaqta purmarachispam aqopa kanan chaki chunniqmanña tikrarunqa.

Mateo 7:27

Chay wasimanmi para chayamurqa, lloqllam kallpamurqa, nisyu wayrapas pukumurqam, hinaptinmi chinkanankama tuñiykurqa, nispa.

Mateo 8:12

Ichaqa Diospa munaychakuyninman punta qayasqa kaqkunam tutayayman wischusqa kanqaku, chaypim waqaspanku kirunkutapas kirichichinqaku, nispan.

1~Samuel 2:9

Payqa hapipakuqninkunatam waqaychan, mana allin runakunam ichaqa tutayaypi chinkanqaku, manam pipas vencenmanchu kikinpa kallpallanwanqa.